ក្រុមប្រជាពលរដ្ឋក្នុងខេត្តព្រះសីហនុបាននិងកំពុងសម្តែងក្តីបារម្ភ ជនជាតិចិនមកដណ្តើមយកមុខរបរនិងសេដ្ឋកិច្ច។ ប្រជាពលរដ្ឋមួយរូបរស់នៅក្នុងទីរួមខេត្តព្រះសីហនុ សុំមិនបញ្ចេញឈ្មោះបានឲ្យដឹងថា នៅក្នុងខេត្តព្រះសីហនុបច្ចុប្បន្នមានវត្តមានជនជាតិចិនជាច្រើនបានមករស់តាំងលំនៅ និងបានដណ្តើមមុខរបរខ្មែរសឹងអស់ហើយ។ អ្នកស្រីបន្តថា ជនជាតិចិនទាំងនោះគេប្រកបរបរលក់ដូរដូចបងប្អូនខ្មែរអញ្ចឹងដែរ ដូចជា លក់ពងទាកូន សាច់គោអាំងនិងបោកអ៊ុត ជាដើម។ល។ លើសពីនោះក៏មានផងដែរជនជាតិរកស៊ីផ្នែកសណ្ឋាគារ និងផ្ទះសំណាក់។ “នៅក្រុងព្រះសីហនុឥឡូវគឺពុំសូវមានជនជាតិអឹរុបទេ ពោពេញទៅដោយជនជាតិចិន ច្រើន” ។
ដោយពលរដ្ឋអ្នកសារព័ត៌មាន កញ្ញា គិត ឡេង