គិតត្រឹមសប្ដាហ៍ទី១ ខែមករានេះ បុគ្គលិកណាហ្គាវើលដ៍ចំនួន២៦នាក់ដែលភាគច្រើនជាស្ត្រីនិងជាមេដឹកនាំសហជីព ក្នុងនោះមានទាំងកញ្ញា ឈឹម ស៊ីថរ ផងនោះ ត្រូវបានអាជ្ញាធរឃាត់ខ្លួនជាបន្តបន្ទាប់ ដោយចោទថា ពួកគេធ្វើបាតុកម្មខុសច្បាប់។
សង្គមស៊ីវិលដែលធ្វើការពាក់ព័ន្ធនឹងសិទ្ធិមនុស្ស និងការងារ ទទូចឱ្យតំណាងរាស្ត្រគ្រប់និន្នាការរួមចំណែកស្តាប់កង្វល់ និងពាំនាំបញ្ហារបស់កូដករក្រុមហ៊ុនល្បែងណាហ្គាវើលដ៍ យកទៅពិភាក្សា និងដោះស្រាយ។
សហជីពមួយចំនួនលើកឡើងថា ការធ្វើកូដកម្មដោយសន្តិវិធីរបស់បុគ្គលិកក្រុមហ៊ុនកាស៊ីណូណាហ្គាវើលដ៍ (Naga World)ជាង១ពាន់នាក់ បានប្រព្រឹត្តទៅជិត១០ថ្ងៃមកហើយ ខណៈពួកគេថាប្រសិនបើអាជ្ញាធរនៅតែមិនព្រមដោះស្រាយវិវាទការងារមួយនេះទៀត បង្ហាញពីភាពលម្អៀងទៅភាគីក្រុមហ៊ុន និងអាចធ្វើឱ្យប៉ះពាល់ដល់មុខមាត់រដ្ឋាភិបាល។
ក្រសួងការងារ និងបណ្ដុះបណ្ដាលវិជ្ជាជីវៈ បានសម្រេចឱ្យគ្រឹះស្ថានអប់រំបណ្ដុះបណ្ដាលបច្ចេកទេសនិងវិជ្ជាជីវៈដែលស្ថិតនៅក្រោមឱវាទក្រសួងទាំងអស់ អាចបើកដំណើរការឡើងវិញបាន បន្ទាប់ពីស្ថានភាពនៃការរីករាលដាលជំងឺកូវីដ-១៩ មានការថមថយមួយកម្រិតនាពេលបច្ចុប្បន្ន។
ក្រសួងការងារ និងបណ្ដុះបណ្ដាលវិជ្ជាជីវៈ ណែនាំបន្ថែមដល់ម្ចាស់ឬនាយករោងចក្រសហគ្រាសទាំងអស់ ត្រៀមឧបករណ៍ធ្វើតេស្តរហ័សរកមេរោគកូវីដ-១៩ សម្រាប់ធ្វើតេស្តកម្មករនិយោជិតរបស់ខ្លួន ក្រោយពេលឈប់សម្រាកបុណ្យភ្ជុំបិណ្ឌ ប៉ុន្តែថា ការធ្វើតេស្តនេះផ្អែកតាមការស្ម័គ្រចិត្តនិងមិនមានការផាកពិន័យលើអ្នកមិនអនុវត្តតាមការណែនាំនេះឡើយ។
សហជីពនិងកម្មករមួយចំនួនខកចិត្តចំពោះការសម្រេចដំឡើងប្រាក់ខែគោលកម្មករសម្រាប់ឆ្នាំ២០២២ ត្រឹមតែ២ដុល្លារ ខណៈភាគីថៅកែរោងចក្របានចាត់ទុកថា ការសម្រេចដំឡើង២ដុល្លារនេះ គឺពិសេសសម្រាប់កម្ពុជាទៅហើយ។
លោកនាយករដ្ឋមន្ត្រី ហ៊ុន សែន ថ្លែងថា ទេសចរអន្តរជាតិនៅកម្ពុជា បានថយចុះរហូតដល់ជាង ៨០ភាគរយ(៨០,២%) នៅក្នុងឆ្នាំ២០២០ បណ្តាលឱ្យប៉ះពាល់ការងារផ្ទាល់ដល់អ្នកធ្វើការក្នុងវិស័យនេះជាង ១១ម៉ឺននាក់ និងការងារមិនផ្ទាល់រាប់ម៉ឺននាក់ទៀត ហើយនិន្នាការនេះនឹងបន្តធ្លាក់ចុះតទៅទៀតក្នុងឆ្នាំ២០២១។
សហភាពការងារកម្ពុជា ស្នើសុំកិច្ចអន្តរាគមន៍ពីរដ្ឋមន្ត្រីក្រសួងការងារ និងបណ្តុះបណ្ដាលវិជ្ជាជីវៈ ជួយដោះស្រាយបញ្ចប់វិវាទការងារនៅក្រុមហ៊ុនអាកាសចរណ៍ស៊ីវិល (VINCI) នៅខេត្តសៀមរាប ក្រោយមន្ត្រីចុះផ្សះផ្សាមិនសះជាគ្នា។
ក្រសួងការងារ និងបណ្តុះបណ្តាលវិជ្ជាជីវៈ គ្រោងបោះឆ្នោតជ្រើសរើសយកតួលេខចុងក្រោយសម្រាប់ការដំឡើងប្រាក់ឈ្នួលគោលកម្មករឆ្នាំ២០២២ នៅសប្តាហ៍ក្រោយ បន្ទាប់ពីភាគីពាក់ព័ន្ធចរចាមិនត្រូវគ្នា។
រដ្ឋាភិបាលនឹងបន្តអនុវត្តគោលនយោបាយគាំពារសង្គម ដើម្បីជួយអ្នកងាយរងគ្រោះដោយសារជំងឺកូវីដ-១៩ ក្រោយពីរកឃើញថា ពលរដ្ឋជិត៨លាននាក់កំពុងប្រឈមនឹងហានិភ័យការងារ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
