មនុស្សដល់ទៅ ៣៩នាក់ ត្រូវសមត្ថកិច្ចចាប់ខ្លួននៅក្នុងប្រតិបត្តិការគ្រឿងញៀនតែមួយថ្ងៃម្សិលមិញនេះ។ នេះដោយផ្អែកតាមតួលេខរបស់នគរបាលជាតិ។
របាយការណ៍បង្ក្រាបគ្រឿងញៀន ដែលផ្សាយលើវេបសាយនគរបាលជាតិ បានបង្ហាញថា បទល្មើសគ្រឿងញៀន ២០ករណី ត្រូវសមត្ថកិច្ចបង្ក្រាបបានកាលពីថ្ងៃទី២៩ ខែមេសា ដោយឃាត់ខ្លួនមនុស្សដល់ទៅ ៣៩នាក់ ក្នុងនោះ ២៥នាក់ មានជាប់ពាក់ព័ន្ធនឹងការជួញដូរគ្រឿងញៀន។
បទល្មើសគ្រឿងញៀន ត្រូវសមត្ថកិច្ចបង្ក្រាបបានរៀងរាល់ថ្ងៃ ដោយឃាត់ខ្លួនមនុស្សដល់ទៅ ៧៣៣០នាក់ ចាប់តាំងពីថ្ងៃទី០១ ខែមករា រហូតដល់ថ្ងៃម្សិលមិញនេះ៕
