ក្រុមប្រឹក្សាឃ្លាំមើលកម្ពុជាជំរុញឱ្យរដ្ឋាភិបាលពង្រឹងកងកម្លាំងការពារតាមខ្សែបន្ទាត់ព្រំដែន ដើម្បីកុំឱ្យកម្លាំងអាជ្ញាធរប្រទេសជិតខាងចូលមកក្នុងដែនអធិបតេយ្យភាពនៃប្រទេសកម្ពុជា។
មន្ត្រីជាន់ខ្ពស់ក្រសួងការបរទេសកម្ពុជា អះអាងថា កម្ពុជានៅតែប្រកាន់ជំហរទាមទារឱ្យភាគីវៀតណាមរុះរើតង់ដែលបោះដោយឯកតោភាគីនៅតំបន់មិនទាន់ឯកភាពគ្នាចេញឱ្យអស់ ដោយថា អាជ្ញាធរខេត្ត និងអាជ្ញាធរមូលដ្ឋាន ត្រូវបន្តតាមដានបញ្ហានេះឱ្យបានជាប់ជាប្រចាំ។
ចលនានិស្សិតអំពាវនាវទៅឥស្សរជននយោបាយកម្ពុជាទាំងអស់ត្រូវរួបរួមគ្នា ហើយទាមទារឲ្យវៀតណាមប្រគល់ទឹកដីសងមកកម្ពុជាវិញ ពិសេសកោះត្រល់ដោយយោងតាមច្បាប់ជាតិនិងច្បាប់អន្តរជាតិ។
ចលនានិស្សិតដើម្បីលទ្ធិប្រជាធិបតេយ្យ ស្នើរដ្ឋាភិបាលកម្ពុជាប្ដឹងករណីបញ្ហាបូរណភាពទឹកដីនៅតាមព្រំដែនជាមួយវៀតណាម ទៅតុលាការអន្តរជាតិ និងភាគីហត្ថលេខីនៃសន្ធិសញ្ញាសន្តិភាពទីក្រុងប៉ារីស ឱ្យជួយរកយុត្តិធម៌។
មន្ត្រីទទួលបន្ទុកកិច្ចការព្រំដែនកម្ពុជា ប្រាប់ថា គណៈកម្មាធិការព្រំដែនកម្ពុជា មិនទាន់កំណត់ពេលជាក់លាក់ក្នុងការចុះទៅពិនិត្យមើលស្ថានភាពយោធាវៀតណាមបោះតង់ជាង ២៥០ទីតាំងនៅលើតំបន់មិនទាន់ឯកភាព និងតំបន់ឯកភាពគ្នា ស្ថិតនៅតាមបណ្តោយព្រំដែនកម្ពុជា-វៀតណាមនៅឡើយទេ ដោយថា រង់ចាំទទួលបានឯកសារបន្ថែមពីខាងក្រសួងមហាផ្ទៃ។
ក្រសួងការបរទេសកម្ពុជា បានកោះហៅឯកអគ្គរដ្ឋទូតវៀតណាមប្រចាំនៅកម្ពុជា មកបំភ្លឺពាក់ព័ន្ធនឹងរឿងយោធាវៀតណាមបោះតង់ចំនួន ៣១កន្លែងនៅតំបន់ព្រំដែនមិនទាន់ឯកភាពគ្នា ស្ថិតនៅក្នុងខេត្តកណ្តាល។
អាជ្ញាធរខេត្តកណ្តាល អះអាងថា ភាគីវៀតណាមបានរុះរើតង់ចំនួន ៩កន្លែងចេញពីតំបន់ព្រំដែនរវាងកម្ពុជា-វៀតណាម ក្នុងខេត្តកណ្តាល និងខេត្តអានយ៉ាង ប្រទេសវៀតណាម។
កម្ពុជាក្រើនរំលឹកវៀតណាមឱ្យឈប់ចល័តទីតាំងឈរជើងរំលោភចូលខ្សែបន្ទាត់ព្រំដែនដែលបានឯកភាពគ្នារួចហើយ ដើម្បីរក្សាភាពស្មោះត្រង់នៅក្នុងទំនាក់ទំនងប្រទេសជិតខាងគ្នា។
មន្ត្រីជាន់ខ្ពស់ទទួលបន្ទុកកិច្ចការព្រំដែនកម្ពុជា អះអាងថា គណៈកម្មាធិការនេះ កំពុងពិនិត្យលើរបាយការណ៍សមត្ថកិច្ចជាមុនសិន មុននឹងធ្វើកំណត់ទូតតវ៉ាជាមួយភាគីវៀតណាម បន្ទាប់ពីកម្ពុជារកឃើញទាហានវៀតណាមបោះតង់លើតំបន់មិនទាន់ឯកភាពគ្នារវាងប្រទេសទាំងពីរ។
មន្ត្រីជាន់ខ្ពស់ទទួលបន្ទុកកិច្ចការព្រំដែនកម្ពុជា អះអាងថា វៀតណាមបានរំលោភបំពានលើកិច្ចព្រមព្រៀងឆ្នាំ១៩៩៥ បន្ទាប់ពីកម្ពុជារកឃើញទាហានវៀតណាមបោះតង់លើតំបន់មិនទាន់ឯកភាពគ្នារវាងប្រទេសទាំងពីរ ប៉ុន្តែ កម្ពុជាមិនធ្វើកំណត់ទូតតវ៉ាទៅរដ្ឋាភិបាលវៀតណាមនោះឡើយ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
