ក្រសួងការពារជាតិបានឱ្យដឹងថា កងកម្លាំងមួកខៀវកម្ពុជាចំនួន ៣កង ដែលមានចំនួនជាង៣០០នាក់ នឹងចេញទៅបំពេញបេសកកម្មរក្សាសន្តិភាពក្របខណ្ឌអង្គការសហប្រជាជាតិ នៅប្រទេសម៉ាលី និងស៊ូដង់ខាងត្បូងនាពេលខាងមុខ។
ក្នុងខួប៣១ឆ្នាំ នៃកិច្ចព្រមព្រៀងសន្តិភាពទីក្រុងប៉ារីស ក្រុមអង្គការសង្គមស៊ីវិល សហជីពនិងតំណាងគណបក្សក្រៅរដ្ឋាភិបាលមួយចំនួនផង បានជំរុញទៅរដ្ឋាភិបាលឱ្យរៀបចំប្រព័ន្ធបោះឆ្នោតនៅកម្ពុជាប្រកបដោយភាពសេរី ត្រឹមត្រូវ និងយុត្តិធម៌ ដែលស្របទៅនឹងស្មារតីនៃកិច្ចព្រមព្រៀងទីក្រុងប៉ារីស និងរដ្ឋធម្មនុញ្ញកម្ពុជា។
មន្ត្រីជំនាញនៃក្រសួងមហាផ្ទៃ បានបណ្ដេញជនបរទេស ២៦៣នាក់ ចេញពីកម្ពុជា ក្រោយចាប់ខ្លួនពួកគេដោយរកឃើញថា ពួកគេទាំងនោះបានឆ្លងដែន និងស្នាក់នៅក្នុងប្រទេសកម្ពុជាដោយខុសច្បាប់។
ក្រុមអង្គការសង្គមស៊ីវិលមួយចំនួន អំពាវនាវដល់រដ្ឋាភិបាលកម្ពុជាឱ្យគោរពកិច្ចព្រមព្រៀងសន្តិភាពទីក្រុងប៉ារីសឱ្យបានពេញលេញ ដោយថាខ្លឹមសារខ្លះនៃកិច្ចព្រមព្រៀងនេះ កម្ពុជាបានអនុវត្តល្អប្រសើរហើយ ប៉ុន្តែចំពោះការគោរពសិទ្ធិមនុស្ស និងសិទ្ធិនយោបាយវិញ កម្ពុជានៅខ្វះខាតច្រើន។
គណៈកម្មាធិការជាតិរៀបចំការបោះឆ្នោត(គ.ជ.ប) អះអាងថា រយៈពេល២ថ្ងៃ នៃដំណើរការពិនិត្យបញ្ជីឈ្មោះ និងចុះឈ្មោះបោះឆ្នោតឆ្នាំ២០២២ គឺមានពលរដ្ឋដែលបានមកចុះឈ្មោះបោះឆ្នោតថ្មីចំនួនជាង៣ម៉ឺននាក់។
លោកនាយករដ្ឋមន្រ្តី ហ៊ុន សែន នៅថ្ងៃសុក្រនេះ បានអំពាវនាវឱ្យមនុស្សមួយចំនួនដែលបន្តគាំទ្រលោក សម រង្ស៊ី ហើយចង់រួចខ្លួនពីបម្រាមតុលាការ អាចផ្ដាច់ខ្លួនពីពេលនេះបាន ដោយលោកធានាក្នុងការផ្ដល់ជូននូវសេរីភាព តាមរយៈការស្នើសុំព្រះរាជទានលើកលែងទោសពីព្រះមហាក្សត្រ ប៉ុន្តែលោកថា ការដើរចេញពីស្ថាបនិកមេបក្សជំទាស់នេះត្រូវធ្វើដោយមានភាពស្មោះត្រង់ជាមួយគ្នា។
ក្រុមស្ត្រីថ្ងៃសុក្រ បាននាំគ្នាយកញត្តិទៅដាក់នៅស្ថានទូតប្រទេសលោកសេរីប្រចាំនៅប្រទេសកម្ពុជា ចំនួន៣ ដើម្បីស្នើសុំឱ្យជួយជំរុញទៅរដ្ឋាភិបាលកម្ពុជាគោរពកិច្ចព្រមព្រៀងសន្តិភាពទីក្រុងប៉ារីស និងអន្តរាគមន៍ឱ្យមានការដោះលែងស្វាមីនិងសាច់ញាតិរបស់ពួកគេដែលកំពុងជាប់ពន្ធនាគារ។
ប្អូនប្រុសមួយរូបរបស់អ្នកវិភាគនយោបាយ លោកបណ្ឌិត កែម ឡី ដែលត្រូវបានខ្មាន់កាំភ្លើងបាញ់សម្លាប់ រួមនឹងអតីតសមាជិកមន្រ្តីបក្សប្រឆាំងមួយចំនួនទៀតមកពីគណបក្សភ្លើងទៀន និងគណបក្សខ្មែរស្រឡាញ់ជាតិ ត្រូវបានព្រះមហាក្សត្រត្រាស់បង្គាប់តែងតាំងជាទីប្រឹក្សារាជរដ្ឋាភិបាល។
លោកនាយករដ្ឋមន្ត្រី ហ៊ុន សែន ថ្លែងថា លោកធ្លាប់ទទួលទានអាហារជាមួយមេដឹកនាំខ្មែរក្រហម នៅផ្ទះរបស់លោក ប៉ុន្តែរូបលោកមិនអាចធ្វើសកម្មភាពនេះជាមួយនឹងមេដឹកនាំអតីតគណបក្សសង្គ្រោះជាតិដែលនិរទេសខ្លួននៅក្រៅប្រទេស លោក សម រង្ស៊ី បានឡើយ។
ប្រធានគណបក្សកាន់អំណាច និងជានាយករដ្ឋមន្រ្តី បានបញ្ជាក់ជំហរជាសាធារណៈថា លោកនឹងដាក់ចេញនូវផែនការយុទ្ធសាស្រ្ត ដើម្បីតាមកម្ទេចអ្នកដែលលោកហៅថាជាក្រុមប្រឆាំងនៅតាមមូលដ្ឋាន ហើយគាំទ្រអង្គការចាត់តាំងដឹកនាំដោយលោក សម រង្ស៊ី។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
