កិច្ចសម្ភាសជាមួយប្រជាពលរដ្ឋក្នុងឧទ្យានបុរាណវិទ្យាអង្គរ និងទីតាំងថ្មីនៅរុនតាឯក បង្ហាញថា គ្រឹះស្ថានមីក្រូហិរញ្ញវត្ថុបានផ្តល់ប្រាក់កម្ចីដល់ប្រជាពលរដ្ឋ ដោយដាក់ដីរបស់ពួកគាត់នៅតំបន់អង្គរជាទ្រព្យធានាអស់រយៈពេលជាច្រើនឆ្នាំមកហើយ។ អ្នកខ្លះបានប្រើប្រាស់ប្រាក់កម្ចី ដើម្បីសាងសង់ផ្ទះថ្មី ឬសង់ផ្ទះបន្ថែម។
លោកនាយករដ្ឋមន្ត្រី ហ៊ុន សែន បានអំពាវនាវដល់គ្រឹះស្ថានមីក្រូហិរញ្ញវត្ថុផ្ដល់ប្រាក់កម្ចីក្នុងអត្រាការប្រាក់ទាបទៅដល់ប្រជាពលរដ្ឋដែលស្ម័គ្រចិត្តរុះរើលំនៅឋានពីតំបន់រមណីយដ្ឋានអង្គរ ទៅរស់នៅតំបន់រុនតាឯក ស្រុកបន្ទាយស្រី ខេត្តសៀមរាប ដើម្បីជួយសម្រួលឱ្យពួកគាត់។
វិស័យមីក្រូហិរញ្ញវត្ថុនៅក្នុងប្រទេសកម្ពុជាមានការរីកចម្រើនគួរឱ្យកត់សម្គាល់ក្នុងរយៈពេលប្រាំឆ្នាំចុងក្រោយនេះ។ វិស័យនេះត្រូវបានបង្កើតឡើងដើម្បីផ្ដល់ឱកាសដល់ប្រជាជនដែលមានជីវភាពក្រីក្របានទទួលកម្ចីហិរញ្ញវត្ថុ ដើម្បីយកទៅអភិវឌ្ឍជីវភាពរបស់ពួកគេ។ ប៉ុន្តែជាអកុសល មានប្រជាពលរដ្ឋជាប់បំណុលគ្រឹះស្ថានហិរញ្ញវត្ថុនេះកើនឡើងយ៉ាងធ្ងន់ធ្ងរ ជាពិសេសប្រជាពលរដ្ឋនៅតាមទីជនបទ។
សមាគមមីក្រូហិរញ្ញវត្ថុកម្ពុជា បានរៀបចំសិក្ខាសាលាបណ្តុះបណ្តាលប្រធានសាខាថ្នាក់ស្រុក និងខេត្តរបស់គ្រឹះស្ថានមីក្រូហិរញ្ញវត្ថុ និងធនាគារជាសមាជិកទូទាំងប្រទេស ដើម្បីជំរុញពង្រឹងសមត្ថភាពគ្រប់គ្រងសាខាប្រកបដោយប្រសិទ្ធភាព ក្រមសីលធម៌ និងវិជ្ជាជីវៈ។
ពលរដ្ឋមួយចំនួនអះអាងថា កម្ចីពីធនាគារ និងមីក្រូហិរញ្ញវត្ថុ បានជួយសម្រួលដល់ការរស់នៅរបស់ពួកគាត់ច្រើន ជាពិសេសតម្រូវការជីវភាពទៅលើគោលដៅសំខាន់ៗ ខណៈអ្នកជំនាញថាការប្រើប្រាស់កម្ចីបែបនេះទាមទារឱ្យមានផែនការប្រើប្រាស់ច្បាស់លាស់និងចំគោលដៅ ដើម្បីចៀសវាងការធ្លាក់ក្នុងអន្ទាក់បំណុល។
ធនាគារជាតិនៃកម្ពុជា សម្រេចឈប់ផ្ដល់អាជ្ញាបណ្ណថ្មីសម្រាប់ប្រកបអាជីវកម្មគ្រឹះស្ថានមីក្រូហិរញ្ញវត្ថុទទួលប្រាក់បញ្ញើបន្តទៀត ដើម្បីពង្រឹងនូវសមត្ថភាពរបស់គ្រឹះស្ថានធនាគារនិងហិរញ្ញវត្ថុក្នុងការរួមចំណែកដល់ការអភិវឌ្ឍសេដ្ឋកិច្ចជាតិ។
