ជនសង្ស័យពាក់ព័ន្ធនឹងគ្រឿងញៀនដល់ទៅ ៥២នាក់ ក្នុងនោះមានស្ត្រី ៤នាក់ផងដែរ ត្រូវបានសមត្ថកិច្ចចាប់ខ្លួនបានត្រឹមតែមួយថ្ងៃម្សិលមិញនេះ។ នេះដោយយោងតាមរបាយការណ៍របស់សមត្ថកិច្ចដែលផ្សាយនៅលើវេបសាយនគរបាលជាតិ។
របាយការណ៍នោះ បានឲ្យដឹងថា បទល្មើសគ្រឿងញៀន ២៥ករណី ត្រូវបានសមត្ថកិច្ចបង្ក្រាបបានកាលពីថ្ងៃម្សិលមិញនេះ ដោយឃាត់ខ្លួនមនុស្សដល់ទៅ ៥២នាក់ ក្នុងនោះមនុស្ស ៣៤នាក់ ត្រូវបានសង្ស័យថាមានជាប់ពាក់ព័ន្ធនឹងការជួញដូរគ្រឿងញៀន។
បទល្មើសគ្រឿងញៀនបានកើតឡើងរៀងរាលថ្ងៃ ដោយសមត្ថកិច្ចចាប់ខ្លួនជនសង្ស័យជាង ៧៥០០នាក់ ចាប់តាំងពីថ្ងៃទី០១ ខែមករា រហូតដល់ថ្ងៃម្សិលមិញនេះ ក្នុងនោះមានជនបរទេស ៣៩នាក់ផងដែរ៕
