ក្រសួងសុខាភិបាលបានប្រកាសពីការរកឃើញអ្នកឆ្លងកូវីដ-១៩ ចំនួន០៦ករណីបន្ថែម កាលពីថ្ងៃម្សិលមិញ ខណៈមិនមានអ្នកជាសះស្បើយនិងស្លាប់នោះឡើយ។
តាមរយៈសេចក្ដីជូនដំណឹងរបស់ក្រសួងសុខាភិបាលដែលបានចេញផ្សាយថ្ងៃទី០៧ ខែកក្កដា ឆ្នាំ២០២២ បានឱ្យដឹងថា ករណីឆ្លងជំងឺកូវីដ-១៩ថ្មី ដែលបានរកឃើញទាំង៦នាក់នោះ ជាការឆ្លងប្រភេទវីរុសអូមីក្រុង ដែលក្នុងនោះមាន៤នាក់ជាអ្នកដែលស្នើសុំវិញ្ញាបនបត្រចេញទៅក្រៅប្រទេស។
បើតាមលិខិតរបស់ក្រសួងសុខាភិបាល គិតត្រឹមព្រឹកថ្ងៃព្រហស្បតិ៍នេះ កម្ពុជាបានរកឃើញអ្នកឆ្លងជំងឺកូវីដ-១៩ សរុបចំនួន១៣៦ ៣១៤នាក់ ក្នុងនោះជាសះស្បើយ១៣៣ ២០៦នាក់ និងស្លាប់ចំនួន៣ ០៥៦នាក់ ដោយករណីនាំចូលពីក្រៅប្រទេសសរុប២១ ២២២នាក់ និងឆ្លងក្នុងសហគមន៍ចំនួន១៤ ៥០៨នាក់៕