ក្រសួងសុខាភិបាលឱ្យដឹងថា កម្ពុជាបានរកឃើញអ្នកឆ្លងជំងឺកូវីដ-១៩ ចំនួន ៥ នាក់ទៀត ខណៈអ្នកជំងឺដែលស្លាប់ចំនួន ២ នាក់។
សេចក្តីប្រកាសព័ត៌មានរបស់ក្រសួងសុខាភិបាលចុះថ្ងៃទី១៨ ខែធ្នូ ឆ្នាំ២០២១ ឱ្យដឹងថា កាលពីម្សិលមិញ អ្នកឆ្លងកូវីដ-១៩ មានចំនួន ៥ នាក់ ក្នុងនោះ ករណីនាំចូលពីក្រៅប្រទេសម្នាក់ ខណៈអ្នកជំងឺជាសះស្បើយវិញ មានចំនួន ១១នាក់ និងអ្នកស្លាប់ថ្មី ២នាក់ ដោយអ្នកទាំងពី ២ នាក់ មិនបានចាក់វ៉ាក់សាំងការពារឡើយ។
គិតត្រឹមថ្ងៃទី១៨ ខែធ្នូ ឆ្នាំ២០២១ កម្ពុជារកឃើញអ្នកឆ្លងជំងឺកូវីដ-១៩ សរុប ១២០ ៤១០ នាក់ ក្នុងនោះ ករណីនាំចូលពីក្រៅប្រទេសចំនួន ១៩ ៨៥៥ នាក់ ខណៈអ្នកជាសះស្បើយសរុប ១១៦ ៧៨២ នាក់ និងស្លាប់សរុប ៣០០៣នាក់៕