បើទោះជាការប្រកួតក្នុង៣ទឹកដំបូង គេកត់សម្គាល់ថាកីឡាករជើងចាស់ លាស់ យីន មានប្រៀបទៅលើកីឡាករថៃយ៉ាងណាក៏ដោយ ក៏លទ្ធផលចុងក្រោយបានត្រឹមតែស្មើពិន្ទុជាមួយកីឡាករថៃប៉ុណ្ណោះ បន្ទាប់ពីថៃក៏ប្រឹងសម្រុកតបវិញ។ គូនេះមានឆាកប្រយុទ្ធស្វិតស្វាញនិងក្ដៅគគុកយ៉ាងខ្លាំងតាំងពីទឹកទី១រហូតដល់ទឹកចុងក្រោយ។
ការប្រកួតអន្តរជាតិនៅលើសង្វៀនទូរទស្សន៍អាស៊ីអាគ្នេយ៍ដែលបានធ្វើឡើងកាលពីថ្ងៃអាទិត្យទី១ ខែឧសភា គេកត់សម្គាល់ឃើញថា កីឡាករថៃដែលឡើងប្រកួតជាមួយកីឡាករកម្ពុជា សូត្រ ប៊ុនធី គឺមានសមត្ថភាពល្អយ៉ាងខ្លាំង។ ប៉ុន្តែចុងក្រោយគេបែរជាភ្លាត់ឲ្យសន្លប់មិនគួរឲ្យជឿក្រោមដៃរបស់កីឡាករកម្ពុជារូបនេះក្នុងទឹកទី២។
កាលពីថ្ងៃអាទិត្យទី២៤ ខែមេសា កីឡាករជើងខ្លាំងល្បីឈ្មោះនៅក្នុងពិភពប្រដាល់ ផាន់ គ្រាន់ បានត្រឹមតែស៊ូជាមួយកីឡាករវ័យក្មេងមកពីប្រទេសថៃដល់ទឹកចុងក្រោយប៉ុណ្ណោះ។ លោកហាក់មិនអស់ចិត្តនោះឡើយនឹងលទ្ធផលចាញ់ពិន្ទុ ដោយអះអាងថាគឺបណ្ដាលមកពីការមើលស្រាលគូប្រកួត និងបណ្ដាលមកពីបញ្ហាកម្រាលរអិលនៅក្នុងការប្រកួត។
លោកនាយករដ្ឋមន្រ្តី ហ៊ុន សែន ឲ្យដឹងថារដ្ឋាភិបាលកម្ពុជាត្រៀមប្រាក់បម្រុងប្រមាណជាង៤០លានដុល្លារសម្រាប់ការរៀបចំធ្វើជាម្ចាស់ផ្ទះកីឡាស៊ីហ្គេម(SEA GAMES)លើកទី៣២ នៅឆ្នាំ២០២៣។លោក ហ៊ុន សែន បានសរសេរនៅលើហ្វេសប៊ុករបស់លោកនៅថ្ងៃសុក្រនេះថាក្រៅអំពីថវិកាសាងសង់ពហុកីឡាដ្ឋានដែលជាជំនួយរបស់ចិន រដ្ឋាភិបាលកម្ពុជាត្រៀមប្រាក់បម្រុងជាង៤០លានដុល្លារថែមទៀតទុកសម្រាប់ការរៀបចំការប្រកួតកីឡាស៊ីហ្គេម។
នៅទីបំផុត កីឡាករវ័យក្មេងពេជ្រ ម្ទេសខ្មាំង មកពីក្លឹបអរុណរះកីឡា បានក្លាយជាម្ចាស់ខ្សែក្រវាត់ជើងឯកដូចការគ្រោងទុកមែន នៅក្នុងព្រឹត្តិការណ៍កំពូលជើងឯក Tiffy Super Fight វគ្គ៣ដែលបានធ្វើឡើងនៅប៉ុស្ដិ៍លេខ៥កាលពីល្ងាចថ្ងៃទី១០ មេសា។ នេះជាលទ្ធផលដែលគេចង់បាន ហើយក៏ជាជ័យជម្នះគួរជាទីមោទនៈផងដែរសម្រាប់កីឡាកររូបនេះក្នុងឱកាសបុណ្យចូលឆ្នាំខ្មែរ។
