មនុស្សដល់ទៅ ២៦នាក់ ត្រូវបានសមត្ថកិច្ចចាប់ខ្លួន នៅក្នុងប្រតិបត្តិការបង្ក្រាបគ្រឿងញៀន នៅទូទាំងប្រទេសកាលពីថ្ងៃម្សិលមិញនេះ។ នេះដោយយោងតាមរបាយការណ៍នគរបាលជាតិ។
វេបសាយនគរបាលជាតិកម្ពុជា បានឲ្យដឹងថា បទល្មើសគ្រឿងញៀន ១៤ករណី ត្រូវសមត្ថកិច្ចបង្ក្រាបបានកាលពីថ្ងៃម្សិលមិញនេះ ដោយឃាត់ខ្លួនមនុស្ស ២៦នាក់ ក្នុងនោះ មនុស្ស ១១នាក់មានជាប់ពាក់ព័ន្ធនឹងការជួញដូរគ្រឿងញៀន។
បទល្មើសគ្រឿងញៀន ត្រូវសមត្ថកិច្ចបង្ក្រាបបានរៀងរាល់ថ្ងៃ ដោយឃាត់ខ្លួនមនុស្សដល់ទៅ ៦៤២០នាក់ នៅក្នុងប្រតិបត្តិការបង្ក្រាបគ្រឿងញៀននៅទូទាំងប្រទេស អស់រយៈពេល ៣ខែដើមឆ្នាំ២០១៧នេះ៕