ក្រសួងសុខាភិបាលបានប្រកាសថា អ្នកជំងឺកូវីដ-១៩ចំនួន១១នាក់ទៀតបានស្លាប់កាលពីថ្ងៃម្សិលមិញនេះ ខណៈអ្នកឆ្លងសរុបបានបន្តធ្លាក់ចុះត្រឹម១៧៥នាក់។
ផ្អែកតាមសេចក្ដីប្រកាសព័ត៌មានរបស់ក្រសួងសុខាភិបាលនៅថ្ងៃទី១៩ ខែតុលានេះ បានឱ្យដឹងថា អ្នកស្លាប់ទាំង១១នាក់នោះ គឺមាន៨នាក់ដែលមិនបានចាក់វ៉ាក់សាំង។ ចំណែកអ្នកឆ្លងថ្មីដែលលទ្ធផលបញ្ជាក់ដោយម៉ាស៊ីន PCR មានចំនួន១៧៥នាក់ ក្នុងនោះ ករណីនាំចូលពីក្រៅប្រទេសមានចំនួន៣៤នាក់ ខណៈអ្នកជាសះស្បើយមានចំនួន២៧១នាក់។
សរុបអ្នកឆ្លងជំងឺកូវីដ-១៩ គិតត្រឹមថ្ងៃទី១៨ ខែតុលា ឆ្នាំ២០២១ គឺមានចំនួនសរុប១១៧ ០៣៥នាក់ ស្លាប់២ ៦៨១នាក់ និងព្យាបាលជាសះស្បើយចំនួន១១១ ៤២០នាក់។ ក្នុងចំណោមអ្នកឆ្លងសរុប១១៧ ០៣៥នាក់ មានករណីនាំចូលពីក្រៅប្រទេសចំនួន១៩ ៣៩៩នាក់៕
