ប្រជាពលរដ្ឋមួយចំនួនរស់នៅឃុំមួយក្នុងខេត្តក្រចេះ បារម្ភពីសុខភាពក្រោយពេលមានគេយកសំរាមទៅចាក់នៅខាងលើទំនប់ទឹកដែលអ្នកភូមិប្រើប្រាស់ប្រចាំថ្ងែ។
ពលរដ្ឋម្នាក់តំណាងឲ្យអ្នកភូមិកន្តួត ឃុំកន្តួត ស្រុកចិត្របុរី លើកឡើងអំពីបញ្ហារប្រឈមនៅក្នុងវេទិកាមួយ កាលពីព្រឹកថ្ងៃទី ១៤ ខែកក្តដា ឆ្នាំ ២០១៧ ដែលមានមនុស្សចូលរួមប្រមាណជាង២០០នាក់។ លោកបាននិយាយថា សព្វថ្ងៃប្រពលរដ្ឋនៅក្នុងភូមិរបស់គាត់កំពុងរងផលប៉ះពាល់ពីការចាក់សំរាមនៅខាងលើទំនប់ទឹក ដែលពួកគាត់ប្រើប្រាស់ជាប្រចាំថ្ងៃ។ ពលរដ្ឋរូបនេះបន្ថែមស្នើទៅអាជ្ញាធរមេត្តាជួយអន្តរាគមនិងរកដំណោះស្រាយសម្រាប់អ្នកភូមិទាំងអស់ផង។
ឆ្លើយតបនិងបញ្ហា ដែលបានលើកខាងលើ គណៈអភិបាលស្រុក បានទទួលយកសំណើរទាំងនោះ ហើយសន្យាថា នឹងរៀបចំឲ្យមានកន្លែងចាក់សំរាមថ្មី ដើម្បីកាត់បន្ថយផលប៉ះពាល់ដល់ប្រជាពលរដ្ឋ។
ដោយពលរដ្ឋអ្នកសារព័ត៌មាន ខេត្តក្រចេះ អ្នកស្រី នេត នឿន
