អ្នកដែលមានឈ្មោះបោះឆ្នោតចំនួន ៩៦នាក់ ក្នុងចំណោម ១៧៧នាក់ ដែលប្រើឯកសារ(ឯអ) នៅសង្កាត់លលកស ក្រុងពោធិ៍សាត់ អាចបោះបង់សិទ្ធិបោះឆ្នោត ដោយពួកគាត់មិនមកបំពេញឯកសារ។
នៅរសៀលថ្ងៃទី ២ មិថុនា លោក សូ សាលួត ចៅសង្កាត់រងទី១ សង្កាត់លលកស បានឲ្យដឹងថា អ្នកដែលបានមកបំពេញឯកសារ(ឯអ)សម្រាប់បោះឆ្នោតថ្ងៃទី៤ ខាងមុខ បានចំនួន ៧៧នាក់ នៅសល់ ៩៦នាក់ទៀតមិនទាន់មក។
លោកបានប្រាប់ទៀតថា “ខ្ញុំបានផ្សព្វផ្សាយតាមរយៈមេភូមិដែរ ហើយមេភូមិក៍បានផ្សព្វផ្សាយបន្ត តែអត់ឃើញមានអ្នកមកធ្វើ បើតាមដឹងពួកនៅសល់គឺសុទ្ធតែចំណាកស្រុកទាំងអស់” ។
រយៈពេលបបំពេញឯកសារនេះនៅសល់តែ ១ថ្ងៃទៀតទេ គឺថ្ងៃទី ៣ ខែមិថុនា ត្រឹមម៉ោង ៥ល្ងាច។
ដោយពលរដ្ឋអ្នកសារព័ត៌មានខេត្តពោធិសាត់ លោក នូ រ៉េន