សល់តែប៉ុន្មានថ្ងៃទៀតប៉ុណ្ណោះ តារាចម្រៀងល្បីឈ្មោះលោក ព្រាប សុវត្ថិ នឹងដឹកនាំក្រុមរាំអមដោយអ្នករៀបចំសម្លៀកបំពាក់ផ្ទាល់ខ្លួនផងប្រមាណ២០នាក់ ចេញទៅច្រៀងនៅប្រទេសវៀតណាម ក្នុងកម្មវិធីតន្ត្រីលក់សំបុត្រធំមួយដែលរៀបចំនៅខេត្តព្រះត្រពាំង ដែនដីខ្មែរកម្ពុជាក្រោមក្នុងឱកាសបុណ្យចូលឆ្នាំ។ នេះជាការចេញច្រៀងលើកទី១ ដែលលោកបានជាន់ទឹកដីដែលសម្បូរដោយពលរដ្ឋខ្មែររស់នៅក្នុងប្រទេសវៀតណាម ដោយក្រៅពីលោកក៏មានតារាចម្រៀងល្បីឈ្មោះជាច្រើនទៀតទៅជាមួយផងដែរ។
ផ្ទុយពីការគិតទុក កីឡាករមាស ច័ន្ទមាន បែរជាអាចវាយឲ្យកីឡាករជើងខ្លាំងរបស់ថៃឈ្មោះSuper Boy សន្លប់ទាល់តែបាន ដោយនោះជាលទ្ធផលសន្លប់ឈរលើរេញនោះទៅទៀត។ ការប្រកួតដែលបានធ្វើឡើងនៅលើសង្វៀនទូរទស្សន៍អាស៊ីអាគ្នេយ៍កាលពីថ្ងៃទី៣ មេសានេះ ធ្វើឲ្យអ្នកទស្សនាជក់ចិត្តយ៉ាងខ្លាំង ដោយទម្រាំឆ្មក់បានឱកាសឈ្នះថៃ កីឡាករកម្ពុជាខ្លួនឯងក៏ប៊ិះនឹងសន្លប់ដូចគ្នា។
នៅទីបំផុតកីឡាករជើងខ្លាំងរបស់កម្ពុជាឈ្មោះ ម៉ន រដ្ឋា បានត្រឹមតែការពារខ្លួនមិនឲ្យសន្លប់មុនទឹកទី៥ ក្នុងការប៉ះប្រកួតជាមួយកីឡាករថៃប៉ុណ្ណោះ កាលពីថ្ងៃអាទិត្យទី២៧ មីនា នៅក្នុងព្រឹត្តិការណ៍ប្រដាល់អន្តរជាតិរបស់ទូរទស្សន៍អាស៊ីអាគ្នេយ៍។ សមត្ថភាពស៊ូបាន៥ទឹករបស់កីឡាករកម្ពុជាត្រូវបានគេសរសើរផងនិងរិះគន់ផង។នៅក្នុងការប្រកួតដែលបានធ្វើឡើងយ៉ាងស្វិតស្វាញនោះ ម៉ន រដ្ឋា ខ្លាចាស់របស់ក្លិបការិយាល័យទី៥កងទ័ពជើងគោក បានបញ្ចេញកណ្ដាប់ដៃយ៉ាងខ្លាំងក្លាទៅលើកីឡាករថៃឈ្មោះ Pheach Ngenthang ។ សមត្ថភាពវាយចេញរបស់គេ ធ្វើឲ្យកីឡាករឆ្លងប្រទេសជាគូបដិបក្ខទ័លទីម្ដងៗ ប៉ុន្តែកណ្ដាប់បានត្រឹមតែកំឡាមិនឲ្យកីឡាករថៃវាយលុកចូលខ្លាំងប៉ុណ្ណោះ។
នៅទីបំផុតការប្រកួតយ៉ាងស្វិតស្វាញរវាងកីឡាករកម្ពុជា យ៉េន ឌីណា និងកីឡាករ Soun Tepheap ដែលត្រូវគេស្គាល់ថាជាម្ចាស់ខ្សែក្រវាត់៣ស្ថាប័នមកពីប្រទេសថៃ គឺកីឡាករកម្ពុជាជាអ្នកឈ្នះពិន្ទុទាំងប្រផិតប្រផើយ។ ការប្រកួតរបស់ពួកគេ ត្រូវគេកត់សម្គាល់ថាទទួលបានការចាប់អារម្មណ៍យ៉ាងខ្លាំងនៅលើសង្វៀនទូរទស្សន៍អាស៊ីអាគ្នេយ៍កាលពីថ្ងៃអាទិត្យទី២០ ខែមីនា។
លោកនាយករដ្ឋមន្ត្រី ហ៊ុន សែន ប្រកាសផ្ដល់ប្រាក់ដល់កីឡាករបាល់ទាល់ក្នុងក្រុម Cambodia All Stars និងក្រុមគ្រូបង្វឹកម្នាក់១០០០ដុល្លារ ដោយលោកថាដើម្បីលើកទឹកចិត្តដល់ពួកគេ បន្ទាប់ពីប្រកួតឈ្នះក្រុម Laos All Stars។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
