សមត្ថកិច្ចបានជួយសង្គ្រោះមនុស្ស២នាក់ទៀតពីទីតាំងមួយនៅខេត្តព្រះសីហនុ ដោយមិនបានបញ្ជាក់ពីទីតាំងច្បាស់លាស់ឡើយ និងបដិសេធថាករណីនេះមិនមែនជាការបង្ខាំងមនុស្សទុកឡើយ។
ក្រុមអ្នកឃ្លាំមើលសង្គម ព្រួយបារម្ភថា ក្រុមឧក្រិដ្ឋជនបរទេសនឹងបន្តប្រើប្រាស់ទឹកដីកម្ពុជាធ្វើជាគោលដៅ ដើម្បីប្រព្រឹត្តបទឧក្រិដ្ឋផ្សេងៗ និងបង្កអសន្តិសុខសង្គម បើវិធានការទប់ស្កាត់របស់រដ្ឋាភិបាលខ្វះសុចរិតភាព ហើយមន្ត្រីខិលខូចនៅតែរួចពីចំណាត់ការច្បាប់នោះ។
មន្ត្រីជាន់ខ្ពស់រាជរដ្ឋាភិបាលបានឱ្យដឹងថា រយៈពេល ៨ខែ ឆ្នាំ២០២២នេះ សមត្ថកិច្ចបានសង្គ្រោះជនបរទេសដែលរងគ្រោះដោយអំពើជួញដូរ និងរត់ពន្ធមនុស្សជិត ១ ០០០នាក់ ខណៈរដ្ឋមន្រ្តីក្រសួងមហាផ្ទៃ អំពាវនាវឱ្យសាធារណជន និងភាគីពាក់ព័ន្ធបន្តសហការផ្តល់ព័ត៌មានទាក់ទងនឹងអំពើជួញដូរមនុស្សបន្ថែមទៀត។
អាជ្ញាធរតៃវ៉ាន់ថា ខ្លួនមានការលំបាកក្នុងការជួយសង្គ្រោះពលរដ្ឋតៃវ៉ាន់ដែលត្រូវគេឆបោកតាមអ៊ឺនធឺណិតឱ្យមកធ្វើការនៅកម្ពុជា ដោយសារប្រតិបត្តិការជួយសង្គ្រោះត្រូវគេរារាំង មានភាពស្មុគស្មាញ ហើយអាជ្ញាធរកម្ពុជាអនុវត្តមិនបានពេញលេញ និងមានអំពើពុករលួយ ខណៈកម្ពុជា-តៃវ៉ាន់ខ្វះទំនាក់ទំនងការទូតជាមួយគ្នា។
កម្មកររាប់សិបនាក់ កាលពីព្រឹកថ្ងៃព្រហស្បតិ៍សប្ដាហ៍មុន បាននាំគ្នាសម្រុករត់គេចចេញពីកាស៊ីណូមួយកន្លែងក្នុងស្រុកកោះធំ ខេត្តកណ្ដាល និងលោតចូលក្នុងព្រែកបិនយី (Binh Di) ដើម្បីហែលឆ្លងទៅត្រើយម្ខាងទៀតនៃប្រទេសវៀតណាម។
មន្ត្រីជាន់ខ្ពស់ក្រសួងមហាផ្ទៃ បានអះអាងថា ក្នុងរយៈពេល៦ខែ ដើមឆ្នាំ២០២២នេះ សមត្ថកិច្ចជំនាញបង្ក្រាបបទល្មើសជួញដូរមនុស្ស និងអំពើធ្វើអាជីវកម្មផ្លូវភេទ មានការថយចុះជាង១០០ករណី បើធៀបទៅនឹងរយៈពេលដូចគ្នាកាលពីឆ្នាំមុន ប៉ុន្តែសហរដ្ឋអាមេរិក កាលពីថ្ងៃទី២០ ខែកក្កដា បានដាក់កម្ពុជាក្នុងបញ្ជីខ្មៅរបស់ខ្លួនជុំវិញប្រតិបត្តិការឆបោក និងជួញដូរមនុស្សក្នុងប្រទេសកំពុងអភិវឌ្ឍន៍មួយនេះ។
គ្រូបង្វឹកគុនខ្មែរម្នាក់ស្ថិតក្នុងចំណោមជនជាតិខ្មែរ និងជនជាតិចិនមួយក្រុម បានប្រឈមមុខនឹងការចោទប្រកាន់តាមផ្លូវច្បាប់ពាក់ព័ន្ធនឹងករណីឃុំឃាំងនិងបង្ខាំងមនុស្សខុសច្បាប់ បន្ទាប់ពីមានការឆ្មក់ចូលឆែកឆេរកាស៊ីណូ Jin Gang នៅខេត្តព្រះសីហនុ កាលពីខែមេសា ដែលក្នុងប្រតិបត្តិការនោះមានជនជាតិវៀតណាមជាង២០០នាក់ត្រូវបានរំដោះ។
ក្រុមមន្ត្រីរបស់រដ្ឋាភិបាល បានបង្ហាញការខកចិត្តលាយឡំនិងការប្តេជ្ញារួមគ្នាដើម្បីបង្កើនវិធានការ កាត់បន្ថយប្រសិទ្ធភាពបទឧក្រិដ្ឋជួញដូរមនុស្សលើទឹកដីកម្ពុជា ខណៈសហរដ្ឋអាមេរិកដាក់កម្ពុជាចូលទៅក្នុងបញ្ជីខ្មៅនៃការជួញដូរមនុស្សរបស់ខ្លួន ។
រដ្ឋមន្ត្រីការបរទេសឥណ្ឌូនេស៊ី បានពិភាក្សាអំពីករណីប្រតិបត្តិការឆបោកដែលពលរដ្ឋឥណ្ឌូនេស៊ីបានចាញ់បោក នៅក្នុងជំនួបជាមួយអគ្គស្នងការនគរបាលជាតិកម្ពុជា ហើយក៏បានជួបជាមួយពលរដ្ឋឥណ្ឌូនេស៊ីរាប់សិបនាក់ដែលត្រូវបានជួយសង្គ្រោះពីទីតាំងឆបោកក្នុងខេត្តព្រះសីហនុផងដែរ។
ក្រសួងមហាផ្ទៃ នឹងបើកប្រតិបត្តិការទ្រង់ទ្រាយធំត្រួតពិនិត្យកន្លែងរស់នៅរបស់ជនបរទេសទាំងអស់នៅក្នុងប្រទេសកម្ពុជា លើកលែងតែមន្ត្រីការទូត ដើម្បីពិនិត្យភាពស្របច្បាប់ និងទប់ស្កាត់មុខសញ្ញាពាក់ព័ន្ធនឹងការជួញដូរមនុស្ស។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
