ភាគីពាក់ព័ន្ធដែលធ្វើការក្នុងវិស័យធនាគារ រោងចក្រកាត់ដេរ សហគ្រាសធុនតូច និងមធ្យមបារម្ភពីវិធានការរបស់សហភាពអឺរ៉ុបដែលអាចឈានទៅដកប្រព័ន្ធអនុគ្រោះពន្ធពីកម្ពុជា ប៉ុន្ដែ ពួកគេក៏ប្រកាសគាំទ្ររដ្ឋាភិបាលក្នុងការទ្រទ្រង់សេដ្ឋកិច្ចរបស់ខ្លួន។
នាយកប្រតិបត្តិអង្គការតម្លាភាពកម្ពុជា និងជាអ្នកដែលសកម្មក្នុងការស្វែងរកដំណោះស្រាយបញ្ហាប្រព័ន្ធអនុគ្រោះពន្ធ EBA បានជំរុញឲ្យប្រជាពលរដ្ឋទាំងអស់ចូលរួម ដោយថា នេះជារឿងទាំងអស់គ្នា មិនមែនពាក់ព័ន្ធតែជាមួយក្រុមអ្នកនយោបាយនោះទេ។
របាយការណ៍ស្ដីពីស្ថានភាពនៃការនាំចេញអង្ករកម្ពុជាក្នុងខែមករា ឆ្នាំ២០១៩ ដែលចេញដោយក្រសួងកសិកម្ម បានឲ្យដឹងថា កម្ពុជានាំចេញអង្ករបានជិត៦ម៉ឺនតោន ក្នុងខែមករា ឆ្នាំ២០១៩នេះ ដោយបានធ្លាក់ចុះចំនួន ៥ភាគរយ បើធៀបនឹងទំហំនៃការនាំចេញអង្ករ ជាង៦ម៉ឺន២ពាន់តោន ក្នុងរយៈពេលដូចគ្នាកាលពីឆ្នាំ២០១៨។
នាយករដ្ឋមន្ត្រីកម្ពុជា លោក ហ៊ុន សែន លើកឡើងថា សេដ្ឋកិច្ចកម្ពុជាដែលពីមុនហ៊ុមព័ទ្ធដោយទារុណកម្ម និងការកៀបសង្កត់ ពេលនេះគឺបានងើបលូតលាស់និងកាន់តែរឹងមាំ។
មន្ទីរទេសចរណ៍ខេត្តព្រះសីហនុ បានឲ្យដឹងថា បុណ្យចូលឆ្នាំថ្មីប្រពៃណីចិននាឆ្នាំនេះ ភ្ញៀវទេសចរណ៍បានថយចុះ ៣៤,០៩% បើប្រៀបធៀបពេលវេលាដូចគ្នាកាលពីឆ្នាំ២០១៨។
ក្នុងសេចក្ដីប្រកាសព័ត៌មានចុះថ្ងៃទី៣០ ខែមករា ដែល VOD ទើបទទួលបាន រដ្ឋមន្ត្រីក្រសួងសេដ្ឋកិច្ច លោក អូន ព័ន្ធមុន្នីរ័ត្ន បានប្រកាសថា ចាប់ពីពេលនេះតទៅ រដ្ឋាភិបាលនឹងលុបចោលនូវការចេញវិញ្ញាបណ្ណបត្របញ្ជាក់ប្រភពដើម (CO) សម្រាប់ប្រទេសដែលមិនត្រូវការ ហើយដើម្បីកាត់បន្ថយថ្លៃនាំចេញនិងនាំចូលឲ្យដល់កម្រិតទាបបំផុតនោះ នាខែមេសាខាងមុខ ក្រសួងក៏នឹងបញ្ចុះថ្លៃពិនិត្យកុងតឺន័រឲ្យដូចទៅនឹងការនាំចេញអង្ករផងដែរ។
ប្រកាសរបស់ក្រសួងសេដ្ឋកិច្ចនិងហិរញ្ញវត្ថុ កាលពីថ្ងៃទី៣០ ខែមករា កន្លងទៅ លោករដ្ឋមន្ត្រី អូន ព័ន្ធមុនីរ័ត្ន បានសម្រេចបង្កើតក្រុមការងារចម្រុះអគ្គនាយកដ្ឋានពន្ធដារ ដែលមានសហប្រធានពីររូបគឺ លោក គង់ វិបុល អគ្គនាយកនៃអគ្គនាយកដ្ឋានពន្ធដារ និង លោក សឿង សារឿន នាយកប្រតិបត្តិនៃគណៈកម្មាធិការសហប្រតិបត្តិការដើម្បីកម្ពុជា ព្រមទាំងអនុប្រធានបួនរូប និងសមាជិក២២រូបផ្សេងទៀត។
យោងតាមទំព័រហ្វេសប៊ុករបស់ក្រសួងទេសចរណ៍ចេញផ្សាយនៅថ្ងៃនេះ បានឲ្យដឹងថា ភ្ញៀវទេសចរបរទេសមកទស្សនាកម្ពុជានៅឆ្នាំ២០១៧ មាន៥.៦លាននាក់ ហើយបានកើនឡើងដល់ ៦.២លាននាក់ ក្នុងឆ្នាំ២០១៨ ក្នុងនោះភ្ញៀវទេសចរចិនឈរលំដាប់ទី១។
រដ្ឋមន្ត្រីពាណិជ្ជកម្មកម្ពុជា លោក ប៉ាន សូរស័ក្តិ បានអះអាងថា អាមេរិកគឺជាទីផ្សារធំលំដាប់ទី២សម្រាប់ទំនិញកម្ពុជា ក្រោយពីទំហំពាណិជ្ជកម្មទ្វេភាគីកម្ពុជា-អាមេរិក បានកើនឡើងដល់តម្លៃ ៣.៣១ពាន់ដុល្លារកាលពីឆ្នាំ២០១៨កន្លងមកនេះ។ នេះបើតាមទំព័រហ្វេសប៊ុករបស់ក្រសួងពាណិជ្ជកម្មផ្សព្វផ្សាយនៅថ្ងៃនេះ។
ក្រុមហ៊ុនចិនដែលបានទទួលសិទ្ធិវិនិយោគបន្តពីក្រុមហ៊ុនកូរ៉េខាងត្បូងក្នុងការសាងសង់អគារ Golden Tower កម្ពុស់ ៤២ជាន់នោះ បានអះអាងថា អគារមួយនេះនឹងត្រូវសាងសង់បញ្ចប់ទាំងស្រុងនៅដើមឆ្នាំ២០២០ខាងមុខ បន្ទាប់ពីបញ្ចប់ការចាក់បេតុងនៅថ្ងៃនេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
