ចៅក្រមសាលាដំបូងរាជធានីភ្នំពេញ បានបដិសេធសំណើរបស់មេធាវីកុមារា កាក់ សុវណ្ណច្ឆ័យ ដែលស្នើសុំឱ្យមានគ្រូពេទ្យជំនាញចូលរួមសវនាការ ដើម្បីពិនិត្យស្ថានភាពកូនក្ដី ខណៈម្ដាយកុមាររូបនេះបានអះអាងថា កូនប្រុសរបស់ខ្លួនមានជំងឺអូទីហ្សឹមប្រចាំកាយ។
អ្នកនាំពាក្យរដ្ឋាភិបាលមិនមានជឿថា សហរដ្ឋអាមេរិកនឹងដាក់ទណ្ឌកម្មលើមន្ត្រីជាន់ខ្ពស់រដ្ឋាភិបាលកម្ពុជា តាមរយៈច្បាប់ H.R 4686 ឬច្បាប់ស្តីពី «លទ្ធិប្រជាធិបតេយ្យកម្ពុជាឆ្នាំ២០២១» (Cambodia Democracy Act of 2021) នោះទេ ពីព្រោះសហរដ្ឋអាមេរិកត្រូវការកម្ពុជា ដើម្បីប្រកួតប្រជែងភូមិសាស្ត្រនយោបាយជាមួយប្រទេសចិន។
អតីតប្រធានគណបក្សសង្រ្គោះជាតិ លោក កឹម សុខា ដែលកំពុងនៅជាប់បណ្ដឹងនៅតុលាការនៅឡើយ លើកឡើងថា សម្រាប់លោកមិនភ្លេចឡើយបុណ្យទាន ហើយបញ្ហាវិបត្តិកូវីដ-១៩ក៏លោកមិនភ្លេចដែរ ពិសេសបញ្ហាជាតិ លោករឹតតែមិនអាចបំភ្លេចបានថែមទៀត បើទោះបីជាលោកនៅពុំទាន់មានសេរីភាពពេញលេញយ៉ាងណាក៏ដោយ។
អ្នកឃ្លាំមើលមួយចំនួនយល់ថា ច្បាប់ដែលរដ្ឋាភិបាលឯកបក្សបានបង្កើតឡើងនាប៉ុន្មានឆ្នាំចុងក្រោយនេះ បានផ្តល់អំណាចទៅឱ្យក្រសួងយុត្តិធម៌ជ្រៀតជ្រែកកិច្ចការតុលាការ មិនអនុលោមទៅតាមរដ្ឋធម្មនុញ្ញ រារាំងដល់ការផ្លាស់ប្តូរមេដឹកនាំតាមយន្តការប្រជាធិបតេយ្យ។
លោកនាយករដ្ឋមន្ត្រី ហ៊ុន សែន នៅថ្ងៃនេះ បានអបអរខួបនៃការដាក់ឱ្យប្រើប្រាស់រដ្ឋធម្មនុញ្ញ ខណៈប្រធានអតីតគណបក្សសង្គ្រោះជាតិ លោក កឹម សុខា បានអំពាវនាវឱ្យរួមគ្នា ការពារ គោរព និងអនុវត្តរដ្ឋធម្មនុញ្ញកម្ពុជាតាមស្មារតីដើម ដែលមានកិច្ចព្រមព្រៀងសន្តិភាពទីក្រុងប៉ារីសធ្វើជាមូលដ្ឋាន។
លោកនាយករដ្ឋមន្រ្តី ហ៊ុន សែន បានព្រមានចំពោះមេដឹកនាំកំពូលរបស់អតីតគណបក្សប្រឆាំងថា គណបក្សប្រជាជនកម្ពុជាមានលទ្ធភាពគ្រប់គ្រាន់ក្នុងការបង្កើតច្បាប់ ដើម្បីការពារមេដឹកនាំជាន់ខ្ពស់របស់រដ្ឋាភិបាលពេលអស់អំណាច ហើយរឹតតែធ្វើបានទៅទៀតនោះ គឺអាចមានសមត្ថភាពក្នុងការបង្កើតបញ្ញត្តិបន្ថែមទៀតដាក់បញ្ចូលទៅក្នុងរដ្ឋធម្មនុញ្ញ ដែលជាច្បាប់កំពូលថែមទៀតផង។
ក្រសួងមហាផ្ទៃ ព្រមានជាថ្មីទៀតថានឹងមិនចុះបញ្ជីគណក្សនយោបាយឱ្យ «គណបក្សបេះដូងជាតិ» ដែលជាគណបក្សមួយបង្កើតឡើងដោយសមាជិកនៃអតីតគណបក្សសង្រ្គោះជាតិ ប្រសិនបើគណបក្សនេះមិនអនុលោមឱ្យស្របតាមច្បាប់ស្តីពីគណបក្សនយោបាយ។
លោកនាយករដ្ឋមន្ត្រី ហ៊ុន សែន ច្រានចោលទៅលើការវិភាគមួយចំនួនដែលថា ការឆ្មក់ចូលក្នុងកិច្ចប្រជុំតាមប្រព័ន្ធ Zoom ដើម្បីនិយាយតទល់ជាមួយមនុស្សជំនិតនឹងលោក សម រង្ស៊ី នាពេលថ្មីៗនេះ មិនមែនជាការស្វែងរកការចរចានយោបាយណាមួយ ឬខ្លាចសម្ពាធអន្តរជាតិនោះទេ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
