អ្នកឃ្លាំមើលកិច្ចការព្រំដែន និងកិច្ចការអន្តរជាតិ អំពាវនាវដូចគ្នាថា រដ្ឋាភិបាលត្រូវដាក់សម្ពាធការទូតទៅថៃឱ្យបាន​លឿន​​បំផុត ឱ្យប្រគល់ដីដែលរងការឈ្លាន​​ពានមកកម្ពុជាវិញ។ ការអំពាវ​នាវនេះ ធ្វើឡើងបន្ទាប់ក្រសួងការបរទេស និងសហប្រតិបត្តិការអន្តរជាតិ និងក្រសួង​វប្បធម៌កម្ពុជាដាក់លិខិតតវ៉ាទៅរដ្ឋាភិបាលថៃដែលកាន់កាប់ទឹកដីកម្ពុជា​ដោយកម្លាំងប្រដាប់អាវុធ។

ការមកទស្សនកិច្ចរយៈពេល២ថ្ងៃរបស់ លោក តូ ឡឹម អគ្គលេខាធិការបក្សកុម្មុយ​នីស្តវៀតណាម ពីថ្ងៃទី៦ដល់ថ្ងៃ​ទី៧​ខែ​កុម្ភៈ និងមានបើកកិច្ចប្រជុំជាមួយមេដឹកនាំឡាវ និងមេដឹកនាំនៃគណបក្ស​ប្រជាជនកម្ពុជាលោក ហ៊ុន សែន និង​មានកិច្ចព្រមព្រៀងមួយចំនួន បានធ្វើឱ្យអ្នកជំនាញ និងអ្នកតាមដានមួយចំនួន លើកឡើងពីក្តីបារម្ភកាន់តែខ្លាំង ពីឥទ្ធិពលរបស់​វៀត​ណាម​មក​លើកម្ពុជា និងធ្វើឱ្យកម្ពុជាបាត់​បង់​ទឹកដីកាន់តែច្រើនបន្ថែមទៀត​ទៅវៀតណាម។

ក្រសួងវប្បធម៌កម្ពុជា បដិសេធដាច់​អហង្ការ​ចំពោះការអះអាងរបស់រដ្ឋមន្ត្រីក្រសួង​វប្បធម៌ថៃ ដែលថា ប្រាសាទតាក្របី និងតំបន់ប្រាសាទតាមាន់ ស្ថិតក្នុងដែនអធិបតេយ្យរបស់ថៃ ដោយថា ទីតាំងប្រវត្តិសាស្ត្រទាំងនេះ ស្ថិតក្នុង​ដែន​អធិប​តេយ្យ​កម្ពុជាទាំងស្រុង ហើយ​ថា ប្រសិនបើនៅមានការខ្វែងគំនិតគ្នា​លើ​ទីតាំង​នេះ កម្ពុជាស្នើឱ្យមានការដោះស្រាយប្រកប​ដោយ​តម្លាភាព តាមរយៈយន្តការតុលាការ​យុត្តធម៌អន្តរជាតិ (ICJ) ជាជាងការ​ប្រើ​កម្លាំង ឬវោហាសាស្ត្រ។

អ្នកជំនាញកិច្ចការព្រំដែនក្រៅរដ្ឋាភិ​បាល បានលើកឡើងថា ការដែលលោក ហ៊ុន ម៉ាណែត ទម្លាយឱ្យដឹងពីការសុំឱ្យបារាំង​គាំទ្រផ្តល់ឯកសារប្រវត្តិសាស្រ្ត និងបច្ចេក​ទេសព្រំដែននោះ វាគ្រាន់តែជា​សារ​រំលត់កំហឹងមហាជន ក្រោយធ្វើឱ្យបាត់​បង់ទឹកដីទៅប្រទេសជិតខាងប៉ុណ្ណោះ បើមេដឹកនាំខ្មែរនៅតែមិនព្រមប្តឹងថៃទៅតុលាការអន្តរជាតិ ដើម្បីទាម​ទារដីពីប្រទេសជិតខាងត្រឡប់​មកវិញទេ​នោះ។

