កូដករណាហ្គាវើលដ៍ប្រមាណ៥០នាក់ បានប្រមូលផ្ដុំគ្នានៅមុខសាលាដំបូងរាជធានីភ្នំពេញ ដើម្បីគាំទ្រសហការីរបស់ពួកគេ២នាក់ដែលត្រូវចូលបំភ្លឺនៅតុលាការនាព្រឹកថ្ងៃសុក្រនេះ ក្រោមចោទថា «រារាំងការអនុវត្តវិធានការការពារជំងឺកូវីដ-១៩»។
សាលាដំបូងរាជធានីភ្នំពេញ បានបន្តសវនាការសួរដេញដោលលើអ្នកគាំទ្រគណបក្សសង្គ្រោះជាតិដែលត្រូវបានតុលាការរំលាយ កញ្ញា សេង ធារី ក្រោមបទចោទ «ញុះញង់ និងរួមគំនិតក្បត់» ពាក់ព័ន្ធដំណើរការវិលត្រលប់របស់លោក សម រង្ស៊ី ក្នុងព្រឹត្តិការណ៍ ៩ វិច្ឆិកា។
សកម្មជនបក្សប្រឆាំងដែលកំពុងជាប់ពន្ធនាគារចំនួន១៣នាក់ បានស្នើទៅតុលាការទម្លាក់ចោលបទចោទប្រកាន់និងដោះលែងពួកគេឱ្យមានសេរីភាពវិញ ដោយថា ពួកគេមិនបានជាប់ពាក់ព័ន្ធនឹងផែនការ៥ចំណុចនៃចលនាសង្គ្រោះជាតិដែលបង្កើតឡើងដោយលោក សម រង្ស៊ី និងមន្ត្រីផ្សេងទៀតទេ។
កញ្ញា សេង ធារី ដែលជាអ្នកគាំទ្រគណបក្សសង្គ្រោះជាតិដែលត្រូវតុលាការរំលាយ បានបង្ហាញការគាំទ្រសារនិងដំណើរការវិលត្រលប់របស់លោក សម រង្ស៊ី ថ្ងៃទី៩ ខែវិច្ឆិកា ឆ្នាំ២០១៩ ដោយថា សារនិងការរៀបចំគម្រោងផែនការមួយចំនួនរបស់មេបក្សប្រឆាំងរូបនេះមិនមែនជាអំពើខុសច្បាប់។
សាលាឧទ្ធរណ៍រាជធានីភ្នំពេញ គ្រោងនឹងប្រកាសសាលដីកាសំណុំរឿងកុមារ កាក់ សុវណ្ណច្ឆ័យ កូនប្រុសរបស់សកម្មជនគណបក្សសង្គ្រោះជាតិដែលត្រូវតុលាការរំលាយ ក្រោមបទចោទប្រកាន់ «ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម» និងបទ «ប្រមាថចំពោះអ្នករាជការសាធារណៈ» នៅខែមីនា ឆ្នាំ២០២២ ខាងមុខនេះ។
តុលាការកំពូល ច្រានចោលបណ្ដឹងសាទុក្ខប្រឆាំងការទម្លាក់បទចោទលើឧកញ៉ា ថោង សារ៉ាត់ និងមនុស្ស៣នាក់ទៀត ដែលសាលាដំបូងរាជធានីភ្នំពេញផ្ដន្ទាទោសឱ្យពួកគេជាប់ពន្ធនាគារអស់មួយជីវិត ពាក់ព័ន្ធសំណុំរឿងឃាតកម្មបាញ់សម្លាប់ឧកញ៉ា អ៊ឹង ម៉េងជឺ កាលពីជិត៨ឆ្នាំមុន។
ក្រុមមេធាវីការពារក្ដីឱ្យថ្នាក់ដឹកនាំនិងសកម្មជនសហជីពក្រុមហ៊ុនណាហ្គាវើលដ៍ចំនួន៨នាក់ គ្រោងដាក់ពាក្យបណ្ដឹងសាទុក្ខទៅតុលាការកំពូលយ៉ាងយូរនៅក្នុងសប្ដាហ៍នេះ ដើម្បីជំទាស់នឹងដីកាឃុំខ្លួនរបស់សាលាដំបូងរាជធានីភ្នំពេញ ដោយទាមទារឱ្យកូនក្ដីមានសេរីភាពវិញ។
សាលាដំបូងរាជធានីភ្នំពេញ បានលើកពេលសវនាការសួរដេញដោលកញ្ញា សេង ធារី ដែលគ្រោងធ្វើនៅថ្ងៃនេះ ទោះបីជាមេធាវីការពារក្ដីឱ្យសកម្មជនបក្សប្រឆាំងដែលត្រូវតុលាការរំលាយផ្សេងទៀត បានជំទាស់ចំពោះការពន្យារពេលសវនាការនេះក៏ដោយ។
សាលាដំបូងរាជធានីភ្នំពេញ បានបញ្ជូនខ្លួនឧត្ដមសេនីយ៍ផ្កាយ៣ លោកឧកញ៉ា ឌួង ងៀប ទៅឃុំខ្លួននៅពន្ធនាគារភ្លាមៗនៅថ្ងៃចន្ទនេះ ក្រោយពីសមត្ថកិច្ចចាប់ខ្លួនបាន ដោយចោទប្រកាន់ពីបទ «ឆបោក និង មិនបំពេញកាតព្វកិច្ចចំពោះឧបករណ៍អាចជួញដូរបាន»។
ស្នងការរាជធានីភ្នំពេញ លោក ស ថេត បានអះអាងថា ឧត្ដមសេនីយ៍ឯកផ្កាយ៣ លោកឧកញ៉ា ឌួង ងៀប ត្រូវបានសមត្ថកិច្ចនាំខ្លួនបញ្ជូនទៅកាន់តុលាការនៅព្រឹកថ្ងៃចន្ទនេះ ដើម្បីអនុវត្តតាមនីតិវិធី ជុំវិញបទចោទប្រកាន់ «ឆបោក»។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
