សមាគមមូលនិធិកែម ឡីអំពាវឱ្យអាជ្ញាធររកយុត្តិធម៌ជូនលោក កែម ឡី និងផ្តល់ឱកាសឱ្យសាធារណជន ប្រារព្ធពិធីរំឭកខួបនៃការសម្លាប់អ្នកវិភាគបញ្ហាសង្គមរូបនេះ នៅស្តាម៉ាតស្តុបបូកគោ នៅថ្ងៃទី១០ខែកក្កដា សប្តាហ៍ក្រោយនេះ។
សមាគមបាន ថ្លែងថា រាជរដ្ឋាភិបាលគួរបញ្ចប់ការប្រើអំពើហឹង្សា ធ្វើទុក្ខបុកម្នេញតាមប្រព័ន្ធតុលាការដល់យុវជន កែម ឡីនិយម អ្នកការពារសិទ្ធិមនុស្ស និងប្រជាពលរដ្ឋទាំងអស់ និងបញ្ឈប់ការរារាំង ឫរំខានការប្រារព្វពិធីនេះ និងអំពាវដល់អាជ្ញាធរ ធ្វើការស៊ើបអង្កេតឃាតកពិត និងអ្នកនៅពីក្រោយឃាតកម្មនេះ។
បើមិនមានការប្រែប្រួលអ្វីនោះទេ នៅថ្ងៃទី ១០ ខែកក្តដា ឆ្នាំ២០២០ ខាងមុខពិធីគោរពវិញ្ញាណក្ខន្ធរំឭកខួបបួនឆ្នាំនៃការសម្លាប់លោក កែមឡី និងប្រារព្ធឡើងនៅកន្លែងដែលលោកត្រូវ ឃាតករបាញ់ទីតាំងនៅក្នុងស្តាម៉ាតលក់ប្រេងកាលតិច ស្តុបបូកគោ ស្ថិតនៅខណ្ឌចម្ការមន រាជធានីភ្នំពេញ។
ក្នុងឱកាសពិធីខាងលើ សមាគមមូលនិធិកែមឡីបានអំពាវនាវដល់ប្រជពលរដ្ឋគ្រប់មជ្ឈដ្ឋានទាំងក្នុង និងក្រៅប្រទេស ដែលគោរពស្រឡាញ់យុត្តិធម៌ និងវីរៈភាពរបស់លោក ឱ្យចូលរួម ដើម្បីជាស្មារតីចូលរួមចំណែក និងគាំទ្រការទាមទារយុត្តិធម៌ជូនលោកបណ្ឌិត និងក្រុមគ្រួសាររបស់លោក។
លោក កែម ឡី ត្រូវបាន ត្រូវបានឃាតករបាញ់សម្លាប់នៅចំដើមទ្រូង និងក្បាល នៅក្នុងម៉ាតស្ថានីយ៍ប្រេងឥន្ធនៈកាល់តិច ដែលពោរពេញដោយមនុស្ស នៅកណ្តាលរាជធានីភ្នំពេញ ភ្លាមៗកាលពីមុន ម៉ោង ៩ព្រឹក ថ្ងៃអាទិត្យ ទី ១០ ខែកក្តដា ឆ្នាំ ២០១៦៕
