កម្មកររោងចក្រញ៉ូវអូរៀន ដួលសន្លប់ ៥៧នាក់ កំពុងសំរាកនៅមន្ទីពេទ្យមូលមិត្ត

កម្មកររោងចក្រញ៉ូវអូរៀន ស្ថិតនៅក្នុងសួនកាណាឌីយា ប្រមាណ ៥៧នាក់បានដួលសន្លប់ និងកំពុងសំរាកព្យាបាលនៅមន្ទីពេទ្យមូលមិត្ត ចំណែកអ្នកដែលមានអការៈធ្ងន់ធ្ងរត្រូវបានបញ្ចូនទៅមន្ទីពេទ្យលោកសង្ឃ និងមន្ទីពេទ្យកាលម៉ែត្រ ។ ហេតុការណ៍នេះ បានកើតឡើងនៅព្រឹកថ្ងៃទី ៧ ខែសីហា ឆ្នាំ ២០១៧ ដោយអ្នកដួលសន្លប់ទាំអស់ជាកម្មការិនី។ បើតាមការរៀបរាប់ប្រាប់ពីសំណាក់កម្មការិនីឲ្យដឹងថា ការដួលសន្លប់នេះគឺមិនដឹងមូលហេតុច្បាស់លាស់ទេ ដោយកម្មករខ្លះគាត់និយាយថាគាត់តឹងដើមទ្រូងពិបាកដកដង្ហើម ខ្លះត្រជាក់ចុងដៃចុងជើងទាន់តែម្តងខ្លះរកក្អួតឈឺក្បាល។

ជាការឆ្លើយតប អ្នកគ្រប់គ្រាងរោងចក្រ និងថ្នាក់ដឹកនាំសហជីព Ccawduប្រចាំរោងចក្របានឯកភាពអនុញ្ញាតិឲ្យកម្មករទាំងអស់ក្នុងរោងចក្រឈប់សំរាកចំនួនពីរថ្ងៃ តែចំពោះកម្មករដែលបានដួលន្លប់ត្រូវសំរាកទៅតាមវិជ្ជបញ្ចារបស់គ្រូពេទ្យ។

ដោយពលរដ្ឋអ្នកសារព័ត៌មាន កញ្ញា គិត ឡេង