សហភាពអឺរ៉ុបនៅតែដាក់លក្ខខណ្ឌឱ្យបក្សកាន់អំណាចបើកការសន្ទនានយោបាយឱ្យអតីតបក្សប្រឆាំងបានដំណើរការឡើងវិញ ដោយឈរលើយន្តការប្រជាធិបតេយ្យ បើទោះបីប្រកាសពីការចាប់ផ្ដើមអនុវត្តការដកផ្នែកខ្លះនៃប្រព័ន្ធអនុគ្រោះពន្ធ «អ្វីគ្រប់យ៉ាងលើកលែងតែអាវុធ» ឬ EBA ពីកម្ពុជាជាផ្លូវការនៅថ្ងៃនេះក៏ដោយ។
ក្រុមយុវជន ប្រជាពលរដ្ឋ និងកម្មករប្រមាណជិត២០នាក់ បាននាំគ្នាដើរជាក្បួនធ្វើយុទ្ធនាការតាមវិថីមួយចំនួនក្នុងរាជធានីភ្នំពេញ ដើម្បីជំរុញឱ្យប្រជាពលរដ្ឋចូលរួមតាមដានបញ្ហាសង្គមនិងចូលរួមការពារអ្នកដែលហ៊ានលះបង់ប្រយោជន៍ខ្លួនដើម្បីការពារផលប្រយោជន៍ជាតិ។
ក្រុមយុវជនខ្មែរថាវរៈនិងគ្រួសារលោក រ៉ុង ឈុន ប្រមាណ២០នាក់ នៅព្រឹកនេះ បានធ្វើយុទ្ធនាការដើរជាក្បួននៅតាមដងផ្លូវមួយចំនួនក្នុងរាជធានីភ្នំពេញ ដើម្បីផ្សព្វផ្សាយដល់ប្រជាពលរដ្ឋចំណាយពេលប្រមាណ៣នាទីសម្រាប់គោរពទង់ជាតិជារៀងរាល់ថ្ងៃ។
ប្រធានគណបក្សខ្មែរឈ្នះ លោក សួង សុភ័ណ្ឌ និយាយថា គម្រោងតវ៉ា៤ថ្ងៃនៅទីលានប្រជាធិបតេយ្យចាប់ពីថ្ងៃចុងសប្ដាហ៍នៃពាក់កណ្ដាលខែនេះ នឹងអាចជំរុញទៅរដ្ឋាភិបាលឱ្យពិចារណាដោះលែងសកម្មជនព្រំដែន លោក រ៉ុង ឈុន។
តុលាការកំពូលនឹងប្រកាសសាលក្រមករណីអតីតសកម្មជនគណបក្សសង្គ្រោះជាតិចំនួន១០នាក់នៅថ្ងៃសុក្រសប្តាហ៍ក្រោយ ក្រោយពីបើកសវនាការសួរដេញដោលលើបណ្តឹងសុំនៅក្រៅឃុំរបស់មេធាវីការពារក្តីឱ្យពួកគាត់។
ក្រុមសកម្មជនសិទ្ធិមនុស្ស បាននិយាយថា ការវាយប្រហារការបញ្ចេញមតិដោយសេរីនិងភាពរង្គោះរង្គើនៃប្រព័ន្ធផ្សព្វផ្សាយនៅក្នុងប្រទេសកម្ពុជា បានបង្កើតបរិយាកាសនៃការភ័យខ្លាចដោយប្រជាជនកម្ពុជាជាច្រើនបានជ្រើសរើសការមិនបង្ហាញទស្សនៈរបស់ពួកគេ។
អង្គការឃ្លាំមើលសិទ្ធិមនុស្ស ទាមទារទៅអាជ្ញាធរកម្ពុជាឱ្យបញ្ឈប់ការធ្វើទុក្ខបុកម្នេញសមាជិកក្រុមគ្រួសាររបស់សកម្មជនបក្សប្រឆាំងដែលកំពុងជាប់ឃុំ ក្រោយពេលពួកគេចេញតវ៉ាដើម្បីទាមទារឱ្យដោះលែងស្វាមីរបស់ពួកគេ។
អង្គការសង្គមស៊ីវិលនិងក្រុមយុវជនមកពីបណ្តារាជធានី-ខេត្តមួយចំនួន ស្នើទៅព្រឹទ្ធសភាឱ្យកែប្រែខ្លឹមសារក្នុងមាត្រាមួយចំនួននិងលុបចោលចំណុចខ្លះក្នុងសេចក្តីព្រាងច្បាប់ស្តីពីសិទ្ធិទទួលបានព័ត៌មាន ដើម្បីឱ្យស្របតាមស្តង់ដារច្បាប់អន្តរជាតិ។
ក្រុមអ្នកឃ្លាំមើលសិទ្ធិមនុស្ស បានស្នើដល់រាជរដ្ឋាភិបាលដោះលែងសមាជិកក្រុមប្រឹក្សាឃ្លាំមើលកម្ពុជា លោក រ៉ុង ឈុន ដោយលើកហេតុផលថា វិធានការចាប់ឃុំខ្លួននេះ រំលោភសិទ្ធិសម្តែងមតិដែលធានាដោយរដ្ឋធម្មនុញ្ញ។
រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ ជំរុញទៅមន្ត្រីកុំឱ្យចាត់ទុកអ្នកសារព័ត៌មានដែលរាយការណ៍ពីចំណុចអវិជ្ជមានរបស់រដ្ឋាភិបាលថាជាក្រុមប្រឆាំងទាំងអស់ ដោយថា ចំណុចអវិជ្ជមានខ្លះ អ្នកសារព័ត៌មានសរសេរមិនមែនសុទ្ធតែខុសនោះទេ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
