ក្រុមអ្នកតាមដាន បានលើកឡើងប្រហាក់​ប្រហែលគ្នាថា សារចុងក្រោយរបស់​លោក ហ៊ុន ម៉ាណែត បញ្ជាក់ច្បាស់​ថា លោកយល់ព្រមកាត់ដីខ្មែរមួយផ្នែកនៅក្នុងខេត្តបាត់ដំបងឱ្យទៅថៃ ដើម្បីដោះដូរសន្តិភាព និងការពារអំណាច ដូច​ដែល​លោក ហ៊ុន សែន ធ្លាប់ធ្វើជាមួយវៀតណាមដែរ។

ខណៈដែលថៃនៅតែបន្តសម្រុក​សាង​សង់​សំណង់​រឹង មានជីកប្រឡាយ ធ្វើផ្លូវបេតុង សាងសង់លេណដ្ឋានកងទ័ព និងធ្វើ​របងព្រំដែនបេតុងលើដីខ្មែរ ថែមទាំង​​នៅតែបន្តរុលចូលវាទយកដីខ្មែរយ៉ាង​គឃ្លើនកើនរហូតដល់ជាង ៨០ ទីតាំង ចាប់តាំងពីក្រោយបទឈប់បាញ់កាលពីថ្ងៃទី២៧ ខែធ្នូ ឆ្នាំ២០២៥ មក លោក ហ៊ុន ម៉ាណែត បានបង្ហាញពីភស្តុតាង​រឹងមាំថា ថៃបានបាញ់បំផ្លាញប្រាសាទ​ព្រះវិហារជាង ៥០០ កន្លែង។

រដ្ឋាភិបាលលោក ហ៊ុន ម៉ាណែត នៅថ្ងៃចន្ទនេះ បានបង្ហាញពីសមិទ្ធផលវិជ្ជ​មាន​រយៈពេល៨ខែ ជុំវិញបញ្ហាព្រំដែន រួមទាំង​រំលេចពីការយកចិត្តទុកដាក់​លើ​ជន​ភៀស​សឹក ដែលរងគ្រោះ​ពី​ថៃ​ឈ្លាន​ពាន ក្រោមការរិះគន់ពីបក្សប្រឆាំង​ថា «គ្មានសម័យណាដែលថៃព័ទ្ធ​យក​ដីខ្មែរស្រួលៗដោយគ្មានការរារាំង»។

អាជ្ញាធរប្រទេសថៃ បានសម្រេចដោះលែងអ្នកនេសាទខ្មែរចុងក្រោយម្នាក់ ដែលទាហានជើងទឹកចូលមកចាប់​លើ​ដែន​សមុទ្រ​កម្ពុជាដោយខុសច្បាប់ និង​យក​ទៅដាក់ពន្ធនាគារនៅស្រុកថៃ។ ទោះ​បីអ្នកនេសាទទាំងអស់មានសេរីភាព​វិញ តែសង្គមស៊ីវិល ចង់ឃើញរដ្ឋាភិ​បាល​ទាមទារយុត្តិធម៌ពីភាគី​ថៃ​ជូនអ្នកទាំងបី។

ក្តីបារម្ភខ្លាចផ្ទុះអាវុធជាថ្មី បានបង្ខំឱ្យពលរដ្ឋមួយចំនួនរស់នៅតាមព្រំដែនកម្ពុជា-ថៃ ក្នុងខេត្តបន្ទាយមានជ័យ និងឧត្តរមានជ័យ ជិះគោយន្តជម្លៀសកូនចៅរកកន្លែងសុវត្ថិភាព ហើយខ្លះទៀត​បានប្រញាប់ប្រញាល់ជីកត្រង់សេ ឬលេណដ្ឋានសុវត្ថិភាព ដើម្បីការពារខ្លួននៅតាមផ្ទះ។

ការឈ្លានពានទឹកដី ការបំផ្លិចបំផ្លាញសម្បត្តិបេតិកភណ្ឌ និងទុក្ខលំបាក​ជន​ភៀស​សឹក​ខ្មែរ​ជាង ២ម៉ឺននាក់ ដោយ​សារ​ការ​ឈ្លានពានពីភាគីថៃ ត្រូវបានកម្ពុជាលើកឡើងនៅក្នុងមហា​សន្និបាតអង្គការសហប្រជាជាតិលើក​ទី​៨១ នាទី​ក្រុងញ៉ូវយ៉ក សហរដ្ឋអាមេរិក។

រដ្ឋាភិបាលលោកហ៊ុន ម៉ាណែត ហាក់មិនហ៊ានសូម្បីតែនិយាយថា កោះគុតពាក់កណ្តាល គឺជាដែនដីរបស់កម្ពុជា នៅ​ពេល​ដែលថៃបានប្រកាសជាសាធារណៈ ពីសិទ្ធិកាន់កាប់ផ្តាច់មុខ​១០០​ភាគរយ​លើដីកោះទំហំ ១០៥​គីឡូ​ម៉ែត្រ​ក្រឡា​នេះ បើ​ទោះបីជាឯកសារនានា​បញ្ជាក់ថា កម្ពុជា​មានសិទ្ធិកាន់កាប់​យ៉ាង​ហោចណាស់​ពាក់កណ្តាលនៃ​កោះ​នេះ​ក្តី។

កងកម្លាំងប្រដាប់អាវុធថៃ អមដោយព្រះសង្ឃ បានដំឡើងរូបចម្លាក់ព្រះពុទ្ធមួយអង្គ ក្នុងភូមិសាស្ត្រភ្នំបេង ស្រុកអន្លង់​វែង ខេត្តឧត្តរមានជ័យ ជាករណីថ្មីមួយទៀត ដែលថៃបន្តប្រើប្រាស់សំណង់ និងនិមិត្តរូបសាសនា ដើម្បីពង្រឹងការកាន់កាប់ទឹកដីកម្ពុជាដោយខុសច្បាប់។

ថៃបន្តពង្រីកការឈ្លានពានទឹកដីខ្មែរ ដល់តំបន់តាទុំ ស្រុកអន្លុងវែង ខេត្តឧត្តរមានជ័យ ក្រោយកម្ពុជាបោះបង់សិទ្ធិការពារខ្លួននៅលើដីជាក់ស្តែង និង​ចំពេលដែលលោក ហ៊ុន ម៉ាណែត បញ្ជាក់ជំហរ​ថ្មីៗនេះ ពីភាពមិនចាំបាច់ទិញអាវុធ ដើម្បីទាមទារទឹកដីដែល​ថៃ​ដណ្តើម​គ្រប់​គ្រង។