គណបក្សប្រជាជនកម្ពុជា បង្ហាញការតាំងចិត្តពង្រីកលទ្ធិប្រជាធិបតេយ្យ ដោយធ្វើឱ្យបរិយាកាសបោះឆ្នោតខាងមុខ គ្មានការគំរាមកំហែង ដើម្បីធានាឱ្យដំណើរការបោះឆ្នោតប្រព្រឹត្តទៅដោយសេរី ត្រឹមត្រូវ និងយុត្តិធម៌ លាយឡំនឹងសារគំរាមដៃគូប្រកួត ដែលការណ៍នេះជំរុញឱ្យមានការព្រួយបារម្ភថាការលើកឡើងនេះមិនមានអ្វីផ្លាស់ប្តូរ។
ប្រធានប្រតិបត្តិគណបក្សជំទាស់ ប្រចាំខេត្តប៉ៃលិន ចាត់ទុកការរារាំងមិនឱ្យគណបក្សក្រៅរដ្ឋាភិបាលមួយនេះបានលើកស្លាកទៅតាមការស្នើសុំនេះថា គឺជាផ្នែកមួយនៃការរើសអើងខាងនយោបាយ ហើយគណបក្សនេះក៏បន្តស្វែងរកកិច្ចអន្តរាគមន៍ជាថ្មីទៀតទៅសាលាស្រុក ក្នុងន័យដើម្បីជំរុញឱ្យមានគណនេយ្យភាពសង្គមនៅថ្នាក់ក្រោមជាតិ ឱ្យស្របតាមច្បាប់ស្តីពីគណបក្សនយោបាយ។
នៅពេលនេះ តំណាងរដ្ឋសភាបញ្ជាក់ថា ខ្លួនកំពុងតែពិគ្រោះយោបល់គ្នានៅឡើយ អំពីសំណើសុំជួបពីតំណាងគណបក្សប្រជាធិបតេយ្យមូលដ្ឋាន ដែលស្នើសុំជួបតំណាងស្ថាប័នរដ្ឋសភា ពិនិត្យទៅលើច្បាប់បោះឆ្នោត បទបញ្ជា និងនីតិវិធីបម្រើឱ្យការបោះឆ្នោតជ្រើសតាំងតំណាងរាស្រ្ត សម្រាប់នីតិកាលទី៧ ខាងមុខនេះ។
ដោយមានភាពចាំបាច់ រដ្ឋាភិបាលបានកាត់តំបន់មួយចំនួនពីខេត្តចំនួន៣ ដើម្បីពង្រីករដ្ឋបាលថ្នាក់ក្រោមជាតិបន្ថែមទៀត ក្នុងន័យដើម្បីជួយសម្រាលបន្ទុករបស់អាជ្ញាធរមូលដ្ឋាន ក្នុងពេលដែលគណបក្សភ្លើងទៀន បានប្រើប្រាស់សិទ្ធិតាមយន្តការតាមបែបប្រជាធិបតេយ្យ នៅថ្នាក់ក្រោមជាតិ ដោយបើកផ្លូវឱ្យមន្ត្រីនៅថ្នាក់មូលដ្ឋានរបស់ខ្លួនសម្រេចចិត្តជំនួសទីស្នាក់ការធំ ក្នុងពេលបោះឆ្នោតជ្រើសរើសសមាជិកក្រុមប្រឹក្សាស្រុក និងក្រុមប្រឹក្សាខណ្ឌ កាលពីពេលថ្មីៗនេះ។
ស្របពេលមានភាពស្រពេចស្រពិលថា គណបក្សភ្លើងទៀនមិនដឹងត្រូវដើរតាមផ្លូវណា ពីពេលនេះទៅមុខទៀត មន្រ្តីជាន់ខ្ពស់គណបក្សនេះ បានកែប្រែគោលជំហរជាថ្មីវិញ នៅបន្ទាប់ពីសប្តាហ៍មុននេះ ហាក់បង្ហាញជំហរ ក្នុងការបោះបង់សិទ្ធិចូលរួមបោះឆ្នោតថ្នាក់ជាតិខាងមុខ ប៉ុន្តែលើកនេះ មន្រ្តីជាន់ខ្ពស់របស់បក្សក្រៅរដ្ឋាភិបាលមួយនេះ បានប្តេជ្ញាថាខ្លួនបានរក្សាជំហរទាំងកម្មវិធីនយោបាយ និងយុទ្ធសាស្រ្តឡើងវិញហើយ ក្នុងការចូលរួមការបោះឆ្នោតជ្រើសតាំងតំណាងរាស្រ្តឆ្នាំ២០២៣ បើទោះជាកំពុងជួបព្យុះភ្លៀងក្តី។
