រដ្ឋមន្ត្រីអង់គ្លេសមួយរូបបានឱ្យដឹងនៅថ្ងៃអង្គារ ខណៈលោកនាយករដ្ឋមន្ត្រី បូរីស ចនសុន (Boris Johnson) ដឹកនាំកិច្ចប្រជុំឆ្លើយតបបន្ទាន់មួយរបស់រដ្ឋាភិបាលជុំវិញវិបត្តិនៅអ៊ុយក្រែន ថាការលុកលុយរបស់រុស្ស៊ីលើអ៊ុយក្រែនបានចាប់ផ្ដើមហើយ ដូច្នេះអង់គ្លេសនឹងដាក់ទណ្ឌកម្មនានាលើរុស្ស៊ី។
ទីភ្នាក់ងារសារព័ត៌មាន Reuters បានស្រង់សម្ដីរដ្ឋមន្រ្តីសុខាភិបាលចក្រភពអង់គ្លេស លោក Sajid Javid ដែលបានថ្លែងប្រាប់ទូរទស្សន៍ក្នុងស្រុកមួយថា៖ «យើងអាចនិយាយបានថា ការលុកលុយលើអ៊ុយក្រែនបានចាប់ផ្ដើមហើយ ប្រជាជនរុស្ស៊ី និងប្រធានាធិបតី លោក វ្លាឌីមៀរ ពូទីន បានសម្រេចចវាយប្រហារអធិបតេយ្យភាពអ៊ុយក្រែន និងបូរណភាពទឹកដីរបស់ប្រទេសមួយនេះ»។
រដ្ឋមន្រ្តីដដែលបន្តថា៖ «យើងនឹងដាក់ចេញនូវការដាក់ទណ្ឌកម្មនានា ដូចដែលយើងបានលើកឡើងកាលពីពេលកន្លងទៅថាយើងនឹងធ្វើវា»។
លោក Sajid Javid បន្ថែមថា ទណ្ឌកម្មនានាដែលនឹងត្រូវដាក់នេះនឹងត្រូវប្រកាសនៅក្នុងសេចក្ដីថ្លែងការណ៍មួយទៅកាន់សភាដោយលោកនាយករដ្ឋមន្ត្រី បូរីស ចនសុន។
រដ្ឋមន្រ្តីរូបនេះថ្លែងថា៖ «យើងនឹងធ្វើឱ្យការដាក់ទណ្ឌកម្មទាំងនោះត្រូវចំគោលដៅចំពោះអ្នកដែលជាប់ពាក់ព័ន្ធទៅនឹងការរំលោភបំពាននៃច្បាប់អន្តរជាតិ»។
គួរបញ្ជាក់ថា ប្រធានាធិបតីរុស្ស៊ី លោក វ្លាឌីមៀរ ពូទីន កាលពីថ្ងៃចន្ទម្សិលមិញ ក៏បានបញ្ជាឱ្យដាក់ពង្រាយកងទ័ពទៅកាន់តំបន់ផ្ដាច់ខ្លួនចំនួនពីរនៅភាគខាងកើតអ៊ុយក្រែនផងដែរ បន្ទាប់ពីខ្លួនទទួលស្គាល់តំបន់នេះជារដ្ឋឯករាជ្យ ដែលករណីនេះបង្កជាការព្រួយបារម្ភដល់ប្រទេសលោកខាងលិច ថាសង្រ្គាមអាចនឹងកើតមានឡើង៕
Today the Prime Minister met President @ZelenskyyUa of Ukraine in Munich.
— UK Prime Minister (@10DowningStreet) February 19, 2022
He reaffirmed the UK's longstanding commitment to Ukraine and its people in the face of sustained Russian aggression.
#StandWithUkraine
🇬🇧🇺🇦 pic.twitter.com/rIkC45PRpg
