តុលាការក្រុងភ្នំពេញ បានបន្តបើកសវនាការលើសំណុំរឿងរបស់​លោក កឹម សុខា នៅថ្ងៃពុធនេះ ពីបទ «សន្ទិដ្ឋិភាពជាមួយបរទេស» ឬគប់គិតជាមួយបរទេសដើម្បីផ្ដួលរំលំរដ្ឋាភិបាល តាមមាត្រា៤៤៣ នៃក្រមព្រហ្មទណ្ឌកម្ពុជា។

សាលាដំបូងរាជធានីភ្នំពេញ បានបន្តបង្ហាញវីដេអូឃ្លី​ប​និងសម្រង់សម្ដីសន្ទនាឯកជនតាមទូរសព្ទ យក​មកធ្វើជាភស្តុតាងដាក់បន្ទុកលើមេដឹកនាំ និងសកម្មជនបក្សសង្គ្រោះជាតិដែលត្រូវបានតុលាការរំលាយ មុន​ឱ្យមេធាវីនិងតំណាងអយ្យការធ្វើសេចក្ដីសន្និដ្ឋាននៅខែក្រោយ។

សវនាការលើអង្គសេចក្ដីក្នុងសំណុំរឿងលោក កឹម សុខា​ នៅព្រឹកថ្ងៃអង្គារនេះ​ មាន​​​ភាព​ចម្រូង​​ចម្រាស​​និង​តឹងសរសៃកដាក់គ្នារ​​​វាង​​​សហ​​មេធាវីការពារក្ដីឱ្យជន​ជាប់​ចោទ និងតំណាង​​អយ្យ​​​ការ ​​​លើ​​ភស្តុ​​តាង​ដាក់​​បន្ទុក។

តុលាការរាជធានីភ្នំពេញ បានសម្រេចទម្លាក់បទចោទលើអតីត​​ប្រធានចលនាយុវជនរបស់​​គណបក្ស​​សង្រ្គោះ​ជាតិ​ប្រចាំ​ប្រទេស​កូរ៉េ​ខាង​ត្បូង និង​បក្ខពួក​​ចំនួន៩នាក់ផ្សេងទៀតឱ្យមានសេរីភាពវិញ ពាក់ព័ន្ធសំណុំរឿងព្រឹត្តិការណ៍​៩វិច្ឆិកា ឆ្នាំ២០១៩ ដែលត្រូវបានបង្កើតឡើងដោយលោក សម រង្ស៉ី។

អ្នកឃ្លាំមើលបញ្ហាសង្គមបង្ហាញការសោកស្ដាយ នៅពេលព្រះរាជអាជ្ញាអមសាលាដំបូងរាជធានីភ្នំពេញបានសម្រេចបដិសេធសំណើសុំទៅព្យាបាលជំងឺនៅមន្ទីរពេទ្យក្នុងប្រទេសថៃ។