អនុប្រធានាធីបតីអាមេរិក លោក Mike Pence នឹងព្យាយាមឲ្យមានកិច្ចសន្ទនាតាមទូរស័ព្ទជាលើកដំបូងរវាងលោក ដូណាល់ ត្រាំ និងនាយករដ្ឋមន្ត្រីអូស្ត្រាលី លោក Malcolm Turnbull នៅពេលលោកជួបនឹងនាយករដ្ឋមន្ត្រីអូស្ត្រាលីរូបនេះ នៅថ្ងៃនេះ។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន AFP។
ក្រោយពីកិច្ចសន្ទនារវាងមេដឹកនាំប្រទេសទាំងពីរកាលពីខែមករាកន្លងមក ដែលនាំឲ្យមានការខ្វែងគំនិតគ្នារវាងអាមេរិក និងសម្ព័ន្ធមិត្តចាស់វស្សារបស់ខ្លួនមក លោក Pence នឹងប្រកាន់យកវិធីសាស្ត្រកាន់តែគួរឲ្យទុកចិត្ត និងព្យាយាមផ្ដោតទៅលើកិច្ចសហប្រតិបត្តិការខាងវិស័យពាណិជ្ជកម្ម ការពារជាតិ និងវិស័យជាច្រើនទៀត។
លោក ត្រាំ ត្រូវបានគេរាយការណ៍ថា លោកបានកាត់ផ្ដាច់កិច្ចសន្ទនាតាមទូរស័ព្ទជាមួយមេដឹកនាំអូស្ត្រាលី នៅពេលលោកទទួលបានដំណឹងអំពីកិច្ចព្រមព្រៀងមួយដែលនិយាយអំពីការបញ្ជូនជនភៀសខ្លួនពីអូស្ត្រាលីទៅអាមេរិក។
បញ្ហានេះ បាននាំឲ្យអូស្ត្រាលីចោទសួរអំពីការប្ដេជ្ញាចិត្តដ៏រឹងមាំរបស់ប្រធានាធិបតីអាមេរិកចំពោះទំនាក់ទំនងរាប់ទសវត្សរ៍រវាងប្រទេសទាំងពីរ៕
