លោក ហ៊ុន ម៉ានិត កូនប្រុសរបស់លោកនាយករដ្ឋមន្ត្រី ហ៊ុន សែន ត្រូវបានដំឡើងឋានៈស្មើរដ្ឋមន្ត្រី បន្ថែមលើតួនាទីបច្ចុប្បន្នជាអគ្គនាយកនៃនាយកដ្ឋានស្រាវជ្រាវចារកម្មនៃក្រសួងការពារជាតិ។
ប្រធានគណបក្សសង្គ្រោះជាតិដែលត្រូវបានតុលាការរំលាយ បានអះអាងថា មាតុភូមិកម្ពុជា ជាផ្ទះ និងជាជម្រកដង្ហើមនៃជីវិតរបស់លោក ដូច្នេះមិនមានហេតុផលណាមួយសម្រាប់លោកដើម្បីនាំឱ្យជាតិសាសន៍ផ្សេងមកត្រួតត្រា ឬឈ្លានពានប្រឆាំងកម្ពុជានោះឡើយ។
ព្រះបាទសម្ដេចព្រះនរោត្ដម សីហមុនី ព្រះមហាក្សត្រខ្មែរ បានត្រាស់បង្គាប់តែងតាំងលោកបណ្ឌិត យ៉ង សាំងកុមារ ជារដ្ឋមន្ត្រីប្រតិភូអមនាយករដ្ឋមន្ត្រី បន្ថែមលើមុខងារបច្ចុប្បន្នជារដ្ឋលេខាធិការនៃក្រសួងកសិកម្ម រុក្ខាប្រមាញ់ និងនេសាទ ក្រោយពេលលោកបានចូលរួមជីវភាពនយោបាយជាមួយគណបក្សកាន់អំណាច។
មន្ត្រីជាន់ខ្ពស់ក្រសួងកសិកម្មបានឱ្យដឹងថា ក្រសួងបានផ្ដល់តំណែងដល់បណ្ឌិត យ៉ង សាំងកុមារ ជារដ្ឋលេខាធិការ និងលោក ឡឹក សុធារ ជាអនុរដ្ឋលេខាធិការនៃក្រសួងកសិកម្ម ក្រោយពេលពួកគេចូលរួមជីវភាពនយោបាយជាមួយគណបក្សប្រជាជនកម្ពុជា។
ប្រធានគណៈកម្មាធិការនាយកគណបក្សប្រជាធិបតេយ្យមូលដ្ឋានលោកបណ្ឌិត យ៉ង សាំងកុមារ និងអ្នកនាំពាក្យគណបក្សនេះ គឺ លោក ឡឹក សុធារ បានប្រកាសចុះចូលជាមួយគណបក្សកាន់អំណាចនិងស្នើសុំបម្រើការងារជាមួយរាជរដ្ឋាភិបាល ដោយថា ដើម្បីមានឱកាសចូលរួមអភិវឌ្ឍវិស័យកសិកម្មនៅកម្ពុជា។
កម្ពុជាតាមរយៈក្រសួងការបរទេស បានទាមទារឱ្យរដ្ឋាភិបាលសហរដ្ឋអាមេរិកដោះលែងមន្ត្រីជាន់ខ្ពស់ក្រសួងកសិកម្ម លោក គ្រី ម៉ះផល ជាបន្ទាន់ និងអនុញ្ញាតឱ្យលោកស្នាក់នៅក្នុងស្ថានទូតខ្មែរប្រចាំរដ្ឋធានីវ៉ាស៊ីនតោន អំឡុងពេលរង់ចាំការកាត់ទោសនៅតុលាការ។
ថ្នាក់ដឹកនាំវៀតណាម បានស្នើដល់ភាគីកម្ពុជាជាថ្មីទៀត ឱ្យបង្កលក្ខណៈងាយស្រួលទាក់ទងនឹងការផ្តល់ឯកសារស្របច្បាប់ដល់ប្រជាពលរដ្ឋខ្លួន ដែលតាំងទីលំនៅលើទឹកដីកម្ពុជា ខណៈអ្នកឃ្លាំមើលនិយាយថា ការស្នើនេះ ជារឿងអាក្រក់នៃនយោបាយការទូតរបស់វៀតណាមមកលើកម្ពុជា។
អ្នកនយោបាយមកពីបក្សក្រៅរដ្ឋាភិបាល និងអ្នកជំនាញកិច្ចការបោះឆ្នោត លើកឡើងថា ការបំភ្លឺរបស់គណៈកម្មាធិការជាតិរៀបចំការបោះឆ្នោត (គ.ជ.ប.)ជុំវិញការកែសម្រួលសេចក្ដីព្រាងបទបញ្ជា និងនីតិវិធីខ្លះសម្រាប់ការបោះឆ្នោតនៅឆ្នាំក្រោយ ដោយថា ការបំភ្លឺនេះ នៅតែធ្វើឱ្យប្រព័ន្ធបោះឆ្នោតមិនអាចធានាពីការបោះឆ្នោតមួយដោយសេរី ត្រឹមត្រូវ និងយុត្តិធម៌ បានទេ។
កូនប្រុសច្បងរបស់លោកនាយករដ្ឋមន្ត្រី ហ៊ុន សែន បានបបួលលោក សម រង្ស៊ី ភ្នាល់ដាក់ជីវិតនយោបាយ ក្រោយលោក សម រង្ស៊ី ចោទខ្លួនថាបានបន្លំយកលុយ ៥លានដុល្លារ ទិញទឹកចិត្តពលរដ្ឋខ្មែរដែលរស់នៅប្រទេសបារាំង និងទ្វីបអឺរ៉ុប ដើម្បីឱ្យចុះចូលបក្សប្រជាជនកម្ពុជា។
អគ្គលេខាធិការអង្គការសហប្រជាជាតិ (UN) បានថ្លែងថា ការស្អប់គ្នា ការរើសអើង និងការឃ្លាតឆ្ងាយពីមូលដ្ឋាននៃការគោរពសិទ្ធិមនុស្ស បាននាំឱ្យអំពើប្រល័យពូជសាសន៍កើតឡើង ជាពិសេសករណីសម្លាប់ពលរដ្ឋរង្គាលដូចក្នុងសម័យខ្មែរក្រហម។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
