សកម្មជនការពារបរិស្ថានបានលើកឡើងថា ការរកចំណូលបានជិត១០ពាន់លានដុល្លាររបស់វៀតណាមក្នុងការនាំឈើនិងគ្រឿងសង្ហារិមទៅក្រៅប្រទសកាលពីឆ្នាំ២០២១​ វាឆ្លុះបញ្ចាំងឱ្យឃើញពីភាពបរាជ័យរបស់អាជ្ញាធរកម្ពុជាក្នុងការទប់ស្កាត់បទល្មើសព្រៃឈើ ត្បិតបទល្មើសនៅតែកើតមានឡើងឥតឈប់ឈរ ពិសេសបទល្មើសនាំឈើចេញទៅវៀតណាម​ ខណៈចំណូលកម្ពុជាទទួលបានតិច​តួច​។

ព្រះសង្ឃសហគមន៍រុក្ខាវ័ន នៅខេត្តឧត្ដរមានជ័យ កំពុងធ្វើយុទ្ធនាការ «បរិច្ចាគប្រាក់១ដុល្លារ» ដើម្បីចូលរួមជួយការពារនិងអភិរក្សធនធានធម្មជាតិនៅក្នុងព្រៃសហគមន៍សង្ឃរុក្ខាវ័ន ខណៈបទល្មើសព្រៃឈើនិងការដាក់អន្ទាក់យកសត្វព្រៃនៅតែបន្តកើតមាន។

តំណាងសហគមន៍ជនជាតិដើមភាគតិច និងមន្ត្រីសង្គមស៊ីវិលមួយចំនួននៅតែមិន​មានជំនឿថា ក្រុមការងារស្រាវជ្រាវ ទប់ស្កាត់ និងបង្ក្រាបបទល្មើសព្រៃឈើនៅក្នុងខេត្តមណ្ឌលគិរីដែលបង្កើតឡើងដោយក្រសួងកសិកម្ម អាចទប់ស្កាត់បទល្មើសធនធានធម្មជាតិបាននោះទេ ដោយសារជនល្មើសភាគច្រើនជាអ្នកមានលុយនិងមានអំណាច។

ក្រសួងកសិកម្ម រុក្ខាប្រមាញ់ និងនេសាទ បានបង្កើតក្រុមការងារ ស្រាវជ្រាវ ទប់ស្កាត់ និងបង្ក្រាបបទល្មើសព្រៃឈើគ្រប់ប្រភេទក្នុងដែនសមត្ថកិច្ចគ្រប់គ្រងរបស់ខ្លួននៅក្នុងខេត្តមណ្ឌលគិរី ក្រោយពី​មាន​សេចក្ដីរាយការណ៍បង្ហាញថា ករណីបទល្មើសធនធានធម្មជាតិនៅខេត្តភាគឦសាន​មួយ​នេះនៅតែបន្តកើតមានឡើង។

ប្រជាសហគមន៍ការពារព្រៃឈើនៅតំបន់ព្រៃឡង់ ស្នើរដ្ឋាភិបាល​ឱ្យចាត់មន្ត្រីជំនាញចុះទៅសិក្សាពី​មហន្តរាយ​នៃកា​រកាប់​បំផ្លាញ​ព្រៃ​ឈើនៅក្នុងតំបន់នោះ ដោយ​កុំទុក​ឱ្យ​ហួស​ពេលហើយ​ទើប​មាន​វិធានការ​ទប់​ស្កាត់​ ដូចករណីទន្ទ្រានព្រៃលិចទឹកនៅ​បឹងទន្លេសាប។​

ប្រជាសហគមន៍រកឃើញថា មានសកម្មភាពកាប់និងដឹកជញ្ជូនឈើនៅក្នុងតំបន់​​ព្រៃឡង់ ក្នុង​ស្រុករវៀង ខេត្តព្រះវិហារ កើត​ឡើង​ថ្មីៗ​ទៀត​​ច្រើន ហាក់​​ដូច​មិន​មាន​ការទប់ស្កាត់​ពីមន្ត្រីមានសមត្ថកិច្ចនោះទេ។​

ជនជាតិដើមភាគតិច​នៅក្នុងខេត្តព្រះវិហារ បង្ហាញក្ដីបារម្ភ​ថា ព្រៃព្រះរការ​អាចនឹង​បាត់​បង់​នៅក្នុង​រយៈ​ពេលប្រមាណ​៣ឆ្នាំ​ខាង​មុខ​ទៀត បើសិ​នជា​សកម្មភាព​កាប់បំផ្លាញនៅតែបន្តកើនឡើងខ្លាំងដូចអំឡុងពេលកូវីដ-១៩ នា​២ឆ្នាំចុងក្រោយនេះ។​

ប្រជាសហគមន៍ និងសមកម្មជនបរិស្ថាន រកឃើញបទល្មើសព្រៃឈើបន្តកើតឡើង​ឥតថមថយឡើយក្នុងព្រៃសហគមន៍មួយចំនួននៅខេត្តក្រចេះ ដែលកំពុងរងការបាត់បង់គម្របព្រៃឈើគួរឱ្យបារម្ភ។