ទំនាក់ទំនងកម្ពុជា-ចិន ត្រូវបានមើលឃើញថា រឹតតែល្អជាងទំនាក់ទំនងកម្ពុជាជាមួយបណ្ដាប្រទេសលោកសេរី។ ទំនាក់ទំនងដ៏ល្អបែបនេះ រឹតតែត្រូវបានឆ្លុះបញ្ចាំងឲ្យឃើញតាមរយៈដំណើរទស្សនកិច្ចរបស់លោកនាយករដ្ឋមន្ត្រី ហ៊ុន សែន កាលពីខែមករាកន្លងមក ទៅកាន់ប្រទេសចិន ជាទីដែលមេដឹកនាំចិនសន្យាផ្ដល់ជំនួយឥតសំណងដល់ទៅ ៦០០ដុល្លារដល់កម្ពុជា។
ប្រទេសវេណេស៊ុយអេឡា បានធ្លាក់ចូលទៅក្នុងភាពចលាចលនយោបាយអស់រយៈពេលជាច្រើនសប្ដាហ៍មកហើយចាប់តាំងពីចុងឆ្នាំ២០១៨មក ក្រោយពីការបោះឆ្នោតមួយកាលពីខែឧសភាឆ្នាំមុន ដែលបានផ្ដល់ជ័យជម្នះទៅប្រធានាធិបតី លោក Nicolas Maduro ទាំងការបោះឆ្នោតនោះគ្មានការចូលរួមពីបក្សប្រឆាំង។
កម្ពុជានៅតែត្រូវបានវាយតម្លៃថា ជាប្រទេសមានកម្រិតអំពើពុករលួយខ្ពស់បំផុតនៅក្នុងតំបន់ និងជាប្រទេសមានកម្រិតអំពើពុករលួយខ្ពស់បំផុតមួយនៅក្នុងចំណោមបណ្ដាប្រទេសដទៃទៀតនៅលើពិភពលោកនៅក្នុងរយៈពេល ២ឆ្នាំជាប់ៗគ្នា។
នៅប៉ុន្មានថ្ងៃនេះ មេបញ្ជាការកងទ័ពមួយចំនួន បានគំរាមថា នឹងកម្ទេចលោក សម រង្ស៊ី ខណៈមេបក្សប្រឆាំងរូបនេះ ប្រកាសពីគម្រោងវិលចូលស្រុកវិញនៅអំឡុងឆ្នាំនេះ ទាំងមិនទាន់មានសញ្ញាបើកផ្លូវពីបក្សកាន់អំណាចនោះ។
ក្នុងដំណើរទស្សនកិច្ចនៅមហាអំណាចចិន លោក ហ៊ុន សែន បានជួបពិភាក្សាជាមួយបណ្ដាមេដឹកនាំចិនជាច្រើនរូប ជាពិសេសជួបជជែកជាមួយប្រធានាធិបតីចិន លោក ស៊ី ជិនភីង និងនាយករដ្ឋមន្ត្រីចិន លោក លី ឃឹជាំង។
ការដកហូតប្រទេសកម្ពុជាពីប្រព័ន្ធអនុគ្រោះពន្ធរបស់សហគមន៍អន្តរជាតិ បានក្លាយទៅជាប្រធាននៃការជជែកកាន់តែច្រើនថែមទៀតក្នុងរយៈពេលប៉ុន្មានថ្ងៃចុងក្រោយនេះ ក្រោយពីមេដឹកនាំកម្ពុជាបានបញ្ចេញប្រតិកម្មខ្លាំងៗតបទៅនឹងបញ្ហាមួយនេះកាលពីដើមសប្ដាហ៍មកនេះ។
ទឹកប្រាក់ជិត ៧០០លានដុល្លារក្នុងមួយឆ្នាំៗ ដែលកម្ពុជាចំណេញពីការមិនបង់ពន្ធសម្រាប់នំាចេញទំនិញរបស់ខ្លួនទៅលក់នៅទីផ្សារអឺរ៉ុបនោះ នឹងបាត់បងទៅវិញតែរយៈពេល ២ខែទៀតប៉ុណ្ណោះ បើស្ថានការណ៍នយោបាយមិនវិលទៅស្តារប្រជាធិបតេយ្យឡើងវិញ តាមការទាមទាររបស់សហភាពអឺរ៉ុបទេនោះ។
លោកនាយករដ្ឋមន្ត្រី ហ៊ុន សែន បានអះអាងថា ប្រទេសកម្ពុជាបានក្លាយទៅជាទឹកដីពោរពេញទៅដោយសេរីភាព ហើយប្រជាជនគ្រប់រូបមានសិទ្ធិស្មើគ្នាចំពោះមុខច្បាប់ ៤០ឆ្នាំក្រោយពីរបបខ្មែរក្រហម ត្រូវបានផ្ដួលរំលំពីអំណាច។
កាលពីភាគ ១ ផ្នែកមួយចំនួននៃអនុសាសន៍របស់ធនាគារពិភពលោកដែលត្រូវបានលើកឡើងនៅក្នុងរបាយការណ៍ស្ដីពី «បច្ចុប្បន្នភាពនៃសេដ្ឋកិច្ចកម្ពុជានៅឆ្នាំ២០១៨» នោះ ដូចជា ការផ្ដល់មតិឲ្យកែលម្អស្ថានភាពលំហូរទុនវិនិយោគពីបរទេសចូលមកកម្ពុជា ការកែលម្អឧស្សាហកម្មទេសចរណ៍ដើម្បីប្រណាំងប្រជែងជាមួយបណ្ដាប្រទេសជិតខាង ការកែលម្អវិស័យកសិកម្មដើម្បីពង្រីកកំណើនផលិតកម្ម កម្លាំងពលកម្ម និងសម្របសម្រួលទៅតាមតម្រូវការផលិតផលកសិកម្មទាំងក្នុងស្រុក និងក្រៅប្រទេស ជាដើម។
រដ្ឋសភាកម្ពុជា បានធ្វើវិសោធនកម្មច្បាប់គណបក្សនយោបាយមាត្រា៤៥ថ្មីស្ទួន ដែលថាច្បាប់នេះ ស្របតាមរដ្ឋធម្មនុញ្ញរបស់កម្ពុជា ឈរលើស្មារតីបង្រួបបង្រួមជាតិ។ នៅពេលដែលច្បាប់នេះចូលជាធរមាន វានឹងបើកផ្លូវឲ្យអតីតមន្ត្រីបក្សប្រឆាំង១១៨រូប ដែលត្រូវតុលាការហាមឃាត់បានធ្វើនយោបាយឡើងវិញ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
