ឧទ្យានកំសាន្តឈ្មោះ Europa-Park ធំលំដាប់ទី១នៅក្នុងប្រទេសអាល្លឺម៉ង់ ហើយធំលំដាប់នៅទី២នៅក្នុងបណ្តាប្រទេសសហភាពអឺរ៉ុប ដែលបានបណ្តាលឲ្យមនុស្សចំនួន៧នាក់បានរងរបួស។
តាមការចុះផ្សាយរបស់ទីភ្នាក់ងារព័ត៌មានAFPបានឲ្យដឹងថា ភ្លើងឆេះខ្លាំងឡើងខណៈអ្នកចូលកំសាន្តច្រើន ហើយសមត្ថកិច្ចបានជម្លៀសចេញទាន់ពេលគឺមានចំនួនជាង២៥ ០០០នាក់។ ចំណែកក្រុមពន្លត់អគ្គីភ័យមានចំនួន២៥០នាក់ អ្នកដែលរងរបួសទាំងនោះជាក្រុមពន្លត់អគ្គីភ័យទាំងអស់មិនមានអ្នកចូលកំសាន្តទេ។
ប៉ុន្តែក្រុមអ្នកពន្លត់អគ្គីភ័យទាំងនោះស្ថិតនៅក្នុងស្ថានភាពរបួសស្រាលគឺចេញពីមន្ទីរពេទ្យវិញ ក្រោយពេលទទួលបានការព្យាបាលខ្លះ។
នាយកគ្រប់គ្រង់កន្លែងកំសាន្តមួយនេះឈ្មោះ Michael Mack បានបង្ហោះសារលើបណ្តាញសង្គមTwitter ថ្លែងអំណគុណដល់ក្រុមអ្នកពន្លត់អគ្គីភ័យ ហើយថា ករណីភ្លើងឆេះកាលពីថ្ងៃសៅរ៍នោះគឺថ្ងៃសោកសៅរ៍បំផុត។
ករណីនេះសមត្ថកិច្ចគ្រាន់តែប្រាប់ពីចំនួនអ្នករងរបួសប៉ុន្តែមិនផ្តល់ព័ត៌មានលម្អិតជុំវិញការឆេះនេះទេ។ ឧទ្យានកំសាន្តEuropa-Park មានទំហំធំ លំដាប់ទី២នៅសហភាពអឺរ៉ុប បានបង្កើតឡើងកាលពីឆ្នាំ១៩៧៥ កាលពីឆ្នាំ២០១៧មានអ្នកចូលទៅកំសាន្តចំនួន៥,៧លាននាក់។
