ក្រសួងសុខាភិបាលរកឃើញករណីឆ្លងជំងឺកូវីដ-១៩ថ្មី ជាង៦០០នាក់បន្ថែមទៀត ខណៈអ្នកជំងឺចំនួន៧នាក់ទៀតបានស្លាប់កាលពីម្សិលមិញ។
ក្នុងសេចក្ដីប្រកាសព័ត៌មានរបស់ក្រសួងសុខាភិបាល នៅថ្ងៃទី១៨ ខែកញ្ញា ឆ្នាំ២០២១ ឱ្យដឹងថា ក្រសួងរកឃើញអ្នកឆ្លងជំងឺកូវីដ-១៩ ចំនួន ៦៤៨នាក់ បន្ថែមទៀត កាលពីម្សិលមិញ ក្នុងនោះ ករណីនាំចូលពីក្រៅប្រទេសចំនួន ១៦០នាក់។ ចំណែកអ្នកជំងឺដែលបានស្លាប់នោះ មានចំនួន ៧ នាក់ និងជាសះស្បើយចំនួន ៤៩២នាក់។
បើតាមក្រសួងសុខាភិបាល គិតត្រឹមថ្ងៃទី១៨ ខែកញ្ញា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ-១៩ សរុប ១០៣ ៤៨២នាក់ ក្នុងនោះ ករណីនាំចូលពីក្រៅប្រទេសចំនួន ១៧ ៧៣៩ នាក់។ ចំណែកអ្នកជាសះស្បើយចំនួន ៩៦ ៧៦៧ នាក់ ខណៈអ្នកជំងឺដែលស្លាប់មានចំនួន ២ ០៩៦ នាក់៕
