មន្ត្រីក្រសួងព័ត៌មានបានឱ្យដឹងថា ក្រុមការងារបច្ចេកទេសកំពុងបន្តពិនិត្យលើសេចក្ដីព្រាងច្បាប់ស្តីពី «សិទ្ធិទទួលព័ត៌មាន» នៅឡើយ ហើយក្រុមការងារនឹងព្យាយាមបញ្ចប់ការពិនិត្យពិភាក្សាលើសេចក្ដីព្រាងច្បាប់នេះឱ្យបានឆាប់ ដើម្បីបញ្ជូនទៅស្ថាប័នពាក់ព័ន្ធសម្រេចអនុម័ត។
ក្រសួងព័ត៌មានបញ្ជាក់ជាថ្មីថា ក្រសួងនឹងចាត់វិធានការទៅតាមនីតិវិធីច្បាប់ចំពោះស្ថាប័នព័ត៌មានដែលផ្សព្វផ្សាយការប្រើពាក្យអសុរោះ ដោយលុបអាជ្ញាបណ្ណតែម្ដង។
សង្គមស៊ីវិល និងគណបក្សនយោបាយនៅកម្ពុជា បានលើកឡើងពីក្តីបារម្ភមួយចំនួននៅក្នុងកិច្ចប្រជុំថ្នាក់តំបន់ ជុំវិញសិទ្ធិសេរីភាពនៃការបញ្ចេញមតិជាពិសេសការធ្វើទុក្ខបុកម្នេញទៅលើអ្នកដែលហ៊ានបញ្ចេញមតិរិះគន់រដ្ឋាភិបាលនៅលើប្រព័ន្ធអនឡាញ ខណៈពួកគេមើលឃើញថា អ្នកទាំងនោះបានរងនូវការចោទប្រកាន់ និងបានជាប់ពន្ធនាគារជាបន្តបន្ទាប់។
ក្រសួងកិច្ចការនារី ជំរុញឱ្យស្ថាប័នផ្សព្វផ្សាយពង្រឹងការអនុវត្តនិងប្រតិបត្តិឱ្យសមស្របសម្រាប់ការរាយការណ៍ព័ត៌មានអំពើហិង្សាលើស្រ្តី ក្រោយរកឃើញថាមានស្ថាប័នមួយចំនួនតូចប៉ុណ្ណោះដែលរាយការណ៍ប្រកបដោយវិជ្ជាជីវៈ។
អង្គការសង្គមស៊ីវិលនិងសហគមន៍ចំនួន៤០ អំពាវនាវដល់រដ្ឋាភិបាលស៊ើបអង្កេតដោយឥតលម្អៀងលើហេតុការណ៍ប្រើហិង្សា ការឃាត់ខ្លួន និងការបំភិតបំភ័យលើអ្នកសារព័ត៌មានវីអូឌី និងសកម្មជន ព្រមទាំងផ្ដន្ទាទោសចំពោះអាជ្ញាធរដែលប្រព្រឹត្តអំពើល្មើសនឹងច្បាប់ ដើម្បីផ្តល់យុត្តិធម៌សម្រាប់ជនរងគ្រោះ។
មេអង្គរក្សលោកនាយករដ្ឋមន្រ្តី ហ៊ុន សែន លោក ហ៊ីង ប៊ុនហៀង ថ្លែងទទួលស្គាល់ថា កូនចៅរបស់លោកដែលកំពុងបំពេញការងារនៅតំបន់ភ្នំតាម៉ៅ ពិតជាបានប្រើអំពើហិង្សាវាយអ្នកកាសែត និងយុវជនខ្មែរថាវរៈ ប្រាកដមែន។
អង្គការសហប្រជាជាតិ (UN) បានលើកឡើងនៅក្នុងរបាយការណ៍ស្រាវជ្រាវមួយ ដោយកត់សម្គាល់ពីសម្ពាធតាមប្រព័ន្ធយុត្តិធម៌ព្រហ្មទណ្ឌ និងការយាយីលើស្ត្រីថា «ប្រព័ន្ធផ្សព្វផ្សាយនៅកម្ពុជាកំពុងស្ថិតនៅក្នុងស្ថានភាពគ្រោះថ្នាក់»។
ក្រសួងព័ត៌មាន នៅថ្ងៃព្រហស្បតិ៍នេះ ប្រតិកម្មដោយហៅរបាយការណ៍ដែលរកឃើញដោយការិយាល័យផ្នែកសិទ្ធិមនុស្សរបស់អង្គការសហប្រជាជាតិ ថាជារបាយការណ៍ដែលធ្វើឡើងឆ្លុះបញ្ចាំងតែភាគីម្ខាង ខ្វះការសិក្សាស្រាវជ្រាវឱ្យបានគ្រប់ជ្រុងជ្រោយ និងធ្វើឡើងតម្រូវចិត្តសម្រាប់តែមនុស្សមួយក្រុម។
ក្រុមអង្គការសង្គមស៊ីវិលបានរកឃើញថា «ការបិទខ្ទប់ព័ត៌មាន» មិនបានធានាដល់ការអភិវឌ្ឍប្រកបដោយនិរន្តរភាពនោះទេ តែជាប្រភពបង្កជម្លោះនៅតំបន់អភិវឌ្ឍន៍ ដែលធ្វើឱ្យប្រជាសហគមន៍មួយចំនួនងាយរងគ្រោះ។
សមាគមសម្ព័ន្ធអ្នកសារព័ត៌មានកម្ពុជា ហៅកាត់ថា ខេមបូចា បានរកឃើញថា ស្ថានភាពអ្នកសារពត៌មាននៅកម្ពុជាក្នុងរយៈពេល៣ខែ ពោលគឺចាប់ពីខែមេសា ដល់ខែមិថុនា មានអ្នកសារព័ត៌មានចំនួន១៧នាក់ប្រឈមការបៀតបៀននិងគំរាមកំហែង។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីទូរទស្សន៍អនឡាញ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២៥ រក្សាសិទ្ធិគ្រប់យ៉ាងដោយ វីអូឌី
