មន្ត្រីសុខាភិបាលនៃក្រុងសៀងហៃ នៃប្រទេសចិន បានបញ្ជាក់ថា មានករណីជំងឺផ្តាសាយបក្សីឆ្លងថ្មី H7N9 ជាអំបូរជំងឺ កើតចេញពីបក្សី មានអាការៈដូចជា ចំងឺផ្តាសាយធំ។ នេះបើតាមទីភ្នាក់ងារសារព័ត៌មានរដ្ឋចិន ស៊ីនហួរ ចុះផ្សាយនៅថ្ងៃសុក្រនេះ។
បុរសដែលមានឆ្លងមេរោក H7N9នេះ គឺកំពុងសម្រាកព្យាបាលនៅក្នុងមន្ទីរពេទ្យ។ នេះបើតាមរបាយការណ៍របស់ស៊ីនហួរ។ នៅក្នុងខែនេះ សៀង ហៃ ក៏បានរាយការណ៍ពីករណីឆ្លងមេរោគ H7N9 មួយករណីរួចមកហើយ។
សៀង ហៃគឺជា ទីក្រុងធំបំផុតរបស់ចិន ដែលមានប្រជាពលរដ្ឋរស់នៅ ជាង ២៤លាននាក់។
ជំងឺផ្តាសាយបក្សី គឺហាក់កើតមាននៅរដូវរងា និង រដូវផ្ការីក ហើយប៉ុន្មានឆ្នាំចុងក្រោយនេះអាជ្ញាធរមានការយកចិត្តទុកដាក់ក្នុងការរៀបចំឲ្យសំអាតកសិដ្ឋាន ចិញ្ចឹមសត្វតាមបែបបច្ចេកទេស និង បង្រៀនវិធីសាស្ត្រផ្សេងៗទៀត ដើម្បីបង្ការជំងឺឆ្លង។