យុទ្ធនាការប្រយុទ្ធប្រឆាំងគ្រឿងញៀនជាង៤ខែ នៅដើមឆ្នាំ ២០១៧នេះអាជ្ញាធរបង្ក្រាបបាន ៣៤៣៥ករណី និងឃាត់ខ្លួនមនុស្សបាន ជាង ៧ពាន់នាក់។
យោងតាមរបាយការណ៍របស់អគ្គស្នងការដ្ឋាននគរបាលជាតិនៅថ្ងៃទី ១៣ ខែឧសភានេះ បានឱ្យដឹងថា គិតចាប់ពីថ្ងៃទី ១ ខែមករា រហូតដល់ថ្ងៃទី ១២ ខែឧសភា ឆ្នាំ ២០១៧ ក្នុងយុទ្ធនាការបង្ក្រាបគ្រឿងញៀនលើកទី១ ទាំង ៣៤៣៥ករណី អាជ្ញាធរបានឃាត់ខ្លួន មនុស្សចំនួន ៧៧៣៧នាក់ ក្នុងនោះមានស្រីចំនួន ៧៩៤នាក់ និងជនបរទេសចំនួន ៣៩នាក់ទៀត។
ផែនការប្រយុទ្ធប្រឆាំងគ្រឿងញៀនលើកទី១ មានរយៈពេល ៦ខែគឺចាប់ពីថ្ងៃទី ១ ខែមករា រហូតដល់ថ្ងៃទី ៣០ ខែមិថុនា ឆ្នាំ ២០១៧៕