ក្រសួងមហាផ្ទៃ អនុញ្ញាតឱ្យសមាគមគ្រូបង្រៀនកម្ពុជាឯករាជ្យ ដង្ហែធម្មយាត្រាស្តីពី «សីលធម៌សង្គម» ពីរាជធានីភ្នំពេញ ឆ្ពោះទៅកាន់ខេត្តពោធិ៍សាត់ នៅដើមខែកុម្ភៈ ខាងមុខនេះ។
លោកនាយករដ្ឋមន្ត្រី ហ៊ុន សែន បញ្ជាទៅរដ្ឋមន្ត្រីក្រសួងព័ត៌មាន ពង្រឹងវិជ្ជាជីវៈអ្នកសារព័ត៌មានអនឡាញ ក្រោយពីមានការរិះគន់ឥរិយាបថលោក សុវណ្ណ រិទ្ធី ចាងហ្វាងសារព័ត៌មាន TVFB ដែលបានស្ដីបន្ទោសអ្នកជួយលើកម៉ូតូជនរងគ្រោះក្នុងគ្រោះថ្នាក់ចរាចរណ៍មួយនៅលើស្ពានជ្រោយចង្វារ កាលពីពេលថ្មីៗនេះ។
រដ្ឋបាលខេត្តព្រះសីហនុ ព្រមានឃាត់ទុកជាបណ្តោះអាសន្ន ចំពោះរាល់យានយន្ត ឬរទេះលក់ដូរនៅលើផ្លូវថ្មើរជើង ដែលក្រាលថ្មក្រានីតតាមបណ្តោយឆ្នេរ ឬលើឆ្នេរខ្សាច់ ដើម្បីកុំឱ្យប៉ះពាល់ដល់សណ្តាប់សាធារណៈ។
មន្ត្រីនគរបាលចរាចរណ៍ខេត្តកំពង់ស្ពឺ ចំនួន១០រូប ត្រូវបានដកបញ្ឈរជើងបណ្ដោះអាសន្ន បន្ទាប់ពីមន្ត្រីម្នាក់ក្នុងចំណោមមន្ត្រីទាំងនេះបានផាកពិន័យអ្នកបើកបរដោយមិនចេញវិក្កយបត្រ និងបានឱ្យអ្នកបើកបរផ្ទេរប្រាក់ចូលក្នុងគណនីធនាគារផ្ទាល់ខ្លួន។
ស្នងការដ្ឋាននគរបាលខេត្តកណ្ដាល បានច្រានចោលចំពោះការផ្សាយ ដែលថា មន្ត្រីនគរបាលចរាចរណ៍ខេត្តកណ្ដាល ទទួលសំណូកពីម្ចាស់រថយន្តឈ្នួលដែលដឹកលើសចំណុះ ជាថ្នូរនឹងការមិនចាត់វិធានការតាមច្បាប់ចរាចរណ៍ និងថាមិនមានការគំរាមកំហែងណាមួយទៅលើអ្នកសារព័ត៌មានពលរដ្ឋ ឱ្យលុបរូបថត និងវីដេអូនោះទេ។
ពលរដ្ឋមួយក្រុមដែលរងផលប៉ះពាល់ពីគម្រោងអភិវឌ្ឍន៍ផ្លូវដែក នៅរាជធានីភ្នំពេញ ស្នើជាថ្មីទៀតទៅរដ្ឋបាលរាជធានីភ្នំពេញ ពន្លឿនការដោះស្រាយបញ្ហាដីធ្លីជូនពួកគេឱ្យបានឆាប់ ខណៈពួកគាត់បារម្ភពីការបណ្តេញចេញដោយបង្ខំ និងមិនទទួលបានសំណងសមរម្យ ដោយសារអាជ្ញាធរនៅតែចង្អុលបង្ហាញឱ្យពួកគេទទួលយកដីនៅក្រុមហ៊ុន7NG ស្ថិតនៅខេត្តកណ្ដាល។
សង្គមស៊ីវិលផ្នែកសិទ្ធិមនុស្ស យល់ថា ការដែលសមត្ថកិច្ចនៅមិនទាន់អាចស្វែងរកចាប់ខ្លួនអតីតអភិបាលរងខេត្តកែប លោក ភូ លិ ដែលប្រើហិង្សាលើស្ត្រីម្នាក់បណ្ដាលឱ្យបែកក្បាលនោះ ថាជាការអនុវត្តច្បាប់ស្ដង់ដារពីរ។
អតីតស្នងការនគរបាលខេត្តកណ្ដាលដែលធ្លាប់ទទួលវិន័យពីក្រសួងមហាផ្ទៃ ក្រោមបណ្ដឹងពុករលួយ ដែលប្ដឹងដោយមន្រ្តីក្រោមឱវាទខ្លួន ទើបត្រូវបានតែងតាំងជាអនុរដ្ឋលេខាធិការនៃទីស្ដីការគណៈរដ្ឋមន្រ្តី។
លោកនាយករដ្ឋមន្ត្រី ហ៊ុន សែន បានលុបចោល ស.ជ.ណ របស់ខ្លួនដែលចេញនៅដើមខែមករានេះ ពាក់ព័ន្ធករណីអគ្គនាយិកាក្រុមហ៊ុន ហេងអភិវឌ្ឍន៍ គឺលោកស្រី សៀង ចាន់ហេង និងបក្ខពួក ដែលត្រូវបានគេចោទថាប្រើប្រាស់ឯកសារក្លែងបន្លំ ដើម្បីកាន់កាប់អចលនវត្ថុរបស់អ្នកដទៃ ស្ថិតនៅឃុំស្អាងភ្នំ ស្រុកស្អាង ខេត្តកណ្ដាល។
ក្រសួងយុត្តិធម៌ បានណែនាំស្ថាប័នពាក់ព័ន្ធយកចិត្តទុកដាក់អនុវត្តនីតិវិធីសម្រាប់ជនរងគ្រោះជាអនីតិជននៅក្នុងសំណុំរឿងព្រហ្មទណ្ឌ ដូចជា ចៀសវាងចម្លើយក្នុងស្ថានភាពតក់ស្លុត ការតទល់រវាងជនល្មើសនិងជនរងគ្រោះ ជាដើម ដើម្បីបញ្ចៀសនូវផលប៉ះពាល់ដល់ប្រសិទ្ធភាពស្រាវជ្រាវ និងសតិអារម្មណ៍របស់ជនរងគ្រោះ ខណៈក្រសួងកត់សម្គាល់ថា កន្លងមក ការអនុវត្តនីតិវិធីមួយចំនួនរបស់ស្ថាប័នអយ្យការ និងតុលាការ ជាពិសេសចំពោះភាគីជនរងគ្រោះជាអនីតិជន នៅមានចំណុចខ្វះខាត។
VOD គឺជាស្ថាប័នព័ត៌មានឯករាជ្យក្នុងស្រុកមួយ ដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
