អន្តរជាតិ

ការឈ្លានពានពីសំណាក់រុស្ស៊ីលើអ៊ុយក្រែនបានឆក់យកជីវិតជនស៊ីវិល៣៥២នាក់

លោក ភុន ច័ន្ទឧសភា
| ២៨ កុម្ភៈ ២០២២
ម៉ោង ១១:០៦

ស្ត្រីម្នាក់ឈរនៅមុខអគារបាក់បែកដោយសារការវាយប្រហារពីសំណាក់រុស្ស៊ីលើអ៊ុយក្រែន។ (ធ្វីតទ័រ៖ UN Human Rights)

ក្រសួងសុខាភិបាលប្រទេសអ៊ុយក្រែន បានឱ្យដឹងថា គិតត្រឹមថ្ងៃអាទិត្យម្សិលមិញនេះ ជនស៊ីវិលចំនួន៣៥២នាក់ ដែលក្នុងនោះមានកុមារចំនួន១៤នាក់ ត្រូវបានស្លាប់បាត់បង់ជីវិត គិតចាប់តាំងពីការចាប់ផ្ដើមនៃការឈ្លានពានរបស់រុស្ស៊ីលើអ៊ុយក្រែន។ នេះបើតាមការចុះផ្សាយដោយទីភ្នាក់ងារសារព័ត៌មាន Reuters។

ប្រភពដដែលបន្តទៀតថា មនុស្សចំនួន១ ៦៨៤នាក់ ដែលក្នុងនោះមានកុមារចំនួន១១៦រូបផ្សេងទៀតក៏បានរងរបួសក្នុងករណីនេះផងដែរ។

យោងតាមរបាយការណ៍មួយដោយការិយាល័យអង្គការសហប្រជាជាតិសម្រាប់ការសម្របសម្រួលកិច្ចការមនុស្សធម៌ (OCHA) បានឱ្យដឹងថា ការខូចខាតហេដ្ឋារចនាសម្ព័ន្ធស៊ីវិលដែលបង្កឡើងដោយករណីរុស្ស៊ីឈ្លានពានអ៊ុយក្រែននេះ បានធ្វើឱ្យមនុស្សរាប់សែននាក់គ្មានអគ្គិសនីនិងទឹកប្រើប្រាស់ ខណៈដែលផ្ទះរាប់រយខ្នងបានរងការខូចខាតនិងបំផ្លិចបំផ្លាញ។

ជាមួយគ្នានេះ ស្ពាននិងផ្លូវដែលរងការវាយប្រហារដោយគ្រាប់ផ្លោងក៏បានកាត់ផ្ដាច់សហគមន៍មួយចំនួនទៅកាន់ទីផ្សារនានានៅក្នុងប្រទេសផងដែរ៕

រុស្ស៊ី, អ៊ុយក្រែន

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។