អ្នកឃ្លាំមើលមួយចំនួនយល់ឃើញថា ទីលានប្រកួតការបោះឆ្នោតអាណត្តិថ្មីនេះ អ្នកនយោបាយគួរប្រកួតគ្នាដោយផ្តោតលើការធ្វើកំណែទម្រង់ស្ថាប័នរដ្ឋ ដើម្បីការពារផលប្រយោជន៍ជាតិ ជាជាងប្រើប្រាស់ធនធានជាតិ និងប្រព័ន្ធច្បាប់យកប្រៀបលើដៃគូប្រកួត ផ្ទុយពីគោលការណ៍សិទ្ធិមនុស្សអន្តរជាតិ ដែលជាដើមចមជំរុញឱ្យកម្ពុជាបន្តជាប់ផុងក្នុងវិបត្តិជាតិ។
សកម្មជនបក្សភ្លើងទៀនមួយចំនួនអះអាងថា ពួកគេនៅតែបន្តដំណើរនយោបាយទៅមុខដដែល បើទោះក្បាលម៉ាស៊ីនបក្សខ្លួនកំពុងមានបញ្ហាប្រឈម និងរងការព្រមានធ្ងន់ៗពីគណបក្សកាន់អំណាចក៏ដោយ។
វិធានការចាប់ឃុំខ្លួន និងចោទប្រកាន់ក្បាលម៉ាស៊ីនដឹកនាំគណបក្សជំទាស់ជាបន្តបន្ទាប់តាមផ្លូវតុលាការ លើសង្វៀនប្រកួតនយោបាយ បានកក្រើកឡើងវិញនៅប៉ុន្មានសប្តាហ៍នេះ ស្របពេលរដូវបោះឆ្នោតដើម្បីដណ្ដើមតំណែងនាយករដ្ឋមន្ត្រីសម្រាប់ដឹកនាំប្រទេសអាណត្តិថ្មី កាន់តែខិតជិតមកដល់។
ការចាប់ខ្លួនលោក ថាច់ សេដ្ឋា នៅពេលនេះ ដែលតុលាការសំអាងហេតុថាធ្វើឡើងដោយផ្អែកលើភស្តុតាងដាក់បន្ទុកត្រឹមត្រូវតាមនីតិវិធីច្បាប់ ក្នុងពេលអ្នកនយោបាយនៅក្រៅរដ្ឋាភិបាលដាក់មន្ទិលសង្ស័យទៅលើការអនុវត្តនីតិវិធីនេះ ដែលចាត់ទុកទំនងអាចជាការចាប់ខ្លួនក្រោមហេតុផលនយោបាយច្រើនជាង ព្រោះបើគេពិនិត្យអំពីពេលវេលានៃបទល្មើស លោក ថាច់ សេដ្ឋា គួរណាស់ត្រូវបានចាប់ខ្លួនភ្លាមៗតាំងពីមានបណ្ដឹងប្រឆាំងការចេញសែកស្អុយមកម៉្លេះ។
អ្នកឃ្លាំមើលសង្គមលើកឡើងថា វិធានការលើក្រុមអង្គការសង្គមស៊ីវិល និងអ្នកនយោបាយជំទាស់ថ្មីៗនេះ ជាការវិវត្តនយោបាយគួរឱ្យព្រួយបារម្ភបន្ថែមទៀតដល់ទំនុកចិត្តនៃការបោះឆ្នោត ដែលនឹងជំរុញឱ្យជាតិខាតបង់ បើអាជ្ញាធររដ្ឋមិនប្តូរជម្រើស។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
