គណៈកម្មាធិការជាតិរៀបចំការបោះឆ្នោត (គ.ជ.ប) បានណែនាំដល់គណបក្សនយោបាយ បេក្ខជន និងប្រជាពលរដ្ឋ ចូលរួមរក្សាសន្តិសុខ សុវត្ថិភាព និងសណ្ដាប់ធ្នាប់ សម្រាប់យុទ្ធនាការឃោសនា និងការបោះឆ្នោតជ្រើសរើសក្រុមប្រឹក្សាឃុំសង្កាត់ ដោយមិនត្រូវកៀរគរនិងប្រមូលកម្លាំងចល័តដែលបង្កចលាចលណាមួយឡើយ។
ក្រសួងព័ត៌មាន ណែនាំទៅប្រព័ន្ធផ្សព្វផ្សាយទាំងអស់ឱ្យបញ្ឈប់គ្រប់សកម្មភាពឃោសនាផ្សព្វផ្សាយព័ត៌មាន ពាក់ព័ន្ធនឹងការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ ឆ្នាំ២០២២ នៅថ្ងៃទី០៤ ខែមិថុនា ឆ្នាំ២០២២ មុនថ្ងៃបោះឆ្នោតមួយថ្ងៃ ឬហៅថា «ថ្ងៃស»។
តំណាងគណបក្សភ្លើងទៀនបានហៅការរារាំងនេះថា គឺជាការរើសអើងមួយដែលមិនអាចទទួលយកបាន ហើយក៏ជាការធ្វើទុក្ខបុកម្នេញ និងគំរាមកំហែងខាងនយោបាយ បើទោះជាគណបក្សភ្លើងទៀនបានស្នើសុំការឃោសនា និងចែកបណ្ណព័ត៌មាន ស្ដីពីការបោះឆ្នោតត្រឹមត្រូវទៅតាមនីតិវិធីហើយយ៉ាងណាក្ដី។
អ្នកឃ្លាំមើលសង្គមមួយចំនួនបានលើកឡើងថា ក្រោយការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥នេះ លំហប្រជាធិបតេយ្យនៅកម្ពុជា នៅតែបន្តរួមតូចដដែល ដោយសម្អាងថា ដំណើរឆ្ពោះទៅកាន់ការបោះឆ្នោតរបស់គណបក្សនយោបាយទាំង១៧នៅពេលនេះ មិនបានភ្ជាប់លក្ខខណ្ឌដើម្បីធានាយន្តការប្រជាធិបតេយ្យនោះទេ ដែលការណ៍នេះធ្វើឱ្យគណបក្សកំពុងគ្រប់គ្រងអំណាចជាអ្នកមានប្រៀប។
គណៈកម្មាធិការជាតិរៀបចំការបោះឆ្នោត ហៅកាត់ថា គជប បានវាយតម្លៃថា ដំណើរការឃោសនាបោះឆ្នោតឃុំសង្កាត់របស់គណបក្សនយោបាយក្នុងថ្ងៃទី៨ ត្រូវនឹងថ្ងៃទី២៨ ខែឧសភានេះ បានព្រឹត្តទៅក្នុងបរិយាកាសល្អ គ្មានអំពើហិង្សា ឬការគំរាមកំហែងនោះទេ។
គណៈកម្មការរៀបចំការបោះឆ្នោតខេត្តកំពង់ចាមបានសម្រេចផាកពិន័យ លោក គង់ រ៉ៃយ៉ា ប្រធានគណបក្សភ្លើងទៀនឃុំស្ដៅចំនួន ៥ ០០០ ០០០ រៀល ស្របតាមមាត្រា១៧១ និងមាត្រា ១៨១ ស្តីពីការបោះឆ្នោតជ្រើសរើសក្រុមប្រឹក្សាឃុំសង្កាត់។
គណៈកម្មការរៀបចំការបោះឆ្នោតខេត្តកំពង់ចាម ផ្អាកការសម្របសម្រួលរវាងតំណាងគណបក្សប្រជាជនកម្ពុជា និងបេក្ខភាពឃុំមកពីគណបក្សភ្លើងទៀនទាំង១១ឃុំ នៃស្រុកកងមាស បន្ទាប់ពីបេក្ខភាពគណបក្សភ្លើងទៀនស្នើសុំផ្អាកការសម្របសម្រួល។
អង្គការសហប្រជាជាតិ (អ.ស.ប) ប្រចាំកម្ពុជា អះអាងថា អង្គការអន្តរជាតិមួយនេះមិនបានផ្ដល់ការគាំទ្រ ឬចូលរួមសង្កេតការណ៍បោះឆ្នោតជ្រើសរើសក្រុមប្រឹក្សាឃុំសង្កាត់នៅឆ្នាំ២០២២នេះទេ តែនឹងបន្តតាមដានដោយយកចិត្តទុកដាក់។
គណៈកម្មាធិការជាតិរៀបចំការបោះឆ្នោត (គ.ជ.ប) ឱ្យដឹងថា អំឡុងពេលយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំសង្កាត់ក្នុងរយៈពេល៦ថ្ងៃកន្លងទៅនេះ ខ្លួនទទួលបានបណ្ដឹងចំនួន៣៣ករណី ហើយបណ្ដឹងទាំងនេះភាគច្រើនជាបណ្ដឹងដែលតំណាងគណបក្សកាន់អំណាច ប្ដឹងតំណាងគណបក្សភ្លើងទៀន។
គណៈកម្មាធិការជាតិរៀបចំការបោះឆ្នោត (គ.ជ.ប) ណែនាំគណបក្សនយោបាយ និងបេក្ខជនដែលកំពុងធ្វើយុទ្ធនាការឃោសនាបោះឆ្នោត មិនត្រូវធ្វើសកម្មភាពទិញទឹកចិត្តអ្នកបោះឆ្នោត តាមរយៈការផ្ដល់ជាថវិកា សម្ភារ ឬមធ្យោបាយផ្សេងៗ រួមនឹងការចៀសវាងនូវសកម្មភាពមួយចំនួនទៀតដែលផ្ទុយនឹងបទប្បញ្ញតិ្តនៃច្បាប់។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