អង្គការការពារសិទ្ធិមនុស្សលីកាដូ បានអះអាងថា ព្រះសង្ឃ និងក្រុមយុវជនជាង ១០អង្គ/នាក់ ត្រូវបានឃាត់ខ្លួន និងរងការគំរាមកំហែងពីសមត្ថកិច្ចខេត្តបាត់ដំបងកាលពីយប់ថ្ងៃម្សិលមិញនេះ បន្ទាប់ពីពួកគេវិលត្រឡប់ពីតវ៉ាទាមទារឱ្យវិស័យផ្ដល់កម្ចី ពន្យាពេលសងប្រាក់កម្ចីអំឡុងពេលវិបត្តិសុខភាពសកលនេះ។
ប៉ុន្មានសប្តាហ៍បន្ទាប់ពីធនាគារជាតិចេញសេចក្តីណែនាំស្នើឱ្យស្ថាប័នហិរញ្ញវត្ថុពន្យារពេលដល់អ្នកខ្ចីដែលកំពុងជួបការលំបាក គ្រឹះស្ថានផ្ដល់កម្ចីខ្នាតតូចបាននិយាយថា ពួកគេកំពុងបន្ធូរបន្ថយសម្រាប់អតិថិជន ដែលរងផលប៉ះពាល់ពីការធ្លាក់ចុះនៃសេដ្ឋកិច្ចដោយសារជំងឺកូវីដ១៩ នៅលើផ្អែកតាមករណីនីមួយៗ។
អ្នកជំនាញផ្នែកមីក្រូហិរញ្ញវត្ថុ និងអ្នកស្រាវជ្រាវក្នុងវិស័យនេះ បានទទូចទៅរដ្ឋាភិបាលកម្ពុជាឲ្យពិចារណា និងឆ្លើយតបជាវិជ្ជមានចំពោះសំណើររបស់សមាគមមីក្រូហិរញ្ញវត្ថុកម្ពុជា មុននឹងអនុវត្តពិដានការប្រាក់ ១៨ភាគរយ។ ក្នុងសេចក្តីប្រកាសព័ត៌មានកាលពីថ្ងៃទី១៣ មីនា ឆ្នាំ២០១៧ ធនាគារជាតិនៃកម្ពុជាបានកំណត់អត្រាការប្រាក់ខ្ពស់បំផុតថ្មី១៨ភាគរយក្នុងមួយឆ្នាំសម្រាប់ស្ថាប័នផ្ដល់កម្ចីទាំងអស់អនុវត្តន៍
លោកនាយករដ្ឋមន្រ្តី ហ៊ុន សែន នៅថ្ងៃចន្ទនេះ បានបញ្ជាឲ្យចាប់ខ្លួនអ្នកនយោបាយឬតំណាងរាស្រ្តណាមួយ ដែលលោកថាបានឃោសនា”នយោបាយបែបប្រជាភិថុតិនិងបោកប្រាស់” ដោយថាខ្លួននឹងសងបំណុល ឬលុបចោលបំណុលទាំងអស់ នៅពេលឈ្នះឆ្នោត។ក្នុងសន្និសីទជាតិស្តីពីការអភិវឌ្ឍវិស័យមីក្រូហិរញ្ញវត្ថុនៅកម្ពុជា លោក ហ៊ុន សែន មានប្រសាសន៍ថាការឃោសនាបែបនេះនឹងធ្វើឲ្យប្រជាពលរដ្ឋសម្រុកទៅខ្ចីលុយលុយ ហើយជំពាក់វ័ណ្តក រហូតដល់ការរឹបអូសផ្ទះសម្បែងដីធ្លី។ លោកចាត់ទុកការឃោសនាបែបនេះជាការឃោសនា”ថោកទាប” និង”បោកប្រាស់ប្រជាពលរដ្ឋ”។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
