មន្ត្រីរដ្ឋាភិបាលព្យាករថា ការនាំចេញផលិតផលកាត់ដេរនឹងធ្លាក់ចុះលើសពី៥០ភាគរយនៅត្រីមាសទីពីរ
អ្នកនាំពាក្យក្រសួងការងារ លោក ហេង សួរ បានថ្លែងថា ទំហំនៃការនាំចេញផលិតផលកាត់ដេរកម្ពុជា អាចនឹងធ្លាក់ចុះចន្លោះពី ៥០ ទៅ ៦០ភាគរយ នៅត្រីមាសទី២ នៃឆ្នាំ២០២០នេះ បន្ទាប់ពីការនាំចេញនៅក្នុងត្រីមាសទី១កន្លងមកនេះ មានទំហំត្រឹមតែ ៨០ភាគរយប៉ុណ្ណោះ បើធៀបនឹងតួលេខនាំចេញក្នុងរយៈពេលដូចគ្នាកាលពីឆ្នាំមុន។