ជាការឆ្លើយតបទៅនឹងគ្រួសារហ៊ុន ដែលមិនព្រមប្រើយន្តការអន្តរជាតិ ដើម្បីបុព្វហេតុទឹកដី ទាមទារកោះគុត ពីភាគីថៃវិញនោះ អ្នកមានបទពិសោធន៍កិច្ចការព្រំដែន បានបង្ហាញភស្តុតាងថ្មីមួយទៀត ដែលបន្សល់ទុកពីសម័យរដ្ឋកម្ពុជា ដោយបញ្ជាក់ថាកោះគុតជារបស់ខ្មែរ។
អ្នកមានបទពិសោធកិច្ចការព្រំដែន មិនចំណុះឱ្យរដ្ឋាភិបាល លោក អ៊ុំ សំអាន បាននិយាយថា ចំពេលដែលមេដឹកនាំខ្មែរគ្រួសារហ៊ុន រក្សាភាពចាស់ទុំមិនប្រើយន្តការអន្តរជាតិ ដើម្បីទាមទារភាពជាម្ចាស់កម្មសិទ្ធិលើកោះគុតនោះ ភាគីថៃកំពុងសម្រុកធ្វើអាជីវកម្មនៅតំបន់សមុទ្រត្រួតស៊ីគ្នា ដែលការណ៍នេះលោកថា កោះនេះនឹងបាត់បង់ទៅជារៀងរហូត ក្រោមដៃគ្រួសារហ៊ុន។
អ្នកនាំពាក្យបក្សកាន់អំណាចគ្រួសារហ៊ុន លោក សុខ ឥសាន អះអាងថា មកដល់ពេលនេះ គ្មានមេដឹកនាំខ្មែរណាប្តឹងទាមទារកោះគុតទេ ចំពេលដែលគណបក្សប្រឆាំងអាវលឿងថៃ ធ្វើបាតុកម្មគំរាមទម្លាក់គ្រួសារថាក់ស៊ីនពីអំណាច បើមិនអាចការពារកោះគុតបាន។
លោក ហ៊ុន ម៉ាណែត រងការចោទថា នឹងក្លាយជាជនក្បត់ជាតិតជំនាន់ ដោយគេមើលឃើញថា ក្លាហានបង្ក្រាបតែខ្មែរគ្នាឯង ដើម្បីពង្រឹងអំណាច តែមិនក្លាហានប្រើយន្តការអន្តរជាតិទប់ទល់នឹងបទេសឈ្លានពាន ធ្វើឱ្យទឹកដីកម្ពុជាបាត់បង់ជាបន្តបន្ទាប់ ទៅប្រទេសជិតខាងរួមទាំងករណីកោះគុត ដែលថៃកំពុងច្បាមយក។
អ្នកឃ្លាំមើលកិច្ចការព្រំដែន និងអ្នកនយោបាយគណបក្សប្រឆាំង ចោទប្រកាន់ថា ដោយសារតែរដ្ឋាភិបាលរបស់អតីតនាយករដ្ឋមន្រ្តី លោក ហ៊ុន សែន ធ្លាប់មានចំណុចខ្សោយនៅក្នុងដៃ និងមានថៃជាបង្អែកដើម្បីជួយរក្សាអំណាចឱ្យក្រុមគ្រួសាររបស់លោកបានគ្រប់គ្រងប្រទេសតទៅមុខទៀត ហេតុនេះវាគឺជាមូលហេតុដ៏ចម្បងក្នុងចំណោមហេតុផលដទៃទៀត ដែលជំរុញឱ្យរដ្ឋាភិបាលកម្ពុជា ត្រូវបង្ខំចិត្តរក្សាភាពស្ងប់ស្ងាត់ក្នុងវិវាទជម្លោះកោះគុតនេះ។
អ្នកឃ្លាំមើលដែលមិនចំណុះឱ្យរដ្ឋាភិបាល ហាក់បានស្តីបន្ទោស មេដឹកនាំខ្មែរ ជុំវិញសំណុំរឿងកោះគុត ដោយថា គ្រួសារហ៊ុន គួរបង្ហាញជំហរដូច គ្រួសារថាក់ស៊ីន ដើម្បីបុព្វហេតុទឹកដី ជាជាងងាកមកបង្រ្កាបបំបិទមាត់ខ្មែរគ្នាឯង ដែលវិធាននេះពួកគេថា ជាការធ្វើនយោបាយផ្គាប់ចិត្តប្រទេសជិតខាង ដែលចឹញ្ចឹមចិត្តលេបត្របាក់ទឹកដីខ្មែរតជំនាន់។
អ្នកឃ្លាំមើលនិយាយថា បញ្ហាបូរណភាពទឹកដីនៅពេលនេះ ត្រូវពឹងលើភាពអង់អាចរបស់ប្រជាពលរដ្ឋ ទើបអាចទប់ស្កាត់មហិច្ឆតាលេបត្របាក់ ពីប្រទេសជិតខាងបាន ដូចករណីកោះគុតជាដើម នេះបើតាមការលើកឡើងរបស់អ្នកឃ្លាំមើលមួយចំនួន។
អ្នកឃ្លាំមើលបញ្ហាព្រំដែន បង្ហាញក្តីបារម្ភថា កោះគុត នឹងត្រូវថៃលេបត្របាក់យកជារៀងរហូត ដូចករណីវៀតណាមលេបកោះត្រល់ បើពលរដ្ឋខ្មែរមិនហ៊ានធ្វើពលីកម្ម បង្កើនសម្ពាធទៅមេដឹកនាំបក្សកាន់អំណាច ឱ្យប្តឹងប្រទេសថៃទៅតុលាការអន្តរជាតិ ដើម្បីទប់ស្កាត់ការរំលោភបំពានទេនោះ។
លោកនាយករដ្ឋមន្ត្រី ហ៊ុន សែន ថ្លែងការពារជាថ្មីថា រូបលោកមិនបានកាត់ «កោះត្រល់» និង «កម្ពុជាក្រោម» ប្រគល់ទៅឱ្យវៀតណាមឡើយ ដោយថា ទឹកដីកម្ពុជាក្រោម និងកោះត្រល់ ដែលបាត់ទៅ ដោយសារបារាំងជាអ្នកកាត់ឱ្យវៀតណាមទៅវិញទេ។
វេទិកាពលរដ្ឋដែលមានមូលដ្ឋាននៅសហរដ្ឋអាមេរិក ប្រាថ្នាចង់ឃើញរបៀបនៃការបោះបង្គោលព្រំដែនគោកដោយផ្ទាល់ ដោយមិនមានការភិតភ័យ ការគំរាមកំហែង និងការចាប់ដាក់ពន្ធនាគារឡើយ ខណៈរដ្ឋាភិបាលកម្ពុជាបញ្ជាក់ជំហរដោយតម្លាភាពថា ខ្លួននឹងមិនបិទបាំងអ្វីទៀតទេចំពោះផែនការបោះបង្គោលព្រំដែនគោកជាមួយនឹងវៀតណាមនេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
