ប្អូនស្រី លីដា ជាសិស្សរៀននៅថ្នាក់ទី ៨ នៃអនុវិទ្យាល័យមានជ័យ។ នាងមានអាយុ ១៩ ឆ្នាំ
រស់នៅក្នុងបន្ទុកឪពុកម្ដាយ។ នាងបាននិយាយប្រាប់ពលរដ្ឋអ្នកសារព័ត៌មាននៅថ្ងៃទី ៣ មិថុនានេះថា ការបោះឆ្នោតជ្រើសរើសក្រុមប្រឹក្សាឃុំសង្កាត់នៅថ្ងៃអាទិត្យទី ៤ ខែមិថុនា ឆ្នាំ ២០១៧ ខាងមុខនេះ នាងនឹងទៅបោះឆ្នោត ដើម្បីជ្រើសរើសអ្នកដែលមានសមត្ថភាពដឹកនាំឃុំសង្កាត់ដើម្បីអភិវឌ្ឍន៌គ្រប់វិស័យ ជាសេស នាងចង់ឲ្យក្រុមប្រឹក្សាឃុំសង្កាត់ក្នុងអាណត្តិថ្មីនេះ ធ្វើយ៉ាងណាជួយដល់សិស្សក្រីក្រមានអាហារូបកណ៍ ដើម្បីបន្តការសិក្សាទៅឧត្តមសិក្សាថែមទៀត ព្រោះថាយុវជនសម័យនេះ ត្រូវការចាំបាច់នូវចំណេះដឹងខ្ពង់ខ្ពស់ ដើម្បីចូលរួមចំណែកអភិវឌ្ឍន៌ ប្រទេសជាតិ។
ដោយពលរដ្ឋអ្នកសារព័ត៌មានខេត្តក្រចេះ អ្នកស្រី ណេត នឿន