លោក កែម ឡី ត្រូវខ្មាន់កាំភ្លើងបាញ់សម្លាប់ កាលពីព្រឹកថ្ងៃទី១០ ខែកក្កដា ឆ្នាំ២០១៦ នៅក្នុងម៉ាតមួយនៃប្រេងឥន្ធនៈកាល់តិច ជាប់ស្តុបបូកគោ ក្នុងរាជធានីភ្នំពេញ ដែលគិតត្រឹមថ្ងៃទី១០ ខែកក្កដា ឆ្នាំ២០២២នេះ មានរយៈពេល ៦ឆ្នាំមកហើយ។ មុនករណីឃាតកម្មនេះ លោក កែម ឡី បានធ្វើការងារសង្គមជាច្រើន។
ក្រៅពីធ្វើជា វាគ្មិន ចែករំលែកចំណេះដឹងពីបញ្ហាសង្គម លោកក៏បានឆ្លៀតពេលខ្លះចុះជួបពលរដ្ឋនៅតាមខ្សែបន្ទាត់ព្រំដែន ដើម្បីឈ្វេងយល់ពីបញ្ហាព្រំដែន និងចងក្រងជាឯកសារសម្រាប់ក្មេងជំនាន់ក្រោយ ដែលលោកដាក់ឈ្មោះថា «យុទ្ធនាការ១០០រាត្រី»។
នៅក្នុងកិច្ចសម្ភាសន៍ជាមួយសារព័ត៌មាន វីអូឌី លោកបណ្ឌិត ឡៅ ម៉ុងហៃ បង្ហាញទស្សននិងពន្យល់ថា សព្វថ្ងៃយើងត្រូវការមនុស្សដូច កែម ឡី និយាយការពិត បង្ហាញការពិត ដើម្បីយុត្តិធម៌។ ហេតុអ្វីត្រូវមាន “ការពិត” តើការ “ការពិត” បានជួយអ្វីខ្លះដល់សង្គម?