គណបក្សប្រជាធិបតេយ្យមូលដ្ឋាន ស្នើទៅរដ្ឋាភិបាលឱ្យមានក្រុមប៉ូលិសជាស្ត្រី ចុះរៀបចំសណ្ដាប់ធ្នាប់នៅពេលមានប្រជាពលរដ្ឋជាស្ត្រីនាំគ្នាប្រមូលផ្តុំធ្វើកូដកម្មឬបាតុកម្មដោយសន្តិវិធី ដើម្បីបញ្ចៀសកុំឱ្យមានការបៀតបៀនលើស្ត្រីជាអ្នកតវ៉ាបន្តទៀត។
យុវតីខ្មែរថាវរៈម្នាក់ត្រូវបានអាជ្ញាធររាជធានីភ្នំពេញ បញ្ជូនខ្លួននិងសំណុំរឿងទៅសាលាដំបូងរាជធានីភ្នំពេញនៅរសៀលថ្ងៃសុក្រនេះ ខណៈមនុស្ស៥នាក់ទៀតកំពុងស្ថិតក្រោមការសាកសួរនៅស្នងការនគរបាលរាជធានីភ្នំពេញ។
ស្ត្រីម្នាក់ជាសមាជិកក្រុមយុវជនថាវរៈ ដែលសកម្មក្នុងការតវ៉ាទាមទារឱ្យដោះលែងលោក រ៉ុង ឈុន ត្រូវបានអាជ្ញាធររាជធានីភ្នំពេញឃាត់ខ្លួននៅរសៀលថ្ងៃព្រហស្បតិ៍នេះ។
ក្រុមយុវជននិងប្រជាពលរដ្ឋមួយចំនួនដែលព្យាយាមទៅប្រមូលផ្តុំនៅមុខសាលាដំបូងរាជធានីភ្នំពេញ បានប៉ះទង្គិចគ្នាជាមួយអាជ្ញាធរ ខណៈដែលចៅក្រមស៊ើបសួរសាលាដំបូង បន្តនីតិវិធីសួរនាំលោក រ៉ុង ឈុន បន្ថែមនៅព្រឹកថ្ងៃព្រហស្បតិ៍នេះ ។
ក្រុមយុវជន ប្រជាពលរដ្ឋ និងកម្មករប្រមាណជិត២០នាក់ បាននាំគ្នាដើរជាក្បួនធ្វើយុទ្ធនាការតាមវិថីមួយចំនួនក្នុងរាជធានីភ្នំពេញ ដើម្បីជំរុញឱ្យប្រជាពលរដ្ឋចូលរួមតាមដានបញ្ហាសង្គមនិងចូលរួមការពារអ្នកដែលហ៊ានលះបង់ប្រយោជន៍ខ្លួនដើម្បីការពារផលប្រយោជន៍ជាតិ។
ក្រុមយុវជនខ្មែរថាវរៈនិងគ្រួសារលោក រ៉ុង ឈុន ប្រមាណ២០នាក់ នៅព្រឹកនេះ បានធ្វើយុទ្ធនាការដើរជាក្បួននៅតាមដងផ្លូវមួយចំនួនក្នុងរាជធានីភ្នំពេញ ដើម្បីផ្សព្វផ្សាយដល់ប្រជាពលរដ្ឋចំណាយពេលប្រមាណ៣នាទីសម្រាប់គោរពទង់ជាតិជារៀងរាល់ថ្ងៃ។
អង្គការសង្គមស៊ីវិលនិងក្រុមយុវជនមកពីបណ្តារាជធានី-ខេត្តមួយចំនួន ស្នើទៅព្រឹទ្ធសភាឱ្យកែប្រែខ្លឹមសារក្នុងមាត្រាមួយចំនួននិងលុបចោលចំណុចខ្លះក្នុងសេចក្តីព្រាងច្បាប់ស្តីពីសិទ្ធិទទួលបានព័ត៌មាន ដើម្បីឱ្យស្របតាមស្តង់ដារច្បាប់អន្តរជាតិ។
ក្រុមអ្នកការពារសិទ្ធិមនុស្សជាតិ និងអន្តរជាតិដល់ទៅ ៣០ស្ថាប័ន បានទាមទារទៅរដ្ឋាភិបាលឱ្យបង្កើតក្រុមឯករាជ្យមួយ ដើម្បីស៊ើបអង្កេតទៅលើការបាញ់សម្លាប់លោក កែម ឡី ដែលការអំពាវនាវនេះបានកើតឡើង ១ថ្ងៃមុនខួប ៤ឆ្នាំនៃឃាតកម្មលើអ្នកវិភាគនយោបាយដ៏ល្បីល្បាញរូបនេះ។
អាជ្ញាធរខណ្ឌចំការមន បានឃាត់ខ្លួនបុរសម្នាក់ដែលពាក់អាវមានរូប និងសាររបស់លោកបណ្ឌិត កែម ឡី នៅពេលខ្លួនជិះកង់ចូលបរិវេណស្ថានីយប្រេងឥន្ធនៈកាល់តិច នៅម្ដុំស្តុបបូកគោ នៅព្រឹកថ្ងៃទី៨ ខែកក្កដានេះ ប៉ុន្តែ ត្រូវបានអាជ្ញាធរអនុញ្ញាតឱ្យបុរសរូបនេះត្រឡប់ទៅផ្ទះវិញក្រោយអប់រំណែនាំរួច។
ក្រុមព្រះសង្ឃ និងក្រុមយុវជនបរិស្ថាន ដែលព្យាយាមធ្វើដំណើរទៅកាន់ខេត្តតាកែវ ដើម្បីរំឭកខួប ៤ឆ្នាំនៃការបាញ់សម្លាប់អ្នកវិភាគនយោបាយដ៏ល្បីល្បាញ លោកបណ្ឌិត កែម ឡី ត្រូវបានសមត្ថកិច្ចរារាំងនៅថ្ងៃត្រង់នេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
