អ្នកនាំពាក្យរដ្ឋាភិបាលថៃមួយរូបបានឱ្យដឹងថា ប្រទេសថៃនឹងទទួលបានវ៉ាក់សាំងការពារជំងឺកូវីដ-១៩ របស់ក្រុមហ៊ុន AstraZeneca ចំនួន៦១លានដូសនៅឆ្នាំនេះ ដើម្បីពន្លឿនការចាក់វ៉ាក់សាំងការពារដល់ប្រជាជនរបស់ខ្លួន ស្របពេលដែលប្រទេសនេះមានការកើនឡើងខ្ពស់នៃករណីឆ្លងវីរុសកូវីដ-១៩។
ថ្នាក់ដឹកនាំនៃក្រុមប្រទេស G7 នឹងជួបពិភាក្សាគ្នានៅថ្ងៃអង្គារនេះ ទាក់ទងនឹងការស្វែងរកការពន្យារពេលសម្រាប់ថ្ងៃផុតកំណត់ដែលនឹងឈានមកដល់នៅថ្ងៃទី៣១ ខែសីហាខាងមុខនេះ សម្រាប់ការជម្លៀសមនុស្សរាប់ពាន់នាក់ដែលមានបំណងចាកចេញពីអាហ្វហ្គានីស្ថាន និងថាត្រូវទទួលស្គាល់ឬដាក់ទណ្ឌកម្មលើរដ្ឋាភិបាលតាលីបង់។
ស្ត្រីនៅក្នុងប្រទេសអាហ្វហ្គានីស្ថាន កាលពីពេលកន្លងទៅ ធ្លាប់ទទួលបានសិទ្ធិជាច្រើន។ ទោះយ៉ាងណា ក្រោមការគ្រប់គ្រងអំណាចដោយក្រុមតាលីបង់ ស្ត្រីទាំងឡាយមានការភ័យខ្លាចថា ពួកគេនឹងត្រូវបានដកហូតនូវសិទ្ធិសង្គមនិងសិទ្ធិមនុស្សជាមូលដ្ឋាន រួមជាមួយនឹងសេរីភាព ជាពិសេសបន្ទាប់ពីចលនានេះបានសម្រេចអនុវត្តវិធានយ៉ាងតឹងរ៉ឹង ដែលមានដូចជាការបិទទីតាំងហាងសាឡនរបស់ស្ត្រីជាដើម។
រដ្ឋាភិបាលតៃវ៉ាន់ បានចាប់ផ្តើមអនុវត្តនូវអ្វីដែលស្គាល់ថាជា «លទ្ធិប្រជាធិបតេយ្យតាមបែបឌីជីថល (Digital Democracy)» តាមរយៈការចេញផ្សាយទិន្នន័យរបស់ខ្លួន ជាពិសេសទាក់ទងនឹងស្ថានភាពជំងឺរាតត្បាតនិងសុខភាពនៅក្នុងប្រទេស បន្ថែមពីលើការបង្ហាញនូវកំណត់ត្រានិងខ្លឹមសារនៃសន្និសីទដល់ប្រជាពលរដ្ឋ។
មន្រ្តីអង្គការណាតូ (NATO) បានឱ្យដឹងនៅថ្ងៃសុក្រនេះថា មនុស្សជាង១៨ ០០០នាក់ត្រូវបានជម្លៀសចេញពីទីក្រុងកាប៊ុល គិតចាប់តាំងពីក្រុមតាលីបង់បានចូលកាន់កាប់រដ្ឋធានីរបស់ប្រទេសអាហ្វហ្គានីស្ថាន ខណៈដែលពួកគេសន្យាថានឹងបង្កើនកិច្ចការងារនេះទ្វេដង។
នាយករដ្ឋមន្ត្រីកូរ៉េខាងត្បូង ឱ្យដឹងនៅថ្ងៃសុក្រនេះថា ប្រទេសខ្លួនបានសម្រេចពង្រីកវិធានគម្លាតសង្គមសម្រាប់រយៈពេល២សប្តាហ៍បន្ថែមទៀត ដើម្បីការពារការកើនឡើងនៃករណីឆ្លងវីរុសកូវីដ-១៩ ខណៈអ្នកដែលបានចាក់វ៉ាក់សាំងគ្រប់ដូស ត្រូវបានអនុញ្ញាតឱ្យធ្វើសកម្មភាពមួយចំនួនឡើងវិញ។
មន្រ្តីតាលីបង់ និងអង្គការណាតូ (NATO) បានឱ្យដឹងថា យ៉ាងហោចណាស់មានមនុស្សចំនួន១២នាក់បានស្លាប់បាត់បង់ជីវិតនៅក្នុងនិងជុំវិញទីតាំងអាកាសយានដ្ឋានក្នុងរដ្ឋធានីកាប៊ុល ប្រទេសអាហ្វហ្គានីស្ថាន គិតចាប់តាំងពីក្រុមតាលីបង់ បានដណ្តើមយកទីក្រុងនេះកាលពីថ្ងៃអាទិត្យ ដែលបង្កឱ្យមានជាការភ័យខ្លាចពីសំណាក់ប្រជាពលរដ្ឋក្នុងការសម្រុកចាកចេញពីប្រទេសនេះ។
យោងតាមមន្រ្តីមួយរូបរបស់សមាគមជំនួយអ្នកទោសនយោបាយ (AAPP) បានឱ្យដឹងថា ចំនួនមនុស្សស្លាប់ដោយសាររដ្ឋប្រហារនៅក្នុងប្រទេសមីយ៉ាន់ម៉ាបានកើនដល់ជាង១ ០០០នាក់ គិតចាប់តាំងពីថ្ងៃទី១ ខែកុម្ភៈ មកដល់ថ្ងៃពុធនេះ។
ទស្សនៈរបស់ប្រជាជនអាហ្វហ្គានីស្ថាន បានចាប់ផ្ដើមមានភាពច្របូកច្របល់នៅក្នុងរដ្ឋធានីកាប៊ុល បន្ទាប់ពីក្រុមតាលីបង់បានចូលមកគ្រប់គ្រងប្រទេសទាំងមូល។ មនុស្សមួយចំនួនហាក់មានភាពភ័យខ្លាចចលនាដែលដណ្តើមការគ្រប់គ្រងលើការដឹកនាំប្រទេស ជាពិសេសធ្វើឱ្យកើតមានឡើងនូវស្ថានភាពសេដ្ឋកិច្ចក្រីក្ររបស់អាហ្វហ្គានីស្ថាន កង្វះមន្ទីរពេទ្យ និងថ្នាំពេទ្យ ជាដើម។
មន្ត្រីសិទ្ធិមនុស្សជាន់ខ្ពស់របស់អង្គការសហប្រជាជាតិ (UN) នៅថ្ងៃអង្គារម្សិលមិញនេះ បានសម្តែងការព្រួយបារម្ភចំពោះសុវត្ថិភាពរបស់ជនជាតិអាហ្វហ្គានីស្ថានរាប់ពាន់នាក់ដែលធ្វើការលើបញ្ហាសិទ្ធិមនុស្ស ខណៈទីភ្នាក់ងារទទួលបន្ទុកជនភៀសខ្លួនរបស់អង្គការមួយនេះក៏បានអំពាវនាវឱ្យបញ្ចប់ការនិរទេសដោយបង្ខំនៃអ្នកស្វែងរកសិទ្ធិជ្រកកោនអាហ្វហ្គានីស្ថានផងដែរ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
