អ្នកលក់ដូរមួយចំនួនក្នុងពិធីបុណ្យអុំទូកក្នុងរាជធានីភ្នំពេញបារម្ភលក់មិនដាច់ អាចដោយសារពលរដ្ឋដើរកំសាន្តតិច ស្របពេលដែលស្ថានភាពនយោបាយមានភាពតានតឹង ។
អ្នកនាំពាក្យសាលាដំបូងរាជធានីភ្នំពេញបានអះអាងថា បច្ចុប្បន្ន តំណាងអយ្យការបានសម្រេចចោទប្រកាន់ក្រុមសន្តិសុខយាមទីស្នាក់ការអតីតគណបក្សសង្គ្រោះជាតិចំនួន ១០នាក់ ចំនួនពីរបទល្មើស គឺបទ «រួមគំនិតក្បត់ និងញុះញង់ឱ្យប្រព្រឹត្តិបទឧក្រិដ្ឋជាអាទិ៍»។
មន្ត្រីនគរបាលជាន់ខ្ពស់អះអាងថា រហូតដល់ពេលនេះ សមត្ថកិច្ចជំនាញនៅមិនទាន់ប្រមូលភស្តុតាងគ្រប់គ្រាន់ និងកំណត់មុខសញ្ញាបាននៅឡើយ ចំពោះក្រុមជនដៃដល់វាយលើអតីតប្រធានអង្គរក្សលោក សម រង្ស៊ី និងអតីតចៅសង្កាត់កោះដាច់ មកពីគណបក្សសង្គ្រោះជាតិ។
ក្រុមចលនាមាតាធម្មជាតិ ថាយុវជនដែលស្រលាញ់បរិស្ថាននឹងប្រមូលផ្តុំគ្នាតវ៉ាមុខសាលាខេត្តព្រះសីហនុប្រសិនបើក្នុងរយៈពេលមួយខែអាជ្ញាធរមិនចាត់វិធានការរុះរើកាស៊ីណូចិនខុសច្បាប់ដែលសាងសង់នៅលើកោះរ៉ុងសន្លឹម។
ក្រុមយុវជនចលនាមាតាធម្មជាតិបានអះអាងថា ត្បិតក្រុមខ្លួនត្រូវសមត្ថកិច្ច និងអាជ្ញាធរតាមបណ្តាមូលដ្ឋាននានាតាមរំខាន ហើយដាក់គំនាបឥតដាច់បែបណាក្តី តែពួកគេនៅតែប្តេជ្ញាបញ្ចប់ដំណើរធម្មយាត្រាទាមទារឱ្យអជ្ញាធរខេត្តព្រះសីហនុ រុះរើអគារកាស៊ីណូ ជីន ទីង ត្រឹមថ្ងៃស្អែកនេះតាមការគ្រោងទុក។
មេដឹកនាំប្រទេសហុងគ្រី នឹងពិភាក្សាគ្នាជាមួយថ្នាក់ដឹកនាំប្រទេសកម្ពុជាផ្តោតលើវិស័យចំនួន៥ អំឡុងដំណើរទស្សនកិច្ចផ្លូវការចំនួន៤ថ្ងៃនាចុងខែតុលាខាងមុខនេះ។
អយ្យការអមសាលាដំបូងខេត្តព្រះសីហនុ ច្រានចោលការចុះផ្សាយនិងការលើកឡើងរបស់សាច់ញាតិបុរសម្នាក់នៅខេត្តព្រះសីហនុដែលថាបុរសនោះបានធ្វើអត្តឃាតក្រោយពីអាជ្ញាធរបានចុះរុះរើកម្ទេចផ្ទះរបស់គាត់។
អគ្គនាយករងនៃអគ្គនាយកដ្ឋានកិច្ចការអយ្យការ និងជាអនុប្រធានលេខាធិការដ្ឋាន ក្នុងការស្នើរសុំលើកលែងទោសបន្ធូរបន្ថយទោស លោក សុច សុផាន់ណារ៉ាបានបញ្ជាក់ថា ទណ្ឌិតចំនួន៥១២នាក់ ក្នុងចំណោមនោះមានស្ត្រីចំនួន៥៨នាក់នឹងត្រូវដោះលែង ក្នុងអំឡុងពិធីបុណ្យអុំទូកនាថ្ងៃទី១០ ដល់ថ្ងៃទី១២ ខែវិច្ឆិកា ឆ្នាំ២០១៩នេះ។
អតីតមន្ត្រីគណបក្សសង្គ្រោះជាតិប្រចាំខេត្តស្វាយរៀង លោក គង់ ម៉ាស ត្រូវតុលាការប្រកាសសាលក្រមសម្រេចសេចក្តីឱ្យជាប់ពន្ធនាគាចំនួន១ឆ្នាំ ៦ខែ ពីបទប្រមាថ ពីបទញុះញង់ឱ្យប្រព្រឹត្តិអំពើបង្ករឱ្យមានភាពវឹកវរដល់ពលរដ្ឋក្នុងសង្គម។ នេះបើតាមការប្រកាសរបស់ចៅក្រម លោក ពេជ្យ វិទ្យាធរ នារសៀលថ្ងៃ ទី១៨ ខែតុលា។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
