ក្រសួងសុខាភិបាលបានប្រកាសពីការរកឃើញអ្នកឆ្លងកូវីដ-១៩ថ្មី ចំនួន១៧ករណីបន្ថែមទៀតកាលពីថ្ងៃម្សិលមិញ ខណៈអ្នកជាសះស្បើយថ្មីមានចំនួន៩នាក់។
តាមរយៈសេចក្ដីជូនដំណឹងរបស់ក្រសួងសុខាភិបាលដែលបានចេញផ្សាយថ្ងៃទី១៤ ខែកក្កដា ឆ្នាំ២០២២ បានឱ្យដឹងថា ករណីឆ្លងជំងឺកូវីដ-១៩ថ្មី ដែលបានរកឃើញទាំង១៧នាក់នោះជាការឆ្លងប្រភេទវីរុសអូមីក្រុង ក្នុងនោះមាន៨នាក់ជាអ្នកដែលស្នើសុំវិញ្ញាបនបត្រចេញទៅក្រៅប្រទេស ខណៈអ្នកជាសះស្បើយថ្មីមានចំនួន៩នាក់ និងមិនមានករណីស្លាប់នោះទេ។
បើតាមលិខិតរបស់ក្រសួងសុខាភិបាល គិតត្រឹមព្រឹកថ្ងៃព្រហស្បតិ៍នេះ កម្ពុជាបានរកឃើញអ្នកឆ្លងជំងឺកូវីដ-១៩ សរុបចំនួន១៣៦ ៤០៧នាក់ ក្នុងនោះជាសះស្បើយ ១៣៣ ២៦៧នាក់ និងស្លាប់ចំនួន៣ ០៥៦នាក់៕
