ជនជាតិឥណ្ឌូនេស៊ី២នាក់ត្រូវបានបណ្តេញចេញពី ប្រទេសសិង្ហបុរី បន្ទាប់ពីមានការសង្ស័យថា ពួកគេមានបំណងធ្វើដំណើរទៅកាន់ប្រទេស៊ីរីតាមរយៈ ការឆ្លងកាត់ប្រទេសសិង្ហបុរី ហើយមានការគត់សម្គាល់មួយចំនួនថា ពួកគេអាចជាអ្នកគាំទ្រសកម្មភាពរបស់ពួកIS។
សារព័ត៌មានChannel News Asia របស់សិង្ហបុរីបានចុះផ្សាយថា មុននឹងបណ្តេញអ្នកទាំងពីរនេះចេញ រដ្ឋាភិបាលសិង្ហបុរី បានផ្តល់ដំណឹងនេះ ទៅរដ្ឋាភិបាលឥណ្ឌូនេស៊ី។
The Jakarta Post បានចុះផ្សាយថា អ្នកទាំងពីរមានបុរសម្នាក់អាយុ៤០ឆ្នាំ រស់នៅក្នុងប្រទេសសិង្ហបុរី និង ស្ត្រីម្នាក់ទៀតមានស្រុកកំណើតនៅខាងលិចកោះចាវា។
អ្នកនាំពាក្យនគរបាលនៅកោះ Riau ថ្លែងថា អ្នកទាំងពីរនេះ បានបញ្ជូនដល់ដៃនគរបាលរបស់ឥណ្ឌូនេស៊ីរួចហើយ ចំណែកសមត្ថកិច្ចបន្តការស៊ើបអង្កេតបន្ថែមទៀត លើប្រវត្តិរូប និង សកម្មភាពបច្ចុប្បន្នរបស់អ្នកទាំងពីរ។