ក្រុមអង្គការសង្គមស៊ីវិល សមាគម និងសហជីពតំណាងឱ្យ១៣៤ស្ថាប័ន បានបន្តដើរដាក់លិខិតចំហរបស់ខ្លួននៅតាមស្ថាប័នជាតិសំខាន់ៗនៅរសៀលថ្ងៃព្រហស្បតិ៍នេះ ដើម្បីឱ្យជួយអន្តរាគមន៍ដោះស្រាយវិវាទការងារនៅក្រុមហ៊ុនណាហ្គាវើលដ៍ ព្រមទាំងដោះលែងតំណាងសហជីព និងទម្លាក់ចោលការចោទប្រកាន់ទៅលើពួកគេ។
នៅរសៀលថ្ងៃនេះ ក្រុមអង្គការសង្គមស៊ីវិលមានគម្រោងដាក់លិខិតចំហដំបូងទៅកាន់ក្រសួងយុត្តិធម៌ បន្ទាប់មកគឺក្រសួងការងារ និងចុងក្រោយគឺក្រសួងកិច្ចការនារី។
កាលពីថ្ងៃទី៧ ខែកុម្ភៈ ក្រុមអង្គការសង្គមស៊ីវិលតំណាងឱ្យ១៣៤ស្ថាប័ននេះក៏បានរួមគ្នាដាក់លិខិតចំហដូចគ្នានេះទៅកាន់ក្រសួងមហាផ្ទៃ និងរដ្ឋសភាជាតិផងដែរ។
ពួកគេអះអាងថា គោលបំណងគឺស្នើអន្តរាគមន៍ដោះស្រាយវិវាទការងាររបស់ក្រុមហ៊ុនណាហ្គាវើលដ៍ និងស្នើដោះលែង និងទម្លាក់ចោលការចោទប្រកាន់លើថ្នាក់ដឹកនាំនិងសកម្មជនសហជីពទាំងសរុប១១នាក់ដែលកំពុងជាប់ឃុំ ដោយសារការតវ៉ាទាមទារឱ្យមានដំណោះស្រាយការងារ និងគោរពសិទ្ធិសហជីពក្នុងក្រុមហ៊ុន។
សូមលោកអ្នកនាងរង់ចាំអានព័ត៌មានពិស្ដារអំពីរឿងនេះនៅពេលបន្តបន្ទាប់៕
