ពលរដ្ឋ អ្នកវិភាគ និងសង្គមស៊ីវិល លើកឡើងថា ការចេញញត្តិថ្កោលទោសលោក សម រង្ស៉ី ពាក់ព័ន្ធការចោទថាបាន «ញុះញង់កងកម្លាំងប្រដាប់អាវុធឱ្យបះបោរប្រឆាំងរដ្ឋាភិបាល» ពីសំណាក់ក្រសួង ស្ថាប័ននានា ជាការដើរផ្ទុយពីគោលការណ៍អព្យាក្រឹតរបស់មន្ត្រីរាជការ។
អ្នកនយោបាយជាន់ខ្ពស់នៃគណបក្សក្រៅរដ្ឋាភិបាល ដែលតំណាងឱ្យសម្ពន្ធអ្នកប្រជាធិបតេយ្យនៅមុនការបោះឆ្នោតជាតិឆ្នាំ២០២៣ បានលើកឡើងថា ពួកគេនឹងស្វះស្វែងរកច្រកថ្មីទៀត ធ្វើយ៉ាងណាជំរុញឱ្យមានការកែលម្អប្រព័ន្ធបោះឆ្នោត និងលំហសេរីភាពនយោបាយ ដូចដែលពួកគេមើលឃើញ គឺយន្តការទាំងពីរនេះនៅមិនទាន់អាចធានាពីសុក្រឹតភាព និងតម្លាភាពក្នុងដំណើរការប្រជាធិបតេយ្យបាននៅឡើយទេ ប្រសិនបើបរិបទនយោបាយដូចបច្ចុប្បន្ននេះនៅតែមានរូបភាពគំរាមកំហែងនិងយាយី។
លោកនាយករដ្ឋមន្ត្រី ហ៊ុន សែន បញ្ជាក់ជំហរថា នឹងមិនរារាំងជើងហោះហើរដែលដឹកលោក សម រង្ស៊ី ត្រលប់មកកម្ពុជាដូចការលើកឡើងនោះទេ ប៉ុន្តែលោកថាបានត្រៀមកម្លាំងដើម្បីចាប់ដៃគូប្រកួតមានសក្ដានុពលរូបនេះឱ្យអនុវត្តទោសក្នុងពន្ធនាគារតាមការផ្ដន្ទាទោសរបស់តុលាការ។
មន្ត្រីជាន់ខ្ពស់ពន្ធនាគារអះអាងថា ការដែលសមត្ថកិច្ចបន្តឃុំខ្លួន កញ្ញា សេង ធារី នៅពន្ធនាគារខេត្តព្រះវិហារ ដោយមិនបញ្ជូនមកពន្ធនាគារព្រៃស រាជធានីភ្នំពេញវិញតាមសំណើរនានា គឺដោយសារបារម្ភថាសកម្មភាពទណ្ឌិតនេះ អាចបង្កផលប៉ះពាល់ដល់សណ្តាប់ធ្នាប់ និងសន្តិសុខក្នុងពន្ធនាគារ។
រដ្ឋសភាបោះឆ្នោតគាំទ្រជាឯកច្ឆ័នផ្តល់សេចក្តីទុកចិត្តលោក ឌិត ទីណា ធ្វើជា រដ្ឋមន្រ្តីថ្មីនៃក្រសួងកសិកម្ម ដោយសំឡេងគាំទ្រ១១១ លើ១១១។ ការបោះឆ្នោតផ្តល់សេចក្តីទុកចិត្តនេះ ធ្វើឡើងនៅក្នុងកិច្ចប្រជុំពេញអង្គរដ្ឋសភា នៅព្រឹកថ្ងៃទី១៤ ខែតុលា នេះ បន្ទាប់ពីលោកនាយករដ្ឋមន្ត្រី ហ៊ុន សែន បានស្នើសភាបោះឆ្នោតទុកចិត្តលោក ឌិត ទីណា ជារដ្ឋមន្ត្រីក្រសួងកសិកម្ម។
គណបក្សក្រៅរដ្ឋាភិបាលមួយចំនួន ជំរុញឱ្យមានការផ្ដល់សេរីភាពផ្នែកនយោបាយដល់លោក កឹម សុខា ឡើងវិញ មុនការបោះឆ្នោតជាតិ ឆ្នាំ២០២៣ មកដល់ ដោយពួកគេចង់ឃើញការប្រកួតប្រជែងនយោបាយក្នុងពេលខាងមុខ ធ្វើឡើងដោយស្មើភាពគ្នា ក្រោមវត្តមានមេបក្សប្រឆាំងរូបនេះអាចចូលរួមបាន។
ព្រះមហាក្សត្របានត្រាស់បង្គាប់តែងតាំងមុខតំណែងអតីតរដ្ឋមន្ត្រីក្រសួងកសិកម្ម លោក វេង សាខុន ជារដ្ឋមន្ត្រីប្រតិភូអមនាយករដ្ឋមន្ត្រី ក្រោយមានការស្នើពីប្រមុខរដ្ឋាភិបាល។
លោកនាយករដ្ឋមន្ត្រី ហ៊ុន សែន និងលោក សម រង្ស៊ី បកស្រាយពីភាពជោគជ័យរៀងខ្លួន ជុំវិញសាលក្រមតុលាការប្រទេសបារាំង ដែលបានប្រកាសកាលពីថ្ងៃទី១០ ខែតុលា ពាក់ព័ន្ធសំណុំរឿង «បរិហារកេរ្តិ៍» ដែលលោក ហ៊ុន សែន ប្ដឹងលោក សម រង្ស៊ី ចំពោះការចោទថា លោកជាអ្នកសម្លាប់អតីតអគ្គស្នងការនគរបាលជាតិ លោក ហុង ឡង់ឌី ដែលត្រូវជាដន្លងរបស់ខ្លួន។
រដ្ឋាភិបាលស្នើទៅរដ្ឋសភារៀបចំការបោះឆ្នោតផ្ដល់សេចក្ដីទុកចិត្តដល់លោក ឌិត ទីណា រដ្ឋលេខាធិការក្រសួងរ៉ែ និងថាមពល ធ្វើជារដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ជំនួសលោក វេង សាខុន ដែលត្រូវបានបញ្ចប់ពីមុខតំណែង។
កូនប្រុសរបស់លោកនាយករដ្ឋមន្ត្រី ហ៊ុន សែន គឺលោក ហ៊ុន ម៉ានី បានលើកឡើងថា កម្លាំងអមិត្តនៅតែចិញ្ចឹមមហិច្ឆតា និងបន្តធ្វើសកម្មភាពញុះញង់ អុចអាល បង្កហេតុ បង្កើតចលាចល ដែលជាកត្តាបំផ្លាញសុខសន្តិភាព តែរដ្ឋាភិបាលនៅតែបន្តធានាការពារសុខសន្តិភាព ស្ថិរភាព និងការអភិវឌ្ឍ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
