សមាគមចំនួន២ ដែលធ្វើការពាក់ព័ន្ធនឹងគ្រឹះស្ថានធនាគារ និងហិរញ្ញវត្ថុកម្ចី អះអាងថា សមាជិករបស់ខ្លួននឹងផ្ដល់ការយោគយល់និងអនុគ្រោះចំពោះអតិថិជនដែលរងផលប៉ះពាល់ជាក់ស្ដែងដោយសារទឹកជំនន់ធ្ងន់ធ្ងរ ខណៈនឹងពិនិត្យលទ្ធភាពបន្ធូរបន្ថយការប្រាក់ លើកលែងការផាកពិន័យ និងចៀសវាងការរឹបអូសទ្រព្យធានារបស់អតិថិជន។
មន្ត្រីជាន់ខ្ពស់ក្រសួងរ៉ែ និងថាមពល បានឱ្យដឹងថា រដ្ឋាភិបាលទទួលបានចំណូលពីការលក់ប្រេងឆៅចំនួនជាង១៤លានដុល្លារ ក្នុងចំណោមជាង២៥លានដុល្លារមេរិក បន្ទាប់ពីតស៊ូតាមច្បាប់ជាតិ អន្តរជាតិ និងការចរចាពាណិជ្ជកម្មដ៏ស្វិតស្វាញ ក្នុងនាមជាម្ចាស់ធនធាននេះ។
ប្រជាពលរដ្ឋមួយចំនួននៅតំបន់អង្គរ ដែលបានស្ម័គ្រចិត្តដោះដូរទីលំនៅទៅនៅតំបន់អភិវឌ្ឍន៍រុនតាឯកកាលពី២ឆ្នាំមុន បានចាកចេញពីផ្ទះសម្បែង ក្រោយពួកគេជួបបញ្ហាជីវភាព ដោយសារទីតាំងថ្មីនេះគ្មានមុខរបរសម្រាប់ចិញ្ចឹមជីវិត។
អ្នកនាំពាក្យក្រសួងរ៉ែ និងថាមពល ឱ្យដឹងថា ដើម្បីឈានទៅបញ្ចប់បញ្ហាប្រេងឆៅដ៏ចម្រូងចម្រាស់ដែលបានបាត់ជិត ៣០ម៉ឺនបារ៉ែលនេះ គឺត្រូវប្រើពេលវេលាទៅមុខទៀត យ៉ាងហោចណាស់ក៏ឈានដល់ពាក់កណ្តាលខែតុលាខាងមុខនេះដែរ ទើបអាចដោះស្រាយចប់រួចរាល់ ខណៈដំណើរការទូទាត់អំពីសាច់ប្រាក់ដែលបែងចែកផលសេដ្ឋកិច្ចពីការលក់ប្រេងឆៅនេះ និងថ្លៃចំណាយផ្សេងៗភាគីពាក់ព័ន្ធកំពុងតែពន្លឿននីតិវិធីនៅឡើយ។
មន្រ្តីជាន់ខ្ពស់នៃអគ្គនាយកដ្ឋានប្រេងកាត់កម្ពុជា ឱ្យដឹងថា មកដល់ពេលនេះ គ្រប់ភាគីដែលពាក់ព័ន្ធរឿងប្រេងឆៅដែលបានបាត់ជិត៣០ម៉ឺនបារ៉ែល ពីកម្ពុជា គឺបានឈានដល់តំណាក់កាលបញ្ចប់កិច្ចការនានា តាមនីតិវិធីផ្លូវច្បាប់ ពោលគឺនៅរង់ចាំតែការវាយតម្លៃអំពីទីផ្សារប្រេងឆៅក្នុងដំណាក់បន្ទាប់ទៀត ដែលជាកិច្ចការនៅសេសសល់ចុងក្រោយប៉ុណ្ណោះ។
ប្រជាពលរដ្ឋមួយចំនួនលើកឡើងថា អំឡុងបុណ្យភ្ជុំបិណ្ឌដោយចាប់ផ្ដើមតាំងពីថ្ងៃទី១១ ខែកញ្ញាមក តម្លៃទំនិញនៅលើទីផ្សារមានការហក់ឡើងថ្លៃជាងមុន ដែលករណីនេះ ទាំងពលរដ្ឋ និងសង្គមស៊ីវិល ជំរុញដល់រដ្ឋាភិបាលគួរមានវិធានការទប់ស្កាត់បញ្ហានេះ ដើម្បីជួយសម្រួលដល់ជីវភាពរបស់ប្រជាពលរដ្ឋ ជាពិសេសអ្នកដែលមានប្រាក់ចំណូលទាប ដូចជា កម្មកររោងចក្រ និងអ្នកសេដ្ឋកិច្ចក្រៅប្រព័ន្ធ ជាដើម។
យោងតាមរបាយការណ៍ដែលចេញជាបន្តបន្ទាប់ដោយក្រុមអ្នកស្រាវជ្រាវនៅសាកលវិទ្យាល័យទីក្រុងឡុងដ៍ Royal Holloway, University of London ស្ដីពីជីវភាពរស់នៅរបស់ប្រជាជនកម្ពុជា បានរកឃើញថា ទាំងកម្មករនៅក្នុងរោងចក្រកាត់ដេរ និងអ្នករស់នៅតាមជនបទ បច្ចុប្បន្នរងនូវសម្ពាធកាន់តែច្រើន។
ក្រុមការងារហិរញ្ញវត្ថុ (FATF) ដែលជាអង្គការអន្តររដ្ឋាភិបាល បានដាក់ប្រទេសកម្ពុជាទៅក្នុង «បញ្ជីប្រផេះ» នៃបណ្ដាប្រទេសដែលមិនមានការត្រួតពិនិត្យនិងទប់ស្កាត់ប្រកបដោយប្រសិទ្ធភាពចំពោះការលាងលុយកខ្វក់ និងហិរញ្ញប្បទានភេរវកម្ម ក្នុងឆ្នាំ២០១៧។
ការសិក្សាមួយដែលគាំទ្រដោយក្រសួងសហព័ន្ធអាល្លឺម៉ង់ សម្រាប់សហប្រតិបត្តិការសេដ្ឋកិច្ច និងការអភិវឌ្ឍ (BMZ) រកឃើញថា ប្រជាពលរដ្ឋខ្មែរជាង ១៦៧ ០០០នាក់ បាននិងកំពុងលក់ដី ដើម្បីបង់សងកម្ចីឥណទានក្នុងរយៈពេល៥ឆ្នាំចុងក្រោយ ហើយបើតាមការប៉ាន់ប្រមាណសម្រាប់អ្នកខ្ចីប្រាក់ទាំងអស់ មានការលក់ដីដោយសារបំណុលចំនួន៣៣ ៥៨០នាក់ (ស្មើនឹង១៣ភាគរយ) ក្នុងមួយឆ្នាំ ឬលក់ដីម្ដងនៅរៀងរាល់រយៈពេល១៦នាទី។
លោកនាយករដ្ឋមន្ត្រី ហ៊ុន សែន បានអំពាវនាវដល់គ្រឹះស្ថានមីក្រូហិរញ្ញវត្ថុផ្ដល់ប្រាក់កម្ចីក្នុងអត្រាការប្រាក់ទាបទៅដល់ប្រជាពលរដ្ឋដែលស្ម័គ្រចិត្តរុះរើលំនៅឋានពីតំបន់រមណីយដ្ឋានអង្គរ ទៅរស់នៅតំបន់រុនតាឯក ស្រុកបន្ទាយស្រី ខេត្តសៀមរាប ដើម្បីជួយសម្រួលឱ្យពួកគាត់។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
