អន្តរជាតិ

ទាហានអ៊ុយក្រែនជាង៧០នាក់ស្លាប់ក្នុងករណីបាញ់គ្រាប់ផ្លោងលើមូលដ្ឋានយោធាដោយរុស្ស៊ី

លោក ភុន ច័ន្ទឧសភា
| ០១ មីនា ២០២២
ម៉ោង ១៦:២៩

អគាររងការវាយប្រហារពីសំណាក់រុស្ស៊ី នៅតំបន់ Sumy ប្រទេសអ៊ុយក្រែន។ (ហ្វេសប៊ុក៖ Дмитро Живицький)

អភិបាលក្នុងតំបន់ លោក Dmytro Zhyvytskyy បានឱ្យដឹងនៅលើបណ្ដាញសង្គមហ្វេសប៊ុកថា ទាហានអ៊ុយក្រែនជាង៧០នាក់ ត្រូវបានស្លាប់បាត់បង់ជីវិត ខណៈពេលដែលទាហានរុស្ស៊ីបានធ្វើការវាយប្រហាយដោយបាញ់គ្រាប់ផ្លោងលើមូលដ្ឋានយោធាមួយកន្លែងក្នុងទីក្រុង Okhtyrka នៅតំបន់ Sumy ភាគឦសាននៃប្រទេសអ៊ុយក្រែន កាលពីថ្ងៃចន្ទ។ នេះបើតាមការចុះផ្សាយដោយទីភ្នាក់ងារសារព័ត៌មាន Reuters។

រុស្ស៊ីបានបើកការឈ្លានពានទ្រង់ទ្រាយធំរបស់ខ្លួនទៅលើអ៊ុយក្រែនតាមផ្លូវគោក ផ្លូវអាកាស និងសមុទ្រ កាលពីថ្ងៃព្រហស្បតិ៍សប្ដាហ៍មុន បន្ទាប់ពីការប្រកាសសង្រ្គាមមួយដែលធ្វើឡើងដោយប្រធានាធិបតីរុស្ស៊ី លោក វ្លាឌីមៀរ ពូទីន ខណៈដែលភាគីទាំងពីរក៏បានយល់ព្រមក្នុងការជួបចរចាគ្នាជាលើកដំបូងដែលធ្វើឡើងកាលពីថ្ងៃចន្ទផងដែរ។

ទោះជាយ៉ាងណា កិច្ចចរចាស្ដីពីបទឈប់បាញ់រវាងរុស្ស៊ី និងប្រទេសជិតខាងរបស់ខ្លួនគឺអ៊ុយក្រែន ដែលធ្វើឡើងកាលពីថ្ងៃចន្ទម្សិលមិញនេះ មិនទទួលបានលទ្ធផលជាផ្លែផ្កាឡើយ ខណៈមន្រ្តីចរចានៃភាគីទាំងពីរពុំបានបញ្ជាក់ថាតើកិច្ចចរចាបន្ទាប់នឹងធ្វើឡើងនៅពេលណាទៀតនោះទេ៕

រុស្ស៊ី, អ៊ុយក្រែន

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។