អ្នកមានបទពិសោធន៍កិច្ចការព្រំដែន មិនចំណុះឱ្យរដ្ឋាភិបាល បង្ហាញមន្ទិលសង្ស័យនៅឡើយ លើឆន្ទៈមេដឹកនាំកម្ពុជា ក្នុងការប្រើច្បាប់អន្តរជាតិ ដើម្បីទាមទារដីខ្មែរយកត្រឡប់មកវិញ ក្រោយ​ថៃឈ្លានពានបានជាង៤០កន្លែង ខណៈលោក ហ៊ុន ម៉ាណែត ផ្ញើសារឆ្លើយឆ្លងជាមួយ​ប្រធានាធិបតីបារាំង ដែលបារាំង​ជាសហប្រធាននៃកិច្ចព្រមព្រៀងសន្តិភាពទីក្រុងប៉ារីស។

កម្ពុជាបានតវ៉ាថា ការដែលថៃដាក់កុង​តឺន័រ​ចំនួនបីនៅភូមិអានសេះ ខេត្តព្រះ​វិហារ ជាការពង្រីកការគ្រប់គ្រងដោយកម្លាំង​យោធា រំលោភបំពានយ៉ាងជាក់ច្បាស់លើអធិបតេយ្យ និងបូរណភាពទឹកដីរបស់កម្ពុជា ធ្វើឱ្យប៉ះពាល់ដល់កិច្ចខិតខំប្រឹងប្រែង កាត់បន្ថយភាពតាន​តឹង និងរារាំងដល់ការ​វិលត្រឡប់ដោយសុវត្ថិ​​ភាព និងថ្លៃថ្នូររបស់ប្រជាជនស៊ីវិល ទៅ​កាន់ផ្ទះសម្បែង និងទ្រព្យសម្បត្តិរបស់​ពួកគេវិញ។

គណបក្សកម្លាំងជាតិ ដែលជាបក្សក្រៅរដ្ឋាភិបាលមួយ បានរកកិច្ចអន្តរាគមន៍ពីមហាក្សត្រ ក្រោមហេតុផលថា ដើម្បីជំរុញឱ្យរដ្ឋាភិបាលបើកផ្លូវឱ្យមានការផ្សះផ្សាជាតិ រួមទាំងត្រូវប្រើច្បាប់អន្តរ​ជាតិ​ប្រឆាំងនឹងទង្វើឈ្លានពានរបស់ថៃ ខណៈបក្សកាន់អំណាចធ្វើឱ្យរបូតដីខ្មែរជាង៤០កន្លែងទៅថៃ ក្រោយថៃបើកការឈ្លាន​ពានត្រឹម២១ថ្ងៃ។

ការវាយតម្លៃផលប៉ះពាល់របស់ក្រុមអង្គ​ការ​សង្គមស៊ីវិលកម្ពុជា បង្ហាញថា សង្គ្រាម​ឈ្លានពានរបស់កងកម្លាំង​ថៃ​មក​លើ​ដែនអធិបតេយ្យភាពកម្ពុជា រយៈ​ពេល​២១ថ្ងៃកន្លងទៅនេះ បានធ្វើឱ្យពលរដ្ឋស៊ីវិលជួបបញ្ហាវិបត្តិផ្លូវចិត្ត បញ្ហាសុខភាព ប៉ះពាល់សេដ្ឋកិច្ចគ្រួសារ ផ្ទះសម្បែង ដីធ្លី ការអប់រំ និង​ខូច​ខាត​ហេដ្ឋា​រចនាសម្ព័ន្ធជាច្រើន រួមទាំងប្រាសាទ​ខ្មែរ ដែលការណ៍នេះ ពួកគេនឹង​ចងក្រងនូវឯកសារនិងបណ្តឹង ដើម្បីដាក់​ទៅ​ស្ថាប័នអន្តរជាតិ និងតុលាការ ICJ ដើម្បីទាមទារឱ្យមានយុត្តិធម៌​សម្រាប់​​ពលរដ្ឋខ្មែររងគ្រោះ។

តំណាងរាស្រ្តបក្សប្រឆាំងដែលសកម្មបញ្ហា​ព្រំដែន បានទម្លាយវីដេអូជាច្រើនពីសកម្មភាពយោធាថៃ បន្តរាយលួសបន្លាព័ទ្ធយកវត្តខ្មែរនៅតំបន់បឹងត្រកួន រួមទាំងទីតាំងផ្សេងទៀត ខណៈមេដឹកនាំកម្ពុជា លោក ហ៊ុន ម៉ាណែត ប្រកាសថា កម្ពុជាមិនត្រៀមធ្វើសង្រ្គាមទេ គឺកម្ពុជាចង់បានព្រំដែនសន្តិភាពជាមួយប្រទេសជិតខាង បើទោះបីថៃកំពុង​​ពង្រីកការឈ្លានពាន។