អង្គការសម្ព័ន្ធភាពពិភពលោកសម្រាប់ការចូលរួមរបស់ប្រជាពលរដ្ឋ (CIVICUS) ទាមទារឱ្យរដ្ឋាភិបាលកម្ពុជាបញ្ឈប់ការធ្វើទុក្ខបុកម្នេញលើសកម្មជនបក្សប្រឆាំង សហជីព និងប្រព័ន្ធផ្សព្វផ្សាយ ព្រមទាំងសកម្មជនផ្សេងទៀត ក្នុងពេលស្ថានភាពសិទ្ធិមនុស្ស និងលទ្ធិប្រជាធិបតេយ្យនៅកម្ពុជាបន្តធ្លាក់ចុះ។
មេធាវីការពារក្ដីរបស់លោក សុន ឆ័យ អះអាងថា នៅពេលនេះ ខ្លួនកំពុងរង់ចាំការកំណត់ពីនីតិវិធីដោយចៅក្រមជំនុំជម្រះ អំពីពេលវេលាសម្រាប់សវនាការ ខណៈព្រះរាជអាជ្ញារងដែលទទួលបន្ទុកនៅក្នុងសំណុំរឿងនេះ បានសម្រេចចោទប្រកាន់ជាផ្លូវការហើយ អំពីបទ «បរិហារកេរ្តិ៍ជាសាធារណៈ» ប្រឆាំងមន្រ្តីជាន់ខ្ពស់គណបក្សក្រៅរដ្ឋាភិបាលរូបនេះ តាមបណ្តឹងគណបក្សប្រជាជនកម្ពុជា និងគណៈកម្មាធិការជាតិរៀបចំការបោះឆ្នោត។
អនុប្រធានគណបក្សភ្លើងទៀន លោក សុន ឆ័យ ថ្លែងថា សកម្មជនជាង២០នាក់ដែលគាំទ្រគណបក្សសង្គ្រោះជាតិដែលតុលាការរំលាយ (CNRP) បានស្នើទៅរដ្ឋាភិបាលជួយអន្តរាគមន៍ឱ្យមានការដោះលែងពួកគេបាននៅក្រៅឃុំបណ្ដោះអាសន្ន ដោយអះអាងថា ពួកគេជាប់ពន្ធនាគារដោយសាររឿងនយោបាយ។
មន្ត្រីជាន់ខ្ពស់គណបក្សភ្លើងទៀន ស្នើឱ្យទម្លាក់បទចោទប្រកាន់លើលោក សុន ឆ័យ ដោយថា ការប្រើប្រាស់ប្រព័ន្ធតុលាការ ដើម្បីធ្វើទុក្ខបុកម្នេញលើគូប្រកួតនយោបាយបែបនេះ វាជាការគំរាមហែងផ្នែកនយោបាយ ដែលប៉ះពាល់ដំណើរកាបោះឆ្នោតនៅពេលខាងមុខនេះ។
តំណាងអយ្យការអមសាលាដំបូងរាជធានីភ្នំពេញ បានចោទប្រកាន់អនុប្រធានគណបក្សភ្លើងទៀន លោក សុន ឆ័យ ពីបទ«បរិហារកេរ្តិ៍ជាសាធារណៈ»តាមបណ្ដឹងគណបក្សប្រជាជនកម្ពុជា និងតាមបណ្តឹងគណៈកម្មាធិការជាតិរៀបចំការបោះឆ្នោត (គ.ជ.ប)។
អនុប្រធានគណបក្សភ្លើងទៀន បញ្ជាក់ពីភាពរឹងមាំផ្នែកផ្លូវច្បាប់នៅចំពោះមុខព្រះរាជអាជ្ញារង ក្នុងពេលដែលខ្លួនបានចូលបំភ្លឺពាក់ព័ន្ធនឹងបណ្ដឹងរបស់គណបក្សប្រជាជនកម្ពុជា ដែលប្ដឹងរូបលោកពីបទ «បរិហារកេរ្តិ៍ជាសាធារណៈ» បន្ទាប់ពីអ្នកនយោបាយចាស់វស្សារូបនេះរិះគន់រឿងភាពមិនប្រក្រតីនៃការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ ថាមានបញ្ហាមិនអាចជឿទុកចិត្តបាន។
អនុប្រធានគណបក្សភ្លើងទៀន លោក សុន ឆ័យ នៅព្រឹកថ្ងៃសុក្រនេះ បានចូលទៅបំភ្លឺនៅសាលាដំបូងរាជធានីភ្នំពេញ ពាក់ព័ន្ធនឹងបណ្ដឹងរបស់គណបក្សប្រជាជនកម្ពុជា ដែលប្ដឹងរូបលោកពីបទ «បរិហារកេរ្តិ៍ជាសាធារណៈ» ក្រោយពីលោក សុន ឆ័យ រិះគន់រឿងភាពមិនប្រក្រតីនៃការបោះឆ្នោត។
អនុប្រធានគណបក្សភ្លើងទៀន នៅតែប្រកាន់ជំហរថា អ្វីដែលលោករិះគន់អំពីដំណើរការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥កន្លងទៅនេះ ដូចមិនខុសទាស់អ្វីទេ ដោយការមើលឃើញរបស់លោកអំពីភាពមិនប្រក្រតីនេះ ដូចគ្នាទៅនឹងរបាយការណ៍ផ្សេងៗរបស់អង្គការមិនមែនរដ្ឋាភិបាល និងគណបក្សក្រៅរដ្ឋាភិបាលដទៃទៀតដែរ។
អនុប្រធានគណបក្សភ្លើងទៀន លោក សុន ឆ័យ នៅព្រឹកថ្ងៃអង្គារនេះ បានចូលទៅបំភ្លឺនៅសាលាដំបូងរាជធានីភ្នំពេញ ពាក់ព័ន្ធនឹងបណ្ដឹងរបស់គណៈកម្មាធិការជាតិរៀបចំការបោះឆ្នោត (គ.ជ.ប) ដែលបានប្ដឹងរូបលោកពីបទ «បរិហារកេរ្តិ៍ជាសាធារណៈ» ក្រោយពីលោក សុន ឆ័យ រិះគន់រឿងភាពមិនប្រក្រតីនៃការបោះឆ្នោត។
មន្រ្តីជាន់ខ្ពស់នៃគណបក្សភ្លើងទៀន អះអាងថា ខ្លួននឹងមិនតក់ស្លុតឬត្រូវរាថយចំពោះដីកាកោះហៅឱ្យចូលខ្លួនទៅបំភ្លឺជាលើកទី២ ជុំវិញបទចោទប្រឆាំងនឹងរូបលោក នៅពាក់កណ្ដាលខែកក្កដានេះ ពីសំណាក់តុលាការក្រុងភ្នំពេញនោះទេ បើទោះជាដើមបណ្ដឹងក្នុងសំណុំរឿងប្រហាក់ប្រហែលគ្នានេះមកពីខាងគណៈកម្មាធិការជាតិរៀបចំការបោះឆ្នោតផង និងគណបក្សគ្រប់គ្រងអំណាចផង